1 PEEGRO 5:14 - Tepehuano Tepehuán del Sureste (Durango)

¹⁴ Jaꞌpniñ baꞌ pɨx jam tɨtdañ jaaduñ. Moo gɨt baꞌ gammɨjɨ pɨx jix jɨjɨkgɨm jup tuiꞌkaꞌ pim bɨɨx jɨꞌmaꞌn na pim ba kaichuꞌ guch Xoiꞌkam. Xim ñiñioꞌkdhat japim baꞌ xim kookmikɨk na pim paiꞌ dhuuk bam tɨtgiaꞌ, jix bhaiꞌ pim jum taatɨt na pim ba tɨ jɨɨgiꞌñ buiñor guch Xoiꞌkam.

1 PEEGRO 5:14 ပူးပေါင်းရင်းမြစ်များ

MATEO 5:47

Piam ku guꞌ noꞌ pim dai gu jam jaaduñ pɨx ja ñioꞌkiꞌñ, dho guꞌ pu cham dho jam aꞌm tɨ nɨidhidhaꞌ dho guñ Gɨꞌkoraꞌ, na pim guꞌ jaꞌp pɨx ba ji buandaꞌ na jax guiꞌ nam cham tuꞌ kaꞌm nɨiꞌñ gu Dios.

JUAN 14:27

’Baꞌ aañ dhiꞌ bhaan puiꞌ jam guguuxiꞌñ, na pim baꞌ moo joidham jix jɨjɨkgɨm jup tuiꞌkaꞌ noꞌ ñich aañ ba jii, na pim baꞌ cham tuꞌ bhaan jax jim aagat jix chotdon kaꞌ. Cham puiꞌ na jax guiꞌ nam cham tɨ jɨɨgiꞌñ aañ jiñ bui nam tuꞌ na pɨx bhaan jix buam jum aagɨt jix chotdon kaꞌ, jɨꞌx pɨx jam tɨi sap pɨk baꞌx bhaiꞌ bam taat kaꞌ.

JUAN 16:33

Dhiꞌñ pɨx bhaan jam guguuxiꞌñ jiñ jaaduñ na pim baꞌ moo aañ jiñ bui pɨx jix biiñak kat cham tuꞌ bhaan jax jum aaꞌndaꞌ. Xi ñakooꞌndaꞌ pim siat bɨɨx aixim jix buam jum duukam bhaiꞌ jam aꞌm ji chu jii. Aañ japim pɨx jiñ bui tɨtɨɨꞌñchokaꞌ, na ñich guꞌ aañ ba maꞌiich guiꞌ na yaꞌ tu daam kɨɨk dhi oiꞌñgaꞌn, miꞌ pɨx jaꞌp ji biꞌyaꞌ xib dɨr.

JUAN 20:19

Baꞌ moo janoꞌ gamaiꞌ nat ji jur, na guꞌ kiaꞌpɨx gio muiꞌp bam bhɨichuꞌ na paiꞌ dhuuk giop ba tum juandaꞌ, maaꞌn kap baꞌk chɨr jamɨt bam jumaap bɨɨx guiꞌ nam jɨꞌk kaichuꞌ gu Jesuus. Dai na mɨt jix bhaiꞌ bhaiꞌ xi siispak gu kiꞌñgob nam guꞌx chotdon noꞌ mɨt miꞌ ji bubua gu ja oꞌrosiiris tuk gu gɇꞌgɇrkam Israel kam, nam guꞌ jaꞌp jum aaꞌ nam ja uꞌji ja kuupaꞌ, puiꞌ kum baꞌx bhaiꞌm kuupat mɨjɨ daraa. Baꞌ gu Jesuus miꞌ jim maaxdhak ɨrban dɨr nam paiꞌ daraa muiꞌ ba ja ñioꞌki, jup ja tɨtda: ―Aañ moo jaiꞌ ya jaꞌp ɨp jiñ jaaduñ.

JUAN 20:26

Baꞌ gatuuk xijum baik tanoolh jurniꞌñ kɨꞌn gio mɨt maap jup mam jumaap bɨɨx guiꞌ nam jɨꞌk kaichuꞌ gu Jesuus maaꞌn kap baꞌk chɨr jix bhaiꞌ xim kuupak. Janoꞌ dho gi baꞌ bɨɨx miꞌp tuꞌiiꞌ ji gu Tomaas. Baꞌ jaꞌxpɨx nam miꞌ ka tu aꞌgichuꞌ, miꞌ dhɨr jaꞌp pɨx bhaiꞌ ji ñio ja saagiꞌñ gu Jesuus, jup ja tɨtda: ―Aañ gio bha jaꞌk ɨp jiñ jaaduñ.

ROOMA KAM 16:16

Baꞌ aapiꞌm dɨɨlh bɨɨx jɨꞌmaꞌn jup xim ñiñioꞌkdhat. Puiꞌ pim jaꞌk jum ñiñioꞌkiꞌñdhaꞌ na jax jaꞌk bhaan jix maatɨꞌ kaꞌ na pim tuꞌ sɨlhkam xim ja joiꞌgɨꞌn. Yaꞌ dɨr mu jam ñioꞌkiꞌñ am guch jaaduñ jich Xoiꞌkam bhaan bɨɨx kap dɨr nam jɨꞌk kap maap jum jumpadat daan guch Xoiꞌkam.

ROOMA KAM 8:1

Na guꞌ guiꞌ nam jɨꞌk buiñor bap tuiꞌñgɨdaꞌ guch Xoiꞌkam, cham tuꞌ mu jaꞌk ka jiimdaꞌ am nam paiꞌ gammɨjɨ gɨt miꞌ pup jum tulhiiñdhaꞌ, nam guꞌ cham tuꞌ miꞌ puiꞌ ka jiimdaꞌ na jax jix aaꞌndaꞌ gu ja tutkuꞌ, guꞌ jaꞌpji daipuꞌ na jax pɨx ja jurtudidhaꞌ gux Dhuuduꞌ kam jix Uañ Iiꞌmdaꞌ.

1 KORIINTO KAM 1:30

Baꞌ aapiꞌm taxchaabgiꞌñdhaꞌ gu Dios nat xi jam joiꞌmdak jam aꞌm tɨ tɨɨgɨk ya jaꞌk ba jam aich na paiꞌ guch Xoiꞌkam, dhiꞌ na jaroiꞌ bhaankam tuch mattuꞌn bɨɨx aixim gu Dios, gam na dhiꞌ bhaankam jix bhaiꞌ tuch jimdaꞌ, gam nach bhaankam jix bhaiꞌch chaat kaꞌ. Nat guꞌ dhich Xoiꞌkam bhaankam jich boosolh gu Dios miꞌ dhɨr na paiꞌ cham bhaiꞌ tuch jimdat.

1 KORIINTO KAM 16:20

Bɨɨx jam yaꞌ dɨr mu jam ñioꞌkiꞌñ guch Xoiꞌkam jɨɨgiꞌñdham. Gammɨjɨ pim xim ñiñioꞌkdhat ɨp aapiꞌm dɨɨlh, puiꞌ pim jaꞌk jum ñiñioꞌkiꞌñdhaꞌ na jax jaꞌk bhaan jix maatɨꞌ kaꞌ na pim xim ja joiꞌgɨꞌn.

2 KORIINTO KAM 13:12

Xim ñiñioꞌkdhat japim ɨp na jax jaꞌk bhaan jix maatɨꞌ kaꞌ na pim xim ja joiꞌgɨꞌn.

2 KORIINTO KAM 5:17

Puiꞌ ku baꞌ gu jaroiꞌ noꞌt ba tɨ jɨɨꞌñ buiñor guch Xoiꞌkam, bar maakam tuꞌm kaꞌ iiꞌmdagaram bhaan, cham tuꞌ puiꞌ kiaꞌ na jax bɨɨpɨꞌ dɨr. Jaꞌp ji buusniaꞌ na jumai maaꞌnkam xibkam jup jum duñiaꞌ.

EEPESO KAM 6:23

Baꞌ gu Dios jich Gɨꞌkoraꞌ gio gu Gɇꞌkam jich Xoiꞌkam pɨx jam tajaañdhaꞌ am guiꞌ na pim kɨꞌn joidham jix bhaiꞌm taatɨt tu oiꞌñkaꞌ,

1 TESALOONIKA KAM 5:26

Bɨɨx japim xim aꞌaaꞌñdhaꞌ nach xi jam joiꞌmdat mu jam ñioꞌkiꞌñ bhaan dhi uꞌuan.

1 PEEGRO 1:2

Nat guꞌ bɨjɨk dɨr pu chuꞌm kɨꞌn jam aꞌm tɨ tɨɨ gu Dios na pim puꞌñi tɨ jɨɨꞌñdhaꞌ buiñor gu Maraaꞌn jich Xoiꞌkam, gio baꞌ nat bɨɨx jɨꞌmaꞌn jam tajaañ gux Dhuuduꞌ kam jix Uañ Iiꞌmdagaꞌn na pim baꞌ kaichgɨt miꞌ puiꞌ xi bhɨichgɨdaꞌ na jax jaꞌk jam jurtudidhaꞌ, gam na jam mattuꞌnkaꞌ nat guch Xoiꞌkam tu jam uañ gu jam uaꞌtulhdharaꞌ janoꞌ nat paiꞌ dhuuk jaax gu ɨꞌraꞌn bhaiꞌ bhaan gu kuruus na mɨt sissapa, na pim baꞌ miꞌ dhɨr cham tuꞌ ka uaꞌtulhdhix kaꞌ. Jaꞌpni, moo gɨt baꞌ gu Dios pɨx jam aꞌm tɨ nɨidhidhaꞌ na pim baꞌ gammɨjɨ cham tuꞌ bhaan jax jim aagɨt jix jɨjɨkgɨm jup tuiꞌkaꞌñ jaaduñ.

3 JUAN 1:14

Dɨɨlh jañ mu jim nañ mum paxiarmɨraꞌñ jaduuñ mu nap paiꞌ kio, muñ baꞌ moo bam aagiꞌñdhaꞌ dho gi ji baꞌ nañ jɨꞌk jax ka xi chum aꞌgidham.