1 TIMOTEO 2:2 - Tepehuano Tepehuán del Sureste (Durango)

² Bɨɨx japim tu ja daañxiꞌñdhaꞌ nam jix bhaiꞌm taatɨt tu oiꞌñkaꞌ guiꞌ nam gɇꞌgɇrkam kɨꞌn daraa yaꞌ dhi oiꞌñgaꞌn nam baꞌ cham tɨ jɨgialhchuꞌnkaꞌ, gio baꞌ nam cham jich juandaꞌ aach nach buiñor tɨ jɨɨgiꞌñ guch Xoiꞌkam, nach baꞌ cham tuꞌ bhaan jax jich aagɨt miꞌ puiꞌ jiimdaꞌ na jax jix kɨɨꞌ kaꞌm nɨiꞌñ gu Dios.

1 TIMOTEO 2:2 ပူးပေါင်းရင်းမြစ်များ

LUUKAS 1:6

Baꞌ daim bɨpnagɨm miꞌ puiꞌ jiimdaꞌ am na jax jix aaꞌ gu Dios, miꞌ puiꞌ tu duiñchuꞌndaꞌ am na jax tu aagix kaꞌ, nam guꞌ tuꞌ kaꞌm nɨiꞌñdhaꞌ gu Dios. Sia bɨɨx gu jaꞌtkam jaiꞌp jix mat kaꞌ am nam tuꞌ kaꞌm tɨ nɨiꞌñdhaꞌ, cham baꞌ paiꞌ jaroiꞌ tuꞌ kɨꞌn jax ja tɨtdadaꞌ.

LUUKAS 2:25

Baꞌ maaꞌn gu maaꞌnkam bhaiꞌp kiokaꞌ Jerusaleen, Simeon tɨɨgim, na miꞌ puiꞌ jimdaꞌ na jax jix aaꞌ gu Dios, gammɨjɨ tu daandaꞌ. Baꞌ jaiꞌ puiꞌ tɨip tɨ nɨɨradaꞌ na paiꞌ baꞌ duuk puiꞌx ja joiꞌmdai ja palhbuidhaꞌ gu Dios gu Israel kam jaꞌtkam nam ja tulhiiñchuꞌndaꞌ gu jaiꞌ jaꞌtkam maakam dɨr jaꞌk kam. Baꞌ na guꞌ bhaan jup tuiꞌñgɨdaꞌ gux Dhuuduꞌ kam jix Uañ Iiꞌmdaꞌ,

GU NOONBIꞌÑ GUCH XOIꞌKAM 10:22

Baꞌ guiꞌp kaiꞌch am: ―Aa dho guꞌ nat bhach joot dho maaꞌn gu ja gɇꞌkam tuk gu sandaaruiꞌx na Korneelio tɨɨꞌ. Baꞌ dhiꞌ dhi maaꞌnkam joidham jir jix bhaiꞌkam, gio na gammɨjɨ tu daandaꞌ buiñor gu Dios, gio baꞌ nam bɨɨx pɨx jix kɨɨgalhiꞌñ gu Israel kam jaꞌtkam. Baꞌ maaꞌnnim buiñor jum maax gu nobiiꞌñ gu Dios, baꞌ puiꞌ tɨtda na sap jaroiꞌ bha jootsaꞌ na bham baiꞌñmɨraꞌ nap mu jimiaꞌ mummɨ kiaꞌmiꞌñ na sap baꞌ miꞌm kaayaꞌ nap jax tu aꞌgidhaꞌ.

GU NOONBIꞌÑ GUCH XOIꞌKAM 24:16

Puiꞌ kuñ baꞌ aañ jiñ dhɨkooꞌñdhatuꞌ nañ miꞌ puiꞌ jim na jax jaꞌk jix kɨɨꞌ kaꞌm nɨiꞌñ gu Dios gio gu jaꞌtkam ja bui.

ROOMA KAM 12:18

Xi gaagidhaꞌ pim na pim jax jaꞌk jix bhaiꞌ biꞌiidhaꞌ gammɨjɨ ja bui gu jaꞌtkam nam baꞌ cham xi jam bhaamkiꞌñdhaꞌ, ni aapiꞌm mu jaꞌk.

PILIIPOS KAM 4:8

Jaꞌpniñ baꞌ moop xi jam tɨɨdam jiñ jaaduñ jich Xoiꞌkam bhaan. Dai gu tuꞌ nar jix kɨɨꞌp jum duukam japim bhaan tɨtɨɨꞌñchot miꞌ puiꞌ jiimdaꞌ na jax jix aaꞌ gu Dios. Puiꞌ pim jaꞌk tu jimdaꞌ nam jax jaꞌk pɨx jix bhaiꞌ jam aaꞌndaꞌ gu jaꞌtkam na pim jir jix kɨkɨɨꞌ jaꞌtkam. Bɨɨx aixim japim tuꞌ kaꞌm xi chɨ nɨidhat.

1 TESALOONIKA KAM 4:11

Baꞌ dai dhiꞌ bhaan japim jup jum tukgiꞌñkaꞌ gu tuꞌx bhaiꞌm duukam na pim jup tu buadaꞌ, cham tuꞌ na pim bɨɨx aixim jum aaꞌndaꞌ gu tuꞌ na cham jum aaꞌ. Dɨɨlh jam boordaꞌ kɨꞌn japim tu biaꞌkaꞌ gu tuꞌ, na chich jax puiꞌ pu xi jam tɨɨdak moo ba puiꞌ,

ISRAEL KAM 12:14

Jam guguuxiꞌñ iñ ɨp na pim joidham jix bhaiꞌ kaiꞌchɨt jix jɨjɨkgɨm tu oiꞌñkaꞌ, chaꞌpim tuꞌ kɨꞌn jum kokdat, guꞌ dai ji na pim soiꞌm ɨlhdhat miꞌ puiꞌ xi jiimdaꞌ na jax jir am. Chaꞌpim kam uaꞌtulhiꞌñdhaꞌ, na guꞌ gu jaroiꞌ noꞌ daim uaꞌtulhiꞌñ, cham jɨꞌxdhaꞌ aayaꞌ bhammɨ buiñor gu Dios.