1 TESALOONIKA KAM 2:3 - Tepehuano Tepehuán del Sureste (Durango)

³ Nach guꞌ aach maaxik jix maat nach miꞌ puiꞌ tu aꞌgim na jax jir sɨlhkam, cham tuꞌr gama jaꞌk. Ni kuch cham iam maakam ja iatgidhat gu jaꞌtkam tuꞌ miꞌ tɨɨgim na baꞌ aach dɨɨlh jich aꞌm ji chu biꞌiidhaꞌ.

1 TESALOONIKA KAM 2:3 ပူးပေါင်းရင်းမြစ်များ

GU NOONBIꞌÑ GUCH XOIꞌKAM 13:15

Baꞌ moo jaꞌxpɨx ba ja baiꞌñ am guiꞌ nam bhaiꞌr ja gɇꞌkam tuk kaꞌ gu Israel kam jaꞌtkam na mɨt paiꞌ dhuuk xi chɨɨmuk nam ja jiñkuixdhimɨk gu uꞌuan gu jaꞌtkam miꞌ na paiꞌ tu uaꞌñix gu puiꞌ na jax jaꞌk tu aagix ja bui gu Israel kam jaꞌtkam, gio baꞌ miꞌ na mɨt paiꞌp tu uaꞌnak guiꞌ nam bhaankamuꞌn tu aꞌgimɨk gu Dios, baꞌ ba ja chian am nam tu ja aꞌgidhaꞌ gu jaꞌtkam, jup ja tɨtda am: ―Ea noꞌ pim jax jix chu aꞌgam jich jaaduñ na pim kɨꞌn ja guguuxdhaꞌ dhi jaꞌtkam, xib jir am na pim yaꞌ puiꞌ xi chɨꞌyaꞌ.

GU NOONBIꞌÑ GUCH XOIꞌKAM 4:36

Puiꞌ na jax maadɨt guiꞌ nam jir bopxiꞌñ gu Lebii, Josee tɨɨgim, nar mu jaꞌk kam kaꞌ na paiꞌ puiꞌ tɨ tɨɨꞌ Chipre, guiꞌ na mɨt Bernabee jaꞌk ji chɨɨtgɨk gu noonbiꞌñ guch Xoiꞌkam, na jaꞌp kaiꞌñkam jup jum kaiꞌch: Guiꞌ na ja guguuxiꞌñdhaꞌ gu jaꞌtkam.

2 KORIINTO KAM 11:13

Cham tuꞌ sɨlhkam jir noonbiꞌñ am guꞌ guch Xoiꞌkam sia kum puiꞌ kaiꞌch, puiꞌ pɨx jaꞌk jam tɨi xi chu jim nam jax dhui bhaan ja iatgiꞌñ gu jaiꞌch Xoiꞌkam jɨɨgiꞌñdham.

2 KORIINTO KAM 2:17

Gio guꞌ aach cham tuꞌ pu kaiꞌñkam tu aꞌgim gu ñioꞌkiꞌñ gu Dios nach jax dhui ja tañiim gu jaꞌtkam gu tuumiñ, jaꞌp nam jax jaꞌk tu jim jaiꞌ dhɨt. Jax dhui nat guꞌ pu kaiꞌñkam naiꞌch joot gu Dios nach bhaankam naiꞌ tu aꞌgaꞌ gu ñioꞌkiꞌñ na jax jir sɨlhkam. Gio nach guꞌ maaꞌn tuukuꞌ bap duiñchuꞌ bɨɨmaꞌn guch Xoiꞌkam, jich aꞌm jum aaꞌ baꞌ nach bhaankam tu aꞌgaꞌ.

2 KORIINTO KAM 4:2

Cham tuꞌch puiꞌ jaꞌk tu jim na jax gu jaroiꞌ na am jix xiꞌɨraam jum ɨlhiiꞌñdhaꞌ noꞌch am mamtɨ na tuꞌ bhaan jich iatgiꞌñ, nach guꞌ aach maaxik sɨlhkam tu aꞌga gux bhaiꞌm kaiꞌchdham ñioꞌkiꞌñ gu Dios, cham tuꞌ nach aach yaꞌ dɨr maakam duñiim na jax cham jir sɨlhkam. Kani na pim jix bhaiꞌ xim gaꞌngadaꞌ na maaxik jir sɨlhkam puiꞌ nach jɨꞌk jax tu aꞌga bhaankam gu Dios.

2 KORIINTO KAM 4:5

Cham tuꞌch ja aaꞌñdhim guꞌ gu jaꞌtkam nach jax jir tuꞌm kam dɨɨlh, guꞌ jaꞌpji nach puiꞌ ja tɨtdaim na guch Xoiꞌkam bɨɨx jir jich Gɇꞌkam tuk. Gio guꞌ puiꞌ pɨx jich ɨlhiiꞌñ ich jam bui nach jir tu jam juandam tuk, nach guꞌ xi jam joiꞌgɨꞌn bhaankam guch Xoiꞌkam.

2 KORIINTO KAM 6:8

Paiꞌjɨch ja buip tuiꞌkaꞌ gu jaꞌtkam guiꞌ nam jix bhaiꞌ kaiꞌchdhaꞌch bui, paiꞌjɨ baꞌ ja bui guiꞌ nam xich bhaamkiꞌñdhaꞌ. Gio paiꞌjɨ tuꞌ pɨx jich ɨlhiiꞌñdhaꞌ am jaiꞌ, jaiꞌ baꞌ nam tuꞌ kaꞌm jup jich ɨlhiiꞌñdhaꞌ paiꞌjɨ. Gio paiꞌjɨm puiꞌch chɨɨdaꞌ gu jaꞌtkam nach ja iatgiꞌñ noꞌch tɨi tu ja aꞌgiꞌñ gu ñioꞌkiꞌñ gu Dios, sia kuch guꞌ aach tɨi miꞌ puiꞌ tu ja aꞌgiꞌñ na jax jir sɨlhkam.

2 KORIINTO KAM 7:2

Chaꞌpim kach bhaamkiꞌñdhaꞌñ jaaduñ, nach guꞌ cham tuꞌ jax jam buixiꞌñ, ni kuch jaroiꞌ mu paiꞌ ba gɨbiim, ni ku chich jaroiꞌ tuꞌ ba ɨɨx.

1 TESALOONIKA KAM 2:11

Gam na chich jam guꞌnguxdhimɨk na pim jax bax maat ɨp, jam aaꞌñdhimɨk ich bɨɨx jɨꞌmaꞌn na pim jax jaꞌk tuiꞌñgɨdaꞌ, jaꞌp na jax maaꞌn gu maaꞌnkam noꞌ tu ja aagiꞌñ gu maamraꞌn.

1 TESALOONIKA KAM 4:7

Nat guꞌ gu Dios pu kaiꞌñkam jich aꞌm tɨ tɨɨ nach baꞌ miꞌ puiꞌ ba jiimdaꞌ na jax jix aaꞌ, nach jix uꞌuañ jup tuiꞌkaꞌ guiꞌ buiñor, cham tuꞌ nach bɨɨx aixim tu buadaꞌ na tuꞌ cham jir kɨɨꞌ.

2 TESALOONIKA KAM 2:11

Cham tuꞌp jum buixdhaꞌ gu Dios ja bui dhi jaꞌtkam sia ku mɨt bhaan ba suulh na tuꞌ cham jir sɨlhkam, xi ja nɨiꞌñdhaꞌ pɨx nam dhiꞌ bhaan tɨ jɨɨꞌñdhaꞌ

2 PEEGRO 1:16

Na guꞌ dhiꞌ na chich jɨꞌk jax ba tu jam aꞌgiñ jaaduñ bhaankamuꞌn gu Dios nach jup kaiꞌch nar gɇꞌkam kat bɨxchuꞌx aichuꞌn gu Gɇꞌkam jich Xoiꞌkam, gam nach jup kaiꞌch na gio bhaiꞌp jimdaꞌ gatuuk, cham tuꞌr iatdaꞌ pɨx dhiꞌ, ni ku chich dɨɨlh puiꞌ jaꞌk xi duuk naiꞌ jaꞌp pu chuꞌm ba tu aꞌgim, ni ku cham tuꞌr sapookiꞌñ. Jaꞌpjir sɨlhkam ji dhiꞌ, maaxik jachich tɨɨch buupui kɨꞌn gu Gɇꞌkam jich Xoiꞌkam nax bhaiꞌm duukam jup tu buimɨk na yaꞌ xi oilhimɨk kuch baꞌ puiꞌ ba tu jam aꞌgiꞌñ.