1 PEEGRO 3:21 - Tepehuano Tepehuán del Sureste (Durango)21 Baꞌ gu xib nach yaꞌ dɨr muiꞌ xich gaꞌnga, jaꞌp ji buus nat jum bakua gu Noee guiꞌ gu suudaiꞌ kɨꞌn nat tɨs janoꞌ, na guꞌ soiꞌm ɨlhiiꞌñ buiñor gu Dios, puiꞌ kut baꞌ cham muu bhaiꞌmuk. Aach baꞌ puꞌñip ba ji bubua xib, nach guꞌ cham tuꞌ maiꞌ ka suulhgix, na chich guꞌch bopkonak suudaiꞌ kɨꞌn puiꞌ ba tɨɨꞌn guch Xoiꞌkam nach gammɨjɨ ba kaichgɨdaꞌ. Nañ jiñ bakuanaꞌ suudaiꞌ kɨꞌn, cham tuꞌr puiꞌ na jax nañ batbiaꞌ noꞌñ bax ikooraꞌ, guꞌ jaꞌpji na bhaan jix maatɨꞌ kaꞌ ji nañ miꞌ dhɨr jaꞌp jaꞌk soiꞌ bañ ɨlhiiꞌñdhaꞌ buiñor gu Dios, gam nañ miꞌ puiꞌ ba jimdaꞌ na jax jaꞌk jix aaꞌ nañ tuiꞌñgɨdaꞌ, gio baꞌ nañ puiꞌ xi chɨɨdaꞌ guch Xoiꞌkam na gammɨjɨ ba tuñ uañiꞌñkaꞌ guñ uaꞌtulhdharaꞌ, nat guꞌ xiñ joiꞌndak jix bhaiꞌ ba duu nat jiñ aꞌmkam muukɨk giop bam mu dɨr koiꞌñgaꞌn tɨr, အခန်းကိုကြည့်ပါ။ |
1 PEEGRO 3:21
30 ပူးပေါင်းရင်းမြစ်များ
Baꞌ gu Peegro jup ja tɨtda: ―Dho guꞌ na pim miꞌ puiꞌ ba jimiaꞌ dho na jax jaꞌk jix aaꞌ gu Dios, na pim tɨ jɨɨꞌñdhaꞌ buiñor guch Xoiꞌkam. Miꞌ dhɨr baꞌ dai na pim bam bopkonaꞌ bɨɨx jɨꞌmaꞌn na baꞌ guꞌ gu Dios xi jam joiꞌmdai uañchudai gu jam uaꞌtulhdharaꞌ jam aꞌm ba tajaanaꞌ gux Dhuuduꞌ kam jix Uañ Iiꞌmdaꞌ.
Guꞌ pɨx ji nam guꞌ sia koꞌiidhaꞌ guiꞌ nam puꞌñim uaꞌtulhiꞌñdhaꞌ nat jax jum uaꞌtulhdhak gu Adaan, pu janoꞌ dɨr jam baꞌ gaꞌm bhaiꞌ pu koꞌiidhaꞌ nat dɨr jup muu gu Adaan, sia kut guꞌ miꞌ dhɨr jup ba tu uaꞌna baꞌ gu Moisees na jax jaꞌk tu aagix kaꞌ. Baꞌ nat jax jaꞌk tu jii gu Adaan, jum aaꞌndaꞌ na jumai yaꞌp aayaꞌ na maakam jup tu jimiaꞌ.
Na guꞌ jaiꞌ dhɨt guiꞌ nam buiñor tɨ jɨɨgiꞌñ guch Xoiꞌkam jir Israel kam jaꞌtkam am, jaiꞌ baꞌ cham. Gio jaiꞌ dhɨt jir tujuandam am puiꞌ cham ji ja namkidhat, jaiꞌ baꞌ cham ɨp. Guꞌ ji na chich guꞌ maaꞌn maaꞌnkam pɨx jup jich dhuu janoꞌ nat paiꞌ dhuuk jich aꞌm jum tajaa gux Dhuuduꞌ kam jix Uañ Iiꞌmdaꞌ bɨɨx jɨꞌmaꞌn. Maaꞌn pɨx guꞌ gux Dhuuduꞌ kam jix Uañ Iiꞌmdaꞌ nat jich chajaañ gu Dios, jaꞌp ji buus nat kɨꞌn jich bopko.
Jiñ jaaduñ jich Xoiꞌkam bhaan, aañ tu jam aꞌgiꞌñ na pim jax jaꞌk duñiaꞌ na baꞌx bhaiꞌ tu jam jimiaꞌ gatuuk. Bɨɨx jañ jup xiñ aaꞌ aañ dɨɨlh nañ jax jaꞌk tu jim, gio gu Apoolos jañ bɨɨx jup xi aaꞌ, na pim baꞌ aapiꞌm miꞌ puiꞌp tu dagiaꞌ. Chaꞌpim bɨɨx aixim maakam ɨlhdhat kɇɇkɇꞌ gu ñioꞌkiꞌñ gu Dios, jaꞌpji na jax pɨx jum kaiꞌch na pim bhaan tu daaꞌñchuꞌndaꞌ, na guꞌ bhaan pɨx gɇꞌkam jum taat kaꞌ gu jaroiꞌ noꞌ bɨɨx aixim maakam ɨlhiiꞌñ.
Aach cham tuꞌx buam jum duukam jup tu duñiim jiñ jaaduñ nach xich gaꞌnga, jix bhaiꞌch chaat ich baꞌ. Miꞌ puiꞌ jiim ich guꞌ na jax jaꞌk jum aaꞌ nach miꞌ puiꞌ jiimdaꞌ nach yaꞌ ka oipo dhi oiꞌñgaꞌn bhaan, puiꞌ na jax aapiꞌm nach guꞌ cham tuꞌ tuꞌ bhaan jax jam tɨtda ku pim guꞌ bhaan jix buam jup bam aaꞌ. Gio nach guꞌ cham tuꞌ puiꞌ jaꞌk jujurtɨk na jax gu jaꞌtkam yaꞌ kam dhi oiꞌñgaꞌn, guꞌ jaꞌpji na jax jaꞌk jix aaꞌ gu Dios na jaroiꞌ xich joiꞌmdat jich ñɨidhim.
Jiñ jaaduñ jich Xoiꞌkam bhaan, aapiꞌm nañ xi jam joiꞌgɨꞌn, dhiꞌr diꞌ nat xib yaꞌ puiꞌ ba tu duuch bui gu Dios nat jax ja tɨɨdak bɨjɨk guch bopxi kat, puiꞌ ji chu buus nat jax tɨi. Xib baꞌ aach pɨx bam aaꞌ nach miꞌ puiꞌ jimiaꞌ na jax jix aaꞌ nach baꞌ cham tuꞌ bhaan jix uꞌuaꞌtulhdhix kaꞌch iiꞌmdaꞌ bhaan gioch chutkuꞌ bhaan. Jix ɨɨbhidhat jach miꞌ puiꞌ ba jiimdaꞌ gu Dios na jax jix aaꞌ, gammɨjɨch pɨx jix uꞌuañ bap tuiꞌñgɨdaꞌ guiꞌ buiñor.
Na pimɨt paiꞌ dhuuk jum bopko suudaiꞌ kɨꞌn, dhiꞌ jaꞌp jir jum duukam na pimɨt bɨɨmaꞌn jum yaas guch Xoiꞌkam janoꞌ na mɨt paiꞌ dhuuk yaas na mɨt xi muꞌaak. Baꞌ nat paiꞌ dhuuk duadɨk giop buus miꞌ dhɨr koiꞌñgaꞌn tɨr, aapiꞌm puiꞌ bɨɨmaꞌn duduadɨk jup baapam, na pimɨt guꞌ tɨ jɨɨꞌñ na dai gu Dios bɨxchuꞌx bhaaiꞌ na pu tu duñiaꞌ.
Jax dhui na cham tuꞌ kam aaꞌ nach bhaan tɨtɨɨꞌñchokaꞌ gu tuꞌ bɨjɨk dɨr kam, jaꞌpji dai nach xich jajoiꞌgɨꞌndaꞌ bɨɨx jɨꞌmaꞌn. Dhiꞌ pu chuꞌm tu uaꞌpu noꞌñ jix kɨɨꞌp jum duukam bhaan jurtɨkat puiꞌ ba duñiim, nañ cham tuꞌ gux buam jum duukam bhaan ka jurtɨkaꞌ, gio nañ sɨlhkam tɨ jɨɨgiꞌñdhat buiñor jix biiñak kaꞌ guch Xoiꞌkam.
Jaꞌp ji buusandaꞌ nap tu kokdatuꞌndaꞌ nap miꞌ puiꞌ tu daaꞌñchuꞌndat xi kɨɨkiꞌndaꞌ. Xim doꞌñchoꞌ ap nam aꞌm tɨ nɨidhidhaꞌ gu Dios gammɨjɨ, na guꞌ dhiꞌr jix bhaiꞌm duukam. Gio guꞌ pu kaiꞌñkam jum aꞌm tɨ tɨɨ nap baꞌ miꞌ puiꞌ tu duñiaꞌ na jax jix aaꞌ, puiꞌ na pich jax tɨi janoꞌ nam muiꞌ tɇ kɇɇ guch Xoiꞌkam jɨɨgiꞌñdham nap saak buiñor jix biiñak guch Xoiꞌkam bɨɨx jum jur kɨꞌn.
Na guꞌ pux bhaiꞌx maat gu Abraam na gu Dios jix ioꞌm jir gɇꞌkam, bɨxchuꞌx aichuꞌn na pu tu duñiaꞌ, sia koiꞌñgaꞌn jix bhaaiꞌ na ja duduaꞌñdhai giop ja baapmiꞌñdhaꞌ. Baꞌ puiꞌ pɨx jum aaꞌ na cham jax bua siat muꞌaak makgɨrxi gu maraaꞌn Isaak, na guꞌ guiꞌ giop duaꞌñdhaꞌ. Gu Dios pux bhaiꞌx maat ɨp na gu Abraam tuꞌ sɨlhkam bɨɨx juraaꞌn kɨꞌn jix biiñak buiñor, baꞌp tɨtda na sap cham ka mumuaꞌdaꞌ gu maraaꞌn na bax muꞌaam. Ku guꞌ puiꞌ ji buus ji nat tɨi mua gu Abraam gu maraaꞌn Isaak, guꞌ ji nat guꞌ gu Dios giop duaꞌñ.
Guꞌ gi baꞌ gu ɨꞌraꞌn guch Xoiꞌkam nax ioꞌm jir gɇꞌp jum duukam, pu gammɨjɨ ji nat ba tuch uañ gu Dios guch uaꞌtulhdharaꞌ nat paiꞌ dhuuk makgɨrxi guch Xoiꞌkam. Gux Dhuuduꞌ kam jix Uañ Iiꞌmdaꞌ na gammɨjɨ bhaan tajaañixchuꞌndat guch Xoiꞌkam guguux nach aꞌmkam jum makgɨrtaꞌ buiñor gu Dios, na cham tuꞌ bhaan uaꞌtulhdhix, na baꞌ puꞌñi duuji dappaam tuch uañdhix kaꞌ guch uaꞌtulhdharaꞌ. Baꞌ aach dai nach kaichgɨt gammɨjɨ miꞌ puiꞌ ba jiimdaꞌ na jax jix aaꞌ guch Gɨꞌkoraꞌ na gammɨjɨ pur Dios.
Bhaiꞌ jɨꞌ nañ tu aagɨt jup kaiꞌch nat baa guch Xoiꞌkam nax ioꞌm jix chu xidhuu, cham tuꞌ puiꞌ na jax ya jaꞌp nach paiꞌ tu chichiopiꞌ aach, na guꞌ guiꞌ Dios jir chiopgaꞌn, cham tuꞌ gu jaꞌtkam. Tɨi iam pɨx pu chuꞌm xip duu mɨt gu ja chichiopiꞌ gu jaꞌtkam na jax chuꞌm gux dhaam kam. Bhaiꞌ jɨꞌ baꞌ daakat jich aꞌmkam ñiok xib guch Xoiꞌkam buiñor gu Dios, na pu tɨɨꞌntuꞌn na tuch uaniꞌñkaꞌ guch uaꞌtulhdharaꞌ.
Jaꞌp moor gɇꞌkam ji gu Dios jich Gɨꞌkoraꞌ guiꞌ nat bha joot gu Jesuus jich Xoiꞌkam yaꞌ dhi oiꞌñgaꞌn, tu daandaꞌ ich buiñor jiñ jaaduñ na guꞌr jix bhaiꞌkam. Tɨɨꞌ nat jix bhaiꞌ duu nat xich joiꞌndak tuch uañ guch uaꞌtulhdharaꞌ nach jix uꞌuaꞌtulhdhix kat, nat tuch ñamkix guch Xoiꞌkam janoꞌ nat muukɨk duadɨk giop bam mu dɨr koiꞌñgaꞌn tɨr na mɨt paiꞌ tɨi yaas. Baꞌ xib jaꞌp ji buus na chich giop ba maaxir nach jɨꞌk ba tɨ jɨɨgiꞌñ buiñor, xib baꞌ guꞌ dai ji nach jix bhaiꞌch chaatɨt pɨx am tɨ nɨɨrdaꞌ nach aꞌm tu biꞌyaꞌ guiꞌ nat tuch iimchuda gu Dios,
Ku guꞌx bhaiꞌ pɨx ji na pim xi ja aagiꞌñdhaꞌ soiꞌm ɨlhdhat gio tuꞌ kaꞌm ja nɨidhat, cham tuꞌ na pim gɇꞌgɇrkam jim taatɨt, ni ku pim jix bhaakut. Pu ka gɨt nam guꞌx xiꞌɨꞌraꞌ guiꞌ nam xi jam bhaamkidhat bɨɨx aixim jam aiꞌchuxiꞌñ, nam xi jam nɨiꞌñdhaꞌ na pim aapiꞌm joidham jir jix bhabhaiꞌkam gio na pim tuꞌ kaꞌm nɨidhat jix bhaiꞌ tu jim na pim jɨꞌk ba tɨ jɨɨgiꞌñ buiñor guch Xoiꞌkam.
ကြော်ငြာတွေ