1 TIMOTEO 1:5 - Tepehuano Tepehuán del Sureste (Durango)

⁵ Jax dhui na cham tuꞌ kam aaꞌ nach bhaan tɨtɨɨꞌñchokaꞌ gu tuꞌ bɨjɨk dɨr kam, jaꞌpji dai nach xich jajoiꞌgɨꞌndaꞌ bɨɨx jɨꞌmaꞌn. Dhiꞌ pu chuꞌm tu uaꞌpu noꞌñ jix kɨɨꞌp jum duukam bhaan jurtɨkat puiꞌ ba duñiim, nañ cham tuꞌ gux buam jum duukam bhaan ka jurtɨkaꞌ, gio nañ sɨlhkam tɨ jɨɨgiꞌñdhat buiñor jix biiñak kaꞌ guch Xoiꞌkam.

1 TIMOTEO 1:5 ပူးပေါင်းရင်းမြစ်များ

MATEO 12:35

Na guꞌ gu jaroiꞌ noꞌ dɨɨlh pur jix bhaiꞌkam, joidham jix bhaiꞌ tu ñiokdaꞌ, na guꞌ dai puiꞌ jaꞌk jum aaꞌndaꞌ juraꞌran bhaan. Guꞌ baꞌ gu jaroiꞌ noꞌ pu dɨɨlh cham jir kɨɨꞌ maaꞌnkam, giilhim jix buam tu ñiokdaꞌ, na guꞌ dai puiꞌ jaꞌk jup jum aaꞌndaꞌ juraꞌran bhaan.

MATEO 5:8

’Jaꞌp moo joidham jix bhaiꞌ tu ja jim guiꞌ nam jɨꞌk cham uꞌuaꞌtulhdhix gu ja jujur am bhaan, nam guꞌx maat nar tuꞌp tuꞌm daꞌ gu Dios.

GU NOONBIꞌÑ GUCH XOIꞌKAM 15:9

Cham tuꞌ jaiꞌ kam ja ɨlhiiꞌñ gu Dios sia kum cham jir Israel kam jaꞌtkam, puiꞌ pɨx jup ja ɨlhiiꞌñ ji matgɨm na jax aach. Dhiꞌ bhaan jix maatɨꞌ nat puiꞌp uañchuda gu ja uaꞌtulhdharaꞌ na mɨt paiꞌ dhuuk tɨ jɨɨꞌñ buiñor guch Xoiꞌkam jaꞌp na jax aach.

GU NOONBIꞌÑ GUCH XOIꞌKAM 23:1

Baꞌ gu Paablo bha jaꞌp naiꞌ xi ja tɨɨgɨk gu gɇꞌgɇrkam nam muiꞌ miꞌ ba jumpax nam miꞌ bax iattulhdham, jup ja tɨtda: ―Aañ gammɨjɨ miꞌ puiꞌ jim jiñ jaaduñ na jax jaꞌk jix kɨɨꞌ kaꞌm nɨiꞌñ gu Dios.

GU NOONBIꞌÑ GUCH XOIꞌKAM 24:16

Puiꞌ kuñ baꞌ aañ jiñ dhɨkooꞌñdhatuꞌ nañ miꞌ puiꞌ jim na jax jaꞌk jix kɨɨꞌ kaꞌm nɨiꞌñ gu Dios gio gu jaꞌtkam ja bui.

ROOMA KAM 10:4

Na guꞌ puiꞌ na jɨꞌk jax tu aagix guiꞌ nat Moisees tu uaꞌnak, miꞌ bhaan ji juu buiñor guch Xoiꞌkam. Puiꞌ ku baꞌ gu jaroiꞌ noꞌ buiñor ba tɨ jɨɨgiꞌñ guch Xoiꞌkam, gu Dios puiꞌ ba ɨlhdhaꞌ nar jix kɨɨꞌ maaꞌnkam kaꞌ.

ROOMA KAM 12:9

Aapiꞌm na pim ba tɨ jɨɨgiꞌñ buiñor guch Xoiꞌkam, tuꞌ sɨlhkam japim xim ja joiꞌgɨꞌndaꞌ bɨɨx jɨꞌmaꞌn, cham tuꞌ na palhɨɨp pɨx. Chaꞌpim ka kɨɨgalhiꞌñdhaꞌ gux buam jum duukam, guꞌ jaꞌpji dai guiꞌ na tuꞌr jix kɨɨꞌ na pim gaaꞌñchuꞌndaꞌ.

ROOMA KAM 14:15

Guꞌ baꞌ noꞌ pim guꞌ aapiꞌm nɨiꞌñchudat kuaꞌ gu tuꞌ na tuꞌ cham kuaꞌdaꞌ gu jumai, dhiꞌ cham joiꞌgɨꞌndaꞌ pim ku pim baꞌp buadaꞌ. Puiꞌ ku baꞌ cham jir am na pim nɨiꞌñchudat kuaꞌdaꞌ gu tuꞌ na jax chuꞌm jix xidhuutuꞌn kaꞌ gu jumai, na baꞌ cham tuꞌ pɨx tɨ ɨlhdhai miꞌ cham ka tɨ jɨɨgiꞌñdhaꞌ buiñor guch Xoiꞌkam, dai baꞌ na mu jaꞌk ba bhɨɨyaꞌ na paiꞌ gammɨjɨ miꞌ pup jum tulhiiñdhaꞌ.

ROOMA KAM 9:1

Baꞌ aañ jaꞌpni xi jam tɨɨdam jiñ jaaduñ, sɨlhkam puiꞌ tu tatdaꞌ nañ jax jam tɨɨdaꞌ, cham tuꞌ nañ jam iatgidhaꞌ, nañ guꞌ aañ sɨlhkam tu aꞌga nañ tɨ jɨɨgiꞌñ buiñor guch Xoiꞌkam, na guꞌ gux Dhuuduꞌ kam jix Uañ Iiꞌmdaꞌñ mattuꞌn nañ jax jaꞌk sɨlhkam tu aꞌgadaꞌ.

1 KORIINTO KAM 13:1

Noꞌñ cham tu joiꞌgɨꞌn, pu cham tuꞌ mi tɨgiaꞌ iñ siañ chi muiꞌ ñiiñioꞌk kɨꞌn jix maatɨt tu daan, siañ chi moo tɨi ja ñiꞌook kɨꞌn gu noonbiꞌñ gu Dios jix maatɨt kɨꞌn tu daan. Jaꞌp pɨx kaiꞌchdhaꞌ iñ na jax gu baiñum piam tuꞌ jooxiaꞌ kɨlhdhaꞌ noꞌ jaroiꞌ kɨꞌn tɨ gɨb.

2 KORIINTO KAM 1:12

Aach cham tuꞌx buam jum duukam jup tu duñiim jiñ jaaduñ nach xich gaꞌnga, jix bhaiꞌch chaat ich baꞌ. Miꞌ puiꞌ jiim ich guꞌ na jax jaꞌk jum aaꞌ nach miꞌ puiꞌ jiimdaꞌ nach yaꞌ ka oipo dhi oiꞌñgaꞌn bhaan, puiꞌ na jax aapiꞌm nach guꞌ cham tuꞌ tuꞌ bhaan jax jam tɨtda ku pim guꞌ bhaan jix buam jup bam aaꞌ. Gio nach guꞌ cham tuꞌ puiꞌ jaꞌk jujurtɨk na jax gu jaꞌtkam yaꞌ kam dhi oiꞌñgaꞌn, guꞌ jaꞌpji na jax jaꞌk jix aaꞌ gu Dios na jaroiꞌ xich joiꞌmdat jich ñɨidhim.

GALAASIA KAM 5:22

Baꞌ noꞌ jaroiꞌ bhaan tajaañixchuꞌ gux Dhuuduꞌ kam jix Uañ Iiꞌmdaꞌ, jix chu joiꞌgɨꞌndaꞌ pɨx sia tuꞌ na pɨx bhaan ja bui gu jaꞌtkam, na gammɨjɨx bhaiꞌm taatɨt ja palhbuiꞌñdhaꞌ sia nar paiꞌ dhuuk kaꞌ gɨt. Gio na cham bhaamdar kaꞌ, nax chu nakooꞌndaꞌ pɨx sia tuꞌ na pɨx kɨꞌn. Gam na dɨɨlh jum palhbuiꞌñkaꞌ na jax jaꞌk cham tuꞌ bhaan maiꞌchiaꞌ gux buam jum duukam. Na gammɨjɨ soiꞌm ɨlhdhat tuꞌ sɨlhkam tɨ jɨɨꞌñdhat buiñor guch Xoiꞌkam miꞌ puiꞌ jimdaꞌ na jax jix kɨɨꞌ kaꞌm nɨiꞌñ. Noꞌ jaroiꞌ gammɨjɨ puꞌñi miꞌ puiꞌ tu duiñchuꞌ, cham jum aaꞌ na jaroiꞌ aagiꞌñdhaꞌ na jax jaꞌk tu aagix, na guꞌ puꞌñi pɨx jaꞌk jum aaꞌ nam tuiꞌñgɨdaꞌ gɨt bɨɨx gu jaꞌtkam.

GALAASIA KAM 5:6

Na guꞌ aach nach bax maat nach buiñor jup tuiꞌdhiꞌ guch Xoiꞌkam, jich aꞌm tɨ nɨidhim sia kuch cham kach matgilhiꞌñ. Na guꞌ guch Xoiꞌkam cham tuꞌ dhiꞌ bhaan jich aꞌm tɨ nɨidhidhaꞌ noꞌch matgilhdhix piam ku guꞌ cham, guꞌ jaꞌpji noꞌch tuꞌ sɨlhkam buiñor tɨ jɨɨꞌñdhat xich jajoiꞌgɨꞌn.

1 TIMOTEO 1:18

Baꞌ aap Timoteo nañ jaꞌp jum ɨlhiiꞌñ nap jir jiñ mar, xim guguuxdhaꞌ ap nap jix ioꞌm xim biiñkadaꞌ buiñor guch Xoiꞌkam. Xi kɨɨkgɨdaꞌ ap nap miꞌ puiꞌ xi jimdaꞌ na jax jix aaꞌ, na guꞌ dhiꞌ jaꞌp ji buusan nap bhaan tu kokdatuꞌ. Puiꞌp jaꞌk duiñchuꞌndaꞌ na pich jax jaꞌk ja kai na mɨt tum daañxi buiñor gu Dios guch Xoiꞌkam jɨɨgiꞌñdham.

1 TIMOTEO 1:19

Jaiꞌ dhɨt nam tɨi buiñor kax biiñak kat guch Xoiꞌkam, xib cham tuꞌ kap jum buixiꞌñ am buiñor, na guꞌ dai na mɨt maakam jim aagɨk mu jaꞌk bhaan ba tu daaꞌñchuꞌ na tuꞌ cham kɨɨꞌ kaꞌm nɨiꞌñ gu Dios.

1 TIMOTEO 3:9

Gio nam miꞌ puiꞌ tu daaꞌñchuꞌndaꞌ na jax jir sɨlhkam nach aach jax chuꞌm bhaan tɨ jɨɨgiꞌñ, nach guꞌx maat nar sɨlhkam, dai gux kɨɨꞌp jum duukam nam bhaan jujurtɨkaꞌ.

2 TIMOTEO 1:3

Aañ gammɨjɨm tɨꞌñchot taxchaabgiꞌñdhaꞌ gu Dios nañ tu daandaꞌ buiñor nabap tanoolh gio nabap tukaaꞌ, nañ guꞌ aañ dai guiꞌr tujuandam tugiꞌñ nañ pu duñiim na tuꞌr jix kɨɨꞌp jum duukam, jaꞌp na jax guñ bopxi kat na mɨt puiꞌp tu juañxidhak gu Dios.

2 TIMOTEO 1:5

Tɨꞌñcho iñ sia nap jix bhaiꞌ buiñor jix biiñak guch Xoiꞌkam. Bɨɨpɨꞌ buiñor jum biiñkai gum abuil Loida gio gum naan Euniise, puiꞌ kuñ baꞌ aañ jix maat nap jaꞌxbuiꞌp jix biiñak na jax guiꞌ am.

2 TIMOTEO 2:22

Jaꞌp jap xi buusnichgɨdaꞌ noꞌ bɨxchuꞌ bhaan xi chum maiꞌchim nap jir biapmaꞌ. Xi kɨɨkgɨdaꞌ ap nap miꞌ puiꞌ jimdaꞌ na jax jix kɨɨꞌ kaꞌm nɨiꞌñ guch Xoiꞌkam, gammɨjɨp jix biiñak kaꞌ buiñor, xix ja joiꞌmdat ap gu jaꞌtkam. Jix bhaiꞌp jum taatɨt oirɨdaꞌ, ja bɨɨm ap guiꞌ nam miꞌ puiꞌ jiimdat bɨɨx ja jujur kɨꞌn puiꞌp iim guch Gɨꞌkoraꞌ.

TIITO 1:15

Na guꞌ gu jaroiꞌ na daix kɨɨꞌp tum duuꞌnkam bhaan jurtɨkaꞌ, bɨɨx jir jix kɨɨꞌp tum duuꞌnkam kaꞌ ɨp na jɨꞌk tuꞌ naiꞌx chu jaiꞌch. Guꞌ ji noꞌ guꞌ pu cham jɨꞌx tɨ jɨɨgiꞌñ nax jaiꞌch gu tuꞌ nar jix kɨɨꞌ, dho pu cham jɨꞌxdhaꞌ jaiꞌchdhɨlhiaꞌ, na guꞌ dai puiꞌ pɨx jaꞌk jum aaꞌndaꞌ. Puiꞌ na jax guiꞌ nam cham tɨ jɨɨgiꞌñ buiñor guch Xoiꞌkam nam daix buam tum duuꞌnkam bhaan jujurtɨk.

ISRAEL KAM 10:22

Bax bhaaiꞌ baꞌ xib nach sɨlh buiñor tu daandaꞌ gu Dios soiꞌch ɨlhdhat, nach guꞌ ba tɨ jɨɨgiꞌñ buiñor guch Xoiꞌkam guiꞌ nat jaroiꞌ tuch ñamkix guch uaꞌtulhdharaꞌ. Jaꞌp ji buus nat jich batbich joidham jix kɨɨꞌ suudaiꞌ kɨꞌn, nat guꞌ bɨɨx uañchuda nach jɨꞌx jix uꞌuaꞌtulhdhix kat.

ISRAEL KAM 13:18

Bhaiꞌ pim xi chuch dhaañxiꞌñdhaꞌñ jaaduñ, nach baꞌ gammɨjɨx bhaiꞌ tu aꞌgadaꞌ dhix bhaiꞌm kaiꞌchdham ñioꞌkiꞌñ gu Dios. Jix aaꞌ ich nach jix bhaiꞌ miꞌ puiꞌ tu kuugalhdhidhaꞌ na jax jix aaꞌ guch Gɨꞌkoraꞌ.

ISRAEL KAM 9:14

Guꞌ gi baꞌ gu ɨꞌraꞌn guch Xoiꞌkam nax ioꞌm jir gɇꞌp jum duukam, pu gammɨjɨ ji nat ba tuch uañ gu Dios guch uaꞌtulhdharaꞌ nat paiꞌ dhuuk makgɨrxi guch Xoiꞌkam. Gux Dhuuduꞌ kam jix Uañ Iiꞌmdaꞌ na gammɨjɨ bhaan tajaañixchuꞌndat guch Xoiꞌkam guguux nach aꞌmkam jum makgɨrtaꞌ buiñor gu Dios, na cham tuꞌ bhaan uaꞌtulhdhix, na baꞌ puꞌñi duuji dappaam tuch uañdhix kaꞌ guch uaꞌtulhdharaꞌ. Baꞌ aach dai nach kaichgɨt gammɨjɨ miꞌ puiꞌ ba jiimdaꞌ na jax jix aaꞌ guch Gɨꞌkoraꞌ na gammɨjɨ pur Dios.

SANTIAGO 4:8

Soiꞌ pim bam ɨlhdhaꞌ buiñor guch Gɨꞌkoraꞌ na baꞌ xi jam joiꞌndai gio jam aꞌm jup ba tɨ nɨidhidhaꞌ. Jaꞌp ji buusniaꞌ na pim jix bhaiꞌ bam iꞌkoimdhaꞌ gio na pim ba uanaꞌ gu jam jujur, na guꞌ ba tu jam uañdhaꞌ gu Dios noꞌ pimɨt soiꞌm ɨlhdhak puiꞌ ba tɨɨꞌn na pim cham puiꞌ ka tuiꞌkaꞌ, sia ku pim guꞌ puiꞌ tɨi kam aagɨt na pim bɨɨx gok kap jup tuiꞌkaꞌ gɨt, puiꞌ na jax na pim kaichgɨdaꞌ gu Dios gio baꞌ na pim puꞌñi bɨɨx aixim tu buadaꞌ gɨt na jax cham kɨɨꞌ kaꞌm nɨiꞌñ.

1 PEEGRO 1:22

Na pim guꞌ aapiꞌm jix chu uañ kɨr baꞌp tuꞌiiꞌ baꞌ xib, na pim guꞌ kɇɇkɇt gux bhaiꞌm kaiꞌchdham ñioꞌkiꞌñ gu Dios miꞌ puiꞌ ba bhɨichuꞌ na jax jix aaꞌ tɨ jɨɨꞌñdhat buiñor guch Xoiꞌkam, nat guꞌ ba tu jam uañ gu jam uaꞌtulhdharaꞌ, gio na pimɨt ba maat na pim jax jaꞌk dui jix bhaiꞌ kaiꞌchɨt xim jajoiꞌgɨꞌndat tu oiꞌñkaꞌ bɨɨx jɨꞌmaꞌn gammɨjɨ. Baꞌ dhiꞌ puꞌñi jaꞌk japim duiñchuꞌndaꞌ gammɨjɨ nabap tanoolh, chaꞌpim tuꞌ bhaan jum kokdadaꞌ, guꞌ jaꞌpji na pim joidham jix bhaiꞌ kaiꞌchɨt jix bhaiꞌ xim tɨ tɨtdat xim ja joiꞌgɨꞌndaꞌ ji bɨɨx jɨꞌmaꞌn bɨɨx jam jujur kɨꞌn gio na pim jɨꞌx jup jum taat.

1 PEEGRO 3:16

Ku guꞌx bhaiꞌ pɨx ji na pim xi ja aagiꞌñdhaꞌ soiꞌm ɨlhdhat gio tuꞌ kaꞌm ja nɨidhat, cham tuꞌ na pim gɇꞌgɇrkam jim taatɨt, ni ku pim jix bhaakut. Pu ka gɨt nam guꞌx xiꞌɨꞌraꞌ guiꞌ nam xi jam bhaamkidhat bɨɨx aixim jam aiꞌchuxiꞌñ, nam xi jam nɨiꞌñdhaꞌ na pim aapiꞌm joidham jir jix bhabhaiꞌkam gio na pim tuꞌ kaꞌm nɨidhat jix bhaiꞌ tu jim na pim jɨꞌk ba tɨ jɨɨgiꞌñ buiñor guch Xoiꞌkam.

1 PEEGRO 3:21

Baꞌ gu xib nach yaꞌ dɨr muiꞌ xich gaꞌnga, jaꞌp ji buus nat jum bakua gu Noee guiꞌ gu suudaiꞌ kɨꞌn nat tɨs janoꞌ, na guꞌ soiꞌm ɨlhiiꞌñ buiñor gu Dios, puiꞌ kut baꞌ cham muu bhaiꞌmuk. Aach baꞌ puꞌñip ba ji bubua xib, nach guꞌ cham tuꞌ maiꞌ ka suulhgix, na chich guꞌch bopkonak suudaiꞌ kɨꞌn puiꞌ ba tɨɨꞌn guch Xoiꞌkam nach gammɨjɨ ba kaichgɨdaꞌ. Nañ jiñ bakuanaꞌ suudaiꞌ kɨꞌn, cham tuꞌr puiꞌ na jax nañ batbiaꞌ noꞌñ bax ikooraꞌ, guꞌ jaꞌpji na bhaan jix maatɨꞌ kaꞌ ji nañ miꞌ dhɨr jaꞌp jaꞌk soiꞌ bañ ɨlhiiꞌñdhaꞌ buiñor gu Dios, gam nañ miꞌ puiꞌ ba jimdaꞌ na jax jaꞌk jix aaꞌ nañ tuiꞌñgɨdaꞌ, gio baꞌ nañ puiꞌ xi chɨɨdaꞌ guch Xoiꞌkam na gammɨjɨ ba tuñ uañiꞌñkaꞌ guñ uaꞌtulhdharaꞌ, nat guꞌ xiñ joiꞌndak jix bhaiꞌ ba duu nat jiñ aꞌmkam muukɨk giop bam mu dɨr koiꞌñgaꞌn tɨr,

1 PEEGRO 4:8

Gampaiꞌ pim pɨx jum ɨlhiiꞌñdhaꞌ bɨɨx jɨꞌmaꞌn, joidham japim xim jajoiꞌgɨꞌndat bɨɨx jɨꞌmaꞌn jix bhaiꞌ kaiꞌchɨt. Xi chum uañdhat japim noꞌ pimɨt tuꞌ bhaan mam uaꞌtulh dai aapiꞌm jam bui, na guꞌ puꞌñi jaꞌk jum bua noꞌñ tuꞌ sɨlhkam jix chu joiꞌgɨꞌn, nañ tu uañiꞌñkaꞌ gu jaroiꞌ siat jax jiñ dhooda.

2 PEEGRO 1:7

Miꞌ dhɨr baꞌ bhaiꞌ ji machiaꞌ pim ɨp na pim jax jaꞌk tuꞌ kaꞌm ja nɨidhat jix ja joiꞌgɨꞌndaꞌ gu jaiꞌch Xoiꞌkam jɨɨgiꞌñdham, nat guꞌ jam aꞌm bam tajaa gux chu joiꞌgɨꞌn na pim baꞌ kɨꞌn gammɨjɨ bax chu joiꞌgɨꞌndaꞌ.

1 JUAN 3:10

Pux bhaiꞌx maatɨꞌ kaꞌ jia nam jax jaꞌk tu jimdaꞌ guiꞌ nam sɨlhkam jir maamraꞌn kaꞌ gu Dios gio guiꞌ nam jup jir maamraꞌn gu jaꞌook. Puiꞌ na jax guiꞌ nam bɨɨx aixim tu buadaꞌ na jax cham jir am, na jax cham kɨɨꞌ kaꞌm nɨiꞌñ gu Dios, gio nam jix ja bhaamkiꞌñdhaꞌ gu jaiꞌch Xoiꞌkam jɨɨgiꞌñdham, dhiꞌ cham tuꞌ Dios jir maamraꞌn kaꞌ am, guiꞌ ji jaꞌook.

1 JUAN 3:23

Gux bhaiꞌm kaiꞌchdham ñioꞌkiꞌñ na tu daaxix, jir diꞌ pɨx guiꞌ na bhaan tu aꞌga gu Maraaꞌn jich Xoiꞌkam na puiꞌm kaiꞌch nach sap tɨ jɨɨꞌñdhaꞌ buiñor na baꞌ puꞌñi duuji uañchudhix kaꞌ guch uaꞌtulhdharaꞌ. Miꞌ dhɨr sap baꞌ dai nach ba xich jajoiꞌgɨꞌndaꞌ bɨɨx jɨꞌmaꞌn jaꞌp na jax guch Xoiꞌkam nat xich joiꞌgɨlh, dɨɨlh sia puiꞌp xich chɨɨdak na yaꞌ xi oilhimɨk.

1 JUAN 3:3

Guꞌ baꞌ gu jaroiꞌ noꞌx aaꞌ na bhammɨ aayaꞌ na paiꞌp tuiꞌkaꞌ guch Xoiꞌkam, jum aaꞌ nax bhaiꞌ xi chu jimdaꞌ, na cham tuꞌx buam ka tu buadaꞌ na tuꞌr uaꞌtulhdharaꞌ. Na guꞌ cham jɨꞌxdhaꞌ jaroiꞌ bhammɨ aayaꞌ noꞌx uaꞌtulhdhix, na guꞌ guiꞌx uañ kɨꞌn kɨɨk na paiꞌp tuꞌiiꞌ.