1 PEEGRO 3:17 - Tepehuano Tepehuán del Sureste (Durango)

¹⁷ Baꞌ chaꞌpim jax jum aaꞌndaꞌñ jaaduñ sia ku mɨt guꞌ moo bhaiꞌp ji jam tulhiiñchuda sia ku pim cham tuꞌ jax bua gu tuꞌ nar jix buam jum duukam, noꞌ moo puiꞌ jaꞌk jup jix aaꞌndaꞌ gɨt gu Dios na pim jum tulhiiñaꞌ. Jix bhaiꞌ pim pɨx jum taat kaꞌ buiñor. Baꞌ noꞌ pimɨt guꞌ dɨɨlh cham am bua miꞌ paiꞌ, puiꞌ dho pɨx chuꞌm jam aꞌm ba jimmɨdaꞌ nam jam tulhiiñchudaꞌ.

1 PEEGRO 3:17 ပူးပေါင်းရင်းမြစ်များ

MATEO 26:39

Baꞌ palhɨɨp baasɨꞌn iam xi jimɨɨk mi jaꞌp oꞌlhiaꞌn kɨꞌn xi kɨkbok jix ioꞌm xi dhumaartɨk na dɨɨrap xi chu siisap gu maꞌooꞌn bhaiꞌ ji chu daanɨ buiñor guch Gɨꞌkoraꞌ, jup kaiꞌch: ―Aapiꞌñ Gɨꞌkoraꞌ nap jix dhaam jup tuꞌiiꞌ, jiñ palhbuidhaꞌ ap nam baꞌ cham jiñ muꞌaaꞌ guiꞌ nam jiñ oꞌbhagiꞌñ, na guꞌ dhiꞌ jaꞌp ji buusniaꞌ nañ iꞌyaꞌ gu tuꞌ na giilhim jix xibuꞌ. Ku guꞌ cham tuꞌ ji na moo puiꞌ tu tuiꞌkaꞌ nañ jax kaiꞌch aañ, guꞌ jaꞌpji nap jax ɨlhiiꞌñdhaꞌ ji aap jiñ Gɨꞌkoraꞌ.

MATEO 26:42

Baꞌ daipuꞌ xi ja tɨɨdak gio mu jaꞌk jup ji dhuu nat ba tu daañim ɨp gio. Baꞌ maaꞌn na jax kaiꞌch na tu daan na jax bɨɨpɨꞌ dɨr, jup kaiꞌch: ―Aapiꞌñ Gɨꞌkoraꞌ nap jix dhaam jup tuꞌiiꞌ, jiñ palhbuidhaꞌ ap nam baꞌ cham jiñ muꞌaaꞌ guiꞌ nam jiñ oꞌbhagiꞌñ, na guꞌ dhiꞌ jaꞌp ji buusniaꞌ nañ iꞌyaꞌ gu tuꞌ na giilhim jix xibuꞌ. Ku baꞌ guꞌ cham tuꞌ ji na moo puiꞌ tu tuiꞌkaꞌ nañ jax kaiꞌch aañ, guꞌ jaꞌpji nap jax ɨlhiiꞌñdhaꞌ ji aap jiñ Gɨꞌkoraꞌ.

GU NOONBIꞌÑ GUCH XOIꞌKAM 18:21

Dai nat ba jii jup xi ja tɨɨdak: ―Gioñ ya jaꞌp jup ba jam paxiaraidhaꞌ jia noꞌ moox aaꞌndaꞌ gɨt gu Dios. Baꞌ daipuꞌ xi ja tɨɨdak bhaiꞌ dhɨr pu jii Eepeso, dai nat jax bha tɨs bhaan gu gɇꞌ kanuub.

GU NOONBIꞌÑ GUCH XOIꞌKAM 21:14

Baꞌ nat guꞌ cham jich kai nach jax tɨi pup tɨtdaimɨk, aach baꞌp kaiꞌch: ―Dho bak guꞌ puiꞌ tu tuiꞌkaꞌ ku gi na jax jix aaꞌ guch Gɨꞌkoraꞌ.

1 PEEGRO 1:6

Baꞌ aapiꞌm dhiꞌ kɨꞌn jix bhaiꞌ pɨx bam taat kaꞌñ jaaduñ na pim ba tu iimchudhix, chaꞌpim kuuꞌ jimmɨdaꞌ sia ku jɨꞌx cham bhaiꞌ tu jam jim tuꞌ bhaan. Muiꞌ pim xix biiñak kaꞌ buiñor guch Gɨꞌkoraꞌ na guꞌ gatuuk joidham jix bhaiꞌ tu jam jimiaꞌ.

