1 PEEGRO 3:13 - Tepehuano Tepehuán del Sureste (Durango)

¹³ Baꞌ aapiꞌm cham pu chuꞌt jiñ jaaduñ, miꞌ pim puiꞌ xi jiimɨt na jax jix aaꞌ gu Dios. ¿Jaroo gi jax jup jam doodaꞌ yaꞌ dhi oiꞌñgaꞌn noꞌ pim aapiꞌm tuꞌ kaꞌm nɨidhat miꞌ puiꞌ xi bhɨichuꞌ na jax jix abhaaruix? Na guꞌ jam aꞌm tɨ nɨidhidhat jam palhbuiꞌñchuꞌndaꞌ guch Gɨꞌkoraꞌ.

1 PEEGRO 3:13 ပူးပေါင်းရင်းမြစ်များ

ROOMA KAM 13:3

Na guꞌ gu Dios cham tuꞌ pu kaiꞌñkam ja daraas gu gɇꞌgɇrkam nam baꞌx ja ɨɨbhiꞌñdhaꞌ guiꞌ nam jix bhaiꞌm duukam jup tu buadaꞌ, guꞌ guiꞌ ji nam jix buam tu buadaꞌ. Puiꞌ na jax aapiꞌm noꞌ pim jix aaꞌ na pim cham tuꞌ bhaan ja ɨɨbhiꞌñdhaꞌ gu gɇꞌgɇrkam, dho dai na pim cham tuꞌx buam tu buadaꞌ, dai baꞌ nam pɨx jix bhaiꞌ jam aaꞌndaꞌ dɨɨlh gu gɇꞌgɇrkam na pim jix bhaiꞌ tu jim.

ROOMA KAM 8:28

Jix maat ich na gu Dios pɨx jup tu duiñchuꞌndaꞌ na baꞌ joidham jix bhaiꞌ tu ja jimdaꞌ guiꞌ nam buiñor tu daandaꞌ, guiꞌ nat jɨꞌk ja aꞌm tɨ tɨɨ nam miꞌ puiꞌ jimiaꞌ na jax jix aaꞌ.

1 KORIINTO KAM 14:1

Gammɨjɨ pim jix chu joiꞌgɨꞌndaꞌñ jaaduñ, gio baꞌ na pim gammɨjɨ bhaan tɨtɨɨꞌñchokaꞌ na gu Dios jam makiaꞌ gu tuꞌ nar jam aꞌmkam kaꞌ bɨɨx jɨꞌmaꞌn na pim baꞌ dhiꞌ bhaan tu juanaꞌ. Dhiꞌ pɨk japim jix aaꞌndaꞌ na gɨt jir jam aꞌmkam kaꞌ na pim bhaankam gu Dios ja aagiꞌñdhaꞌ gu jaiꞌch Xoiꞌkam jɨɨgiꞌñdham na jax jaꞌk jix aaꞌndaꞌ.

EEPESO KAM 5:1

Jir maamraꞌn japim aapiꞌm gu Dios, baꞌ joidham xi jam daꞌ. Xi gaagidhaꞌ pim na pim jax jaꞌk tɨi gɨt puiꞌp xi chu jimdaꞌ na jax guiꞌ, miꞌ puiꞌ pim xi jiimdaꞌ na jax jix aaꞌ.

1 TESALOONIKA KAM 5:15

Chaꞌpim jaꞌk buppiꞌñdhaꞌ gu jaroiꞌ noꞌt jax jam alhio, siat chi moo jax jix buam jam alhio. Jaꞌkbuiꞌ kat ji na pim jix bhaiꞌ buadaꞌ sia jaroiꞌ na pɨx, sia ku cham tɨ jɨɨgiꞌñ buiñor guch Xoiꞌkam.

1 TIMOTEO 5:10

Gio baꞌ nam bɨɨx pɨx jix mat kaꞌ noꞌt jix bhaiꞌ ja mamtuxdhimɨk ja gɨꞌgɨlh gu maamraꞌn. Gam noꞌr jix bhaiꞌkam kat ja tɨbiapputuꞌn kiaꞌmiꞌñ guiꞌ nam paxiaraidhaꞌ. Gio noꞌ soiꞌm duukat ja palhbuiꞌñ guch Xoiꞌkam jɨɨgiꞌñdham bɨɨx aixim tuꞌ na ja aꞌm jum aaꞌndaꞌ. Gio guiꞌ nam bɨɨx aixim tuꞌm bhaan jum tulhiiñ noꞌx bhaiꞌ ja bua, noꞌ dai gux kɨɨꞌp jum duukam bhaan ji bamgim nap tu bua.

TIITO 2:14

Guch Xoiꞌkam dɨɨlh jum doꞌñcho na mɨt mua nat baꞌ pu duuk bɨɨx jich uañchuda guch uaꞌtulhdharaꞌ nach aꞌm jup tuꞌt janoꞌ nach chakui tɨ jɨɨꞌñdhat buiñor, jaꞌp ji buus nat jich boosgak jaꞌp jaꞌk jich chuttu miꞌ dhɨr na paiꞌx chu uaꞌtulhdhix. Baꞌ aach dɨɨlh xich guguuxdhai miꞌ puiꞌ ba jimiaꞌ na jax jix aaꞌ, dai guiꞌ buiñor pɨx jaꞌk jach bap tuiꞌñgɨdaꞌ.

3 JUAN 1:11

Baꞌ aap jiñ jaduuñ cham pu chuꞌt. Jix bhaiꞌp xi chu jimdaꞌ na jax jaꞌk jix kɨɨꞌ kaꞌm nɨiꞌñ guch Gɨꞌkoraꞌ cham tuꞌp jum buixdhat sia kum jaiꞌ jax jup tu jim. Na guꞌ cham tuꞌ bhaan tɨ nɨidhidhaꞌ jia saak gu Dios gu jaroiꞌ noꞌx buam pɨx tu jim na jax cham kɨɨꞌ kaꞌm nɨiꞌñ, jɇɇꞌ ji gu jaroiꞌ na joidham jix bhaiꞌ xi chu jimdaꞌ na baꞌ joidham bhaan tɨ nɨidhidhaꞌ.