1 PEEGRO 4:9 - Tepehuano Tepehuán del Sureste (Durango)

⁹ Gio na pim joidham pɨx jix bhaiꞌ tɨɨdai aichdhaꞌ gu jaroiꞌ cham jax ji chɨꞌji noꞌ jam paxiaraim mu jaꞌp na pim jax oiꞌdhaꞌ. Xi ja tɨbiaptudidhat japim jix ja joiꞌndat, gio na pim xi chu ja onbaiꞌñdhat noꞌ pim pup biaꞌ gu koiꞌ.

1 PEEGRO 4:9 ပူးပေါင်းရင်းမြစ်များ

ROOMA KAM 12:13

Gio na pim jix bhaiꞌ ja buadaꞌ guch Xoiꞌkam jɨɨgiꞌñdham guiꞌ nam cham tuꞌ biaꞌ ni jɨꞌx, puiꞌ pim jum ɨlhiiꞌñdhaꞌ na pim panaas aapiꞌm pɨx jir guiꞌ kaꞌ. Gio guiꞌ nam jam paxiaraidhaꞌ, jix bhaiꞌ pim ja tɨtdat, cham tuꞌ na pim jix ja bhaamkiꞌñdhaꞌ.

ROOMA KAM 16:23

Gio gu Gaayo puiꞌ yaꞌ dɨr muiꞌp jam ñioꞌkiꞌñ. Dhiꞌ buiñor tɨbiap iñ ya kiaꞌmiꞌñ, nam guꞌ dhiꞌ buiñor maap jum jumpadat tu daan guiꞌ nam puꞌñi buiñor tɨ jɨɨgiꞌñ guch Xoiꞌkam. Bɨɨx muiꞌp jam ñioꞌkiꞌñ gu Erasto. Dhiꞌ buiñor tu namkiꞌñ am bɨɨx gu jaꞌtkam nam jɨꞌk yaꞌ oidhaꞌ dhi gɇꞌ kiicham na jɨꞌk aagix nam tu namkiꞌñdhaꞌ. Bɨɨx mu jam ñioꞌkiꞌñ guch jaduuñ jich Xoiꞌkam bhaan na Kuarto tɨɨꞌ.

2 KORIINTO KAM 9:7

Baꞌ aapiꞌm puꞌñi na pim tu makiaꞌ gu tuumiñ, jaꞌkbuiꞌ pim tu makiaꞌ na pim jɨꞌk ɨlhiiꞌñ nar am na pim baꞌx bhaiꞌm taatɨt tu makiaꞌ, ni ku cham jaroiꞌ jam chiandaꞌ ɨp. Jix joiꞌgɨꞌndaꞌ guꞌ gu Dios gu jaroiꞌ nax bhaiꞌm taatɨt tu maakdaꞌ.

PILIIPOS KAM 2:14

Bɨɨx na pim jɨꞌk jix bhaiꞌm duukam jup tu buadaꞌ, chaꞌpim bhaan ñiokbodaꞌ, ni ku pim pɨx am bhaan tu aꞌgadaꞌ

1 TIMOTEO 3:2

Dai nam aaꞌ na joidham jir jix bhaiꞌkam kaꞌ, nam cham jix bhaamkiꞌñdhaꞌ gu jaꞌtkam. Gio baꞌ na maaꞌn pɨx tɨ bɨɨnaꞌ kaꞌ, daipuꞌ gu jax chuꞌm na bɨɨmaꞌn jum tɨɨmoꞌ gu ubii. Gio bɨxchuꞌ bhaan na tuꞌ kaꞌm tɨ nɨidhat miꞌ pu tu duñiidhaꞌ, gio nax gɨꞌm tu aꞌgadaꞌ. Gam nax bhaiꞌ ja tɨtdat ja tɨbiaptudidhaꞌ gu jaꞌtkam noꞌm paxiaraim kiaꞌmiꞌñ. Gam nax joojoiꞌñdhaꞌ na tu ja aꞌgiꞌñdhaꞌ gu jaꞌtkam gu ñioꞌkiꞌñ gu Dios.

TIITO 1:8

Gu jaꞌpji jaꞌkbuiꞌ kat nax bhaiꞌ ja buadaꞌ bɨɨx pɨx gu jaꞌtkam, jum aaꞌ na joidham jix bhaiꞌ tɨɨdai tɨbiaptudaꞌ gu jaroiꞌ na paxiaraidhaꞌ. Dai gux kɨɨꞌp jum duukam na bhaan jum tukgiꞌñkaꞌ nap tu buadaꞌ, dɨɨlh xim guguuxdhatgɨdaꞌ na miꞌ puiꞌ jimdaꞌ xim gaꞌngidhat na jax jaꞌk jix aaꞌ gu Dios.

PILIMOON 1:14

Guꞌ ji na guꞌ cham jir am puiꞌ nañ jax ɨlhiiꞌñ aañ, puiꞌ kuñ baꞌ mum kɇkɇɇ nap baꞌ aap dɨɨlh jiñ aagiꞌñdhaꞌ noꞌp puiꞌp ɨlhiiꞌñ nañ jax kaiꞌch. Ku guꞌ cham tuꞌ ji na moo nañ jum chianɨt jup kaiꞌch, guꞌ jaꞌpji aap dɨɨlh noꞌp puiꞌp ɨlhiiꞌñ.

ISRAEL KAM 13:16

Jam guguuxiꞌñ iñ ɨp na pim cham mɨk buppat jix bhaiꞌm duukam xip tu buadaꞌ bhaankamuꞌn gu Dios, gam na pim jix ja joiꞌndat xi chu ja maakat gu jaiꞌ gu tuꞌ noꞌ ja aꞌm jum aagaidhaꞌ, na guꞌ dhiꞌ puꞌñi jaꞌk jix kɨɨꞌ kaꞌm nɨiꞌñ gu Dios, jaꞌp ji buusandaꞌ na pim tu makgɨrxiꞌñdhaꞌ.

ISRAEL KAM 13:2

Gio noꞌm jam paxiaraim gu jaꞌtkam, joidham japim jix bhaiꞌ ja tɨɨdai ja aichdhai ja tɨbiaptudaꞌ jix bhaiꞌm taatɨt, cham tuꞌx oodam. Jaiꞌ dhɨt gu bɨjɨk dɨr kam nam puꞌñi joidham jir jix bhabhaiꞌkam kat, gu noonbiꞌñ gu Dios jamɨt ja tɨbiaptudak nam cham pum aaꞌ, na guꞌ puꞌñi jaroiꞌ nam pɨx tɨbiaptudidhaꞌ. Aapiꞌm puꞌñi ɨp jiñ jaaduñ, cham maatɨꞌ kaꞌ guꞌ nar tuꞌp tuꞌm daꞌ kaꞌ guiꞌ na miꞌ jam paxiaraidhaꞌ.

SANTIAGO 5:9

Aapiꞌm jix bhaiꞌ xi chu jimdaꞌ dai. Chaꞌpim bɨɨx aixim jum iꞌiattulhdhat jum ñiñiokboixiꞌñdhaꞌ, ni ku pim cham jum bhabhaakuiꞌñdhaꞌ, na baꞌ guꞌ cham puiꞌ jam tɨɨdai jam tulhiiñchudaꞌ guch Xoiꞌkam noꞌt yaꞌ ba ai. Na guꞌ noꞌ pim aapiꞌm puꞌñi jaꞌk pɨx tu jim, puiꞌ ji jam tɨɨdaꞌ na pim dhiꞌ bhaan kuiñcha biaꞌ, puiꞌ jam tɨɨdaꞌ na pimɨt dhiꞌ bhaan cham tuꞌ miꞌ puiꞌ jii na jax jix aaꞌ, baꞌ dai na ba jam tulhiiñchudaꞌ. Alh moo cham jɨꞌx ka mɨɨkidhaꞌ ji guꞌ na yaꞌ pɨx ba aayaꞌ guch Xoiꞌkam, am bha miaꞌn bam kɨisap ji guꞌ na bhaiꞌ bar jimdam.