1 PEEGRO 2:15

Na guꞌ guch Gɨꞌkoraꞌ puiꞌ jaꞌk jix aaꞌ na pim tuꞌ kaꞌm tɨ nɨidhat jix bhaiꞌ xi chu jimdaꞌ na jax jaꞌk jir am, nam baꞌ cham tuꞌ bhaan jax jam aꞌgadaꞌ guiꞌ nam cham tuꞌ kaꞌm tɨ nɨiꞌñ. ¿Jax jam gi biaꞌ nam ba ji chɨꞌyaꞌ jam bɨɨbhiꞌ dhɨr noꞌ pim guꞌx bhaiꞌ xi chu jim?

1 PEEGRO 2:20

Guꞌ ji noꞌ chich guꞌ dɨɨlh tuꞌ jax dhuu nar jix buam jum duukam, ¿jax jach dhuix bhaiꞌch chaatɨt tu nakooꞌndaꞌ noꞌ mɨt puꞌñi bach chulhiiñchuda, noꞌ chich guꞌ dɨɨlh cham am ji buak ja bui? Puiꞌ pɨx chuꞌm jich aꞌm bam aaꞌndaꞌ guꞌ, nach guꞌ bach uaꞌtulhdhaꞌ. Guꞌ ji noꞌch guꞌ tɨi moo cham tuꞌ jax bua gu tuꞌ nar jix buam jum duukam, noꞌ mɨt bhaiꞌ jich chulhiiñchuda, dhiꞌ jɨꞌ ji nax abhaaruix buiñor gu Dios, jix bhaiꞌm taat kaꞌ ɨp noꞌch aach cham jax jich aagɨt xi ñakooꞌ noꞌm puꞌñi bach chulhiiñchuꞌn.

1 PEEGRO 3:14

Piam noꞌ mɨt guꞌ moo sia bhaiꞌ ji jam tulhiiñchuda gu jaꞌtkam sia ku pim jix bhaiꞌ tu jim na jax jir am, jix bhaiꞌ pim pɨx jum taat kaꞌ. Chaꞌpim jax jum aaꞌndaꞌ, ni ku pim cham paiꞌ totdon kaꞌ siam jax ba xi jam doodak nam xi jam bhaamkidhat.

1 PEEGRO 4:15

Cham tuꞌr jix xiꞌɨraam jia noꞌm jam tulhiiñchuꞌn na pim ba tɨ jɨɨgiꞌñ pɨx buiñor guch Xoiꞌkam. Jɨɨꞌ ji noꞌ pimɨt tuꞌ jax dhuu nar jix buam jum duukam, puiꞌ na jax noꞌ pimɨt maaꞌn mua gu maaꞌnkam, piam ku pimɨt tuꞌ tɨ ɨɨx, piam ku pimɨt tuꞌ jax ja duiñ gu jaiꞌ. Dhiꞌ ji na baꞌr jix xiꞌɨraam noꞌm puꞌñi chuꞌm kɨꞌn mu paiꞌ bañ chulhiiñchuꞌn.

1 PEEGRO 4:19

Puiꞌ kuñ baꞌp jam tɨtdañ jaaduñ na pim aapiꞌm cham tuꞌ jax jum aaꞌndaꞌ sia ku pimɨt bhaiꞌ jim tulhii bɨɨx aixim bhaan, noꞌ guꞌ moo puiꞌ jaꞌk jup jix aaꞌndaꞌ gɨt dho ji gu Dios, na guꞌ alhio pɨx na pim jum tulhiiñaꞌ. Aapiꞌm guꞌ miꞌ puiꞌ xi jiimɨt na jax jix aaꞌ jix bhaiꞌm duukam xip tu buadaꞌ ji jiñ jaaduñ, Dios japim pɨx tɨꞌñchokaꞌ gammɨjɨ nat jaroiꞌp jam duu bɨɨx jɨꞌmaꞌn. Guiꞌ dɨɨlh jam palhbuiꞌñchuꞌndaꞌ, na guꞌ gammɨjɨ jam aꞌm tɨ nɨidhidhaꞌ, cham jɨꞌxdhaꞌ paiꞌ dɨɨlh jam iabuꞌ.