1 PEEGRO 2:7 - Tepehuano Tepehuán del Sureste (Durango)

⁷ Aapiꞌm dho puiꞌp bax maat nar gɇꞌp jum duukam guiꞌ jɨꞌ na jaꞌp ji buusan na jax gu jodai gux kɨɨꞌ joidham, na pim guꞌ ba tɨ jɨɨgiꞌñ buiñor bɨɨx jam jujur kɨꞌn. Guꞌ