1 TIMOTEO 2:1 - Tepehuano Tepehuán del Sureste (Durango)

¹ Bɨɨx jañ pu jam tɨtda na pim jɨꞌk buiñor tɨ jɨɨgiꞌñ guch Xoiꞌkam na pim siamri soiꞌm ɨlhdhat ja aꞌmkam tu daandaꞌ buiñor gu Dios bɨɨx gu jaꞌtkam, sia guiꞌ nam cham tɨ jɨɨgiꞌñ buiñor, na baꞌ cham tuꞌ bɨɨx aixim ja aꞌm jum aaꞌndaꞌ. Xi taxchaabgidhat japim ɨp baꞌ na bha tuch joochxiꞌñ gu tuꞌ nach puꞌñi taandaꞌ.

1 TIMOTEO 2:1 ပူးပေါင်းရင်းမြစ်များ

GU NOONBIꞌÑ GUCH XOIꞌKAM 17:30

Dho guꞌ bɨjɨk gu Dios cham tuꞌp jum buixdhat dho ja bui gu jaꞌtkam, sia kum bɨɨx aixim pɨx tu jimdaꞌ nam jax ɨlhiiꞌñdhaꞌ dɨɨlh, guꞌ xib puiꞌ kaiꞌch ji nam sap bɨɨx kap miꞌ puiꞌ ba jimiaꞌ gu jaꞌtkam na jax jix aaꞌ.

ROOMA KAM 1:8

Bɨɨpɨꞌñ jaꞌp xi jam tɨɨdam jiñ jaaduñ jich Xoiꞌkam bhaan nañ aañ taxchaabgiꞌñ gu Dios na pim jix ioꞌm buiñor ba tɨ jɨɨgiꞌñ guch Xoiꞌkam, bɨɨx kap naiꞌ puiꞌ tum kaiꞌch na pim jix ioꞌm buiñor tɨ jɨɨgiꞌñ.

ROOMA KAM 6:17

Baꞌ aañ taxchaabgiꞌñ gu Dios na pim aapiꞌm dai gu Dios pɨx bar tujuandam tugiꞌñ, joidham bɨɨx jam jujur kɨꞌn japim miꞌ puiꞌ jiim na jax jix aaꞌ, na pimɨt guꞌ puiꞌ jaꞌk maat na mɨt jax jam aaꞌñ, sia ku pim guꞌ bɨɨpɨꞌ dɨr giilhim kam tulhiiñdhaꞌ na pim jir tujuandam tugiꞌñ kaꞌ gu uaꞌtulhdharaꞌ.

1 KORIINTO KAM 15:3

Janoꞌ na ñich jax kiaꞌpɨx bhammɨ tu jam aꞌgi aapiꞌm jiñ jaaduñ, dhiꞌ pɨx jañich jup jam aaꞌñ na ñich aañ jax chuꞌm jup tu maat. Jaꞌpniñ jam tɨtda nat guch Xoiꞌkam jich aꞌmkam muu kɨꞌn guch uaꞌtulhdharaꞌ. Baꞌ jaꞌpni tu uaꞌñix maaꞌn kap na mɨt paiꞌ tu uaꞌnak gu bɨjɨk dɨr kam

2 KORIINTO KAM 8:6

Baꞌ aach xib yaꞌ dɨr puiꞌ soiꞌp tɨɨꞌn gu Tiito na mu jimɨi jumpadaꞌ gu tuumiñ na pim paiꞌ maap jum jumpadat tu daan, kat japim chi baꞌ iam jix ja joiꞌmdai gu jaiꞌ tu makiaꞌ jɨꞌk na pim puiꞌ pup jum duuk. Nat guꞌ dhi Tiito pu ba tu jumpai bɨɨpɨꞌ dɨr gu tuumiñ bhaiꞌ jam bui, dhiꞌ baꞌ gio muiꞌp jimiaꞌ xib.

EEPESO KAM 3:13

Baꞌ chaꞌpim jum oꞌjolhdhat buiñor xi chɨ jɨɨgiꞌñdhaꞌ guch Xoiꞌkam. Soiꞌñ jam tɨtda na pim cham tuꞌ dhiꞌ bhaan jum oꞌjolhiꞌñdhaꞌ nañ giilhim jiñ chulhiiñ aañ, na guꞌ dhiꞌ nañ jax jiñ chulhiiñ, jam aꞌmkam aapiꞌm jañ puiꞌñ chulhiiñ. Guꞌ jaꞌpji na pim jix bhaiꞌm taatɨt miꞌ puiꞌ xi jiimdaꞌ nañ kapbhaiꞌ jam aꞌmkam jiñ chulhiiñ.

EEPESO KAM 5:20

Gammɨjɨ pim taxchaabgiꞌñdhaꞌ gu Dios jich Gɨꞌkoraꞌ na bɨxchuꞌ pɨx kɨꞌn jix bhaiꞌch bua, bhaankam japim taxchaabgiꞌñdhaꞌ gu Gɇꞌkam jich Xoiꞌkam.

EEPESO KAM 6:18

Gammɨjɨ pim jup tɨꞌñchokat na pim tu daandaꞌ buiñor gu Dios, puiꞌ pim jaꞌk tu daandaꞌ na jax jaꞌk jam jurtudidhaꞌ gux Dhuuduaꞌ kam jix Uañ Iiꞌmdaꞌ, sia gu tuꞌ na pim taandaꞌ. Gio soiꞌ pim jum ɨlhdhat, gio na pim cham tuꞌm oꞌjolhiꞌñdhaꞌ, jaꞌpji na pim xi buaꞌtgɨdaꞌ na pim miꞌ puiꞌ xi jiimdaꞌ. Ja aꞌmkam japim tu daandaꞌ ɨp sia bɨɨx guiꞌ nam jɨꞌk jir jaꞌtkam tugiꞌñ gu Dios.

PILIIPOS KAM 1:3

Aañ gammɨjɨ taxchaabgiꞌñdhaꞌ gu Dios nañ ba jam tɨꞌñchoꞌ,

PILIIPOS KAM 4:6

Chaꞌpim bɨxchuꞌx buam jum aagɨt bhaan tɨtɨɨꞌñchokaꞌ, guꞌ jaꞌpji na pim xi aagiꞌñdhaꞌ pɨx gu Dios buiñor ji chu daanɨt na tuꞌ jam aꞌm jum aaꞌndaꞌ. Xi taxchaabgidhai pim baꞌ na pim paiꞌ dhuuk puꞌñi xi aaꞌñdhai.

1 TESALOONIKA KAM 3:12

Gio baꞌ na guiꞌ pɨx Dios jam maakidhaꞌ matdaꞌ na pim jax jaꞌk jix ioꞌm maachidhaꞌ na pim xim jajoiꞌgɨꞌndaꞌ bɨɨx jɨꞌmaꞌn, jaꞌp na jax aach nach xi jam joiꞌmdat tɨi jam tɨꞌñcho.

2 TESALOONIKA KAM 1:3

Aapiꞌm jiñ jaaduñ jich Xoiꞌkam bhaan, aach gammɨjɨ maaꞌn nach jax taxchaabgiꞌñchuꞌ gu Dios na pim tɨ jɨɨgiꞌñ buiñor guch Xoiꞌkam, na guꞌch aꞌm jum aaꞌ nach dhiꞌ bhaan jam siispatgɨdaꞌ. Jix bhaiꞌ ba maachim japim guꞌ na jax jir jum duukam dhiꞌ puiꞌ nach jax jaꞌk tu jim, baꞌx ioꞌm jix bhaiꞌ bhaan tɨ jɨɨꞌñdhidhat jum biiñkadim japim, gio na pim jix ioꞌm jum gɨꞌlhdhim na pim xim jajoiꞌgɨꞌn.

1 TIMOTEO 2:4

Na guꞌ gu Dios jich Gɨꞌkoraꞌx aaꞌ nam bɨɨx gu jaꞌtkam miꞌ puiꞌ jimiaꞌ na jax jum kaiꞌch gu ñioꞌkiꞌñ na sɨlhkam tu aꞌga na baꞌx bhaiꞌ tu ja jimiaꞌ.

1 TIMOTEO 5:5

Gio guꞌ gu ubii guiꞌ na sɨlhkam puiꞌm tɨɨtɨꞌndaꞌ nar dɨɨlhdhɨm, soiꞌm ɨlhdhat tu daandaꞌ buiñor gu Dios gammɨjɨ nabap tanoolh gio nabap tukaaꞌ.

2 TIMOTEO 2:24

Na guꞌ noꞌñ jir tujuandam tugiꞌñ guch Gɨꞌkoraꞌ, cham jir am nañ ja kokdadaꞌ gu jaꞌtkam, guꞌ jaꞌpji nañ jir jix bhaiꞌkam kaꞌ bɨɨx pɨx ja bui, gio nañ jix joojoiꞌñdhaꞌ nañ tu ja aꞌgiꞌñdhaꞌ. Cham bhammukdaꞌ iñ sia kum jaiꞌ dhɨt jax jiñ chɨtda.

TIITO 2:11

Nat guꞌ gu Dios maaxik xich joiꞌmdak jich chɨɨ, puiꞌ kuch baꞌ tɨ jɨɨgiꞌñ na gu Dios puiꞌx joiꞌmdaip tɨɨgɨi baabuꞌ gu jaroiꞌ bhaan dɨr gu boi na mu jaꞌk bhɨix na paiꞌ gammɨjɨ miꞌ pup jum tulhiiñdhaꞌ, dai pɨx noꞌt soiꞌ bam ɨlh buiñor.

TIITO 3:2

Cham jir am nam buam ja aꞌgadaꞌ gu jaꞌtkam, ni kum cham bhaaꞌmnaꞌ kaꞌ, jix chu joiꞌgɨꞌndaꞌm pɨx. Puiꞌm jaꞌk tu jimdaꞌ nam jax jaꞌk jix maatɨt ja nɨiꞌñdhaꞌ gu jaꞌtkam nam soiꞌm ɨlhiiꞌñ ja jujur am bhaan.

ISRAEL KAM 6:11

Baꞌ aañ jam guguuxiꞌñ jiñ jaaduñ na pim cham mɨk buppadaꞌ na pim jax ba duiñchuꞌ xib janoꞌ juugɨt na paiꞌ dhuuk tum kuugalhdhaꞌ yaꞌ dhi oiꞌñgaꞌn. Dai na pim pɨx am tɨ nɨɨrdaꞌ na pim jimiaꞌ na pim paiꞌ tu iimchudhix na pim saak paiꞌx jɨjɨkgɨm bap tuiꞌkaꞌ.

SANTIAGO 5:16

Puꞌñi jaꞌk jum aaꞌ na pim duiñchuꞌndaꞌñ jaaduñ. Xi chu aꞌgat japim xi chum uañdhat maaꞌn ñiꞌook xip buaꞌt noꞌ pimɨt tuꞌ bhaan mam uaꞌtulh dai aapiꞌm jam bui, na baꞌ guꞌp jam kɇɇkɇꞌ gu Dios na pim paiꞌ dhuuk puꞌñi soiꞌ ba tɨtdadaꞌ na pim tum daañxiꞌñdhaꞌ bɨɨx jɨꞌmaꞌn na jam duduaꞌñdhaꞌ noꞌt ba ji jam ai gu jax chuꞌm koꞌkdaiꞌ, sia gu jam iꞌiiꞌmdaꞌ bhaan. Na guꞌ gu jaroiꞌ noꞌ moo miꞌ puiꞌ xi dhuiñchuꞌ na jax jaꞌk moox aaꞌ guch Gɨꞌkoraꞌ, bɨxchuꞌx bhaiꞌm duukam jix bhaaiꞌ na pu tu duñiaꞌ bhaankamuꞌn, na guꞌ kɇɇkɇꞌ na paiꞌ dhuuk muiꞌ ba taandaꞌ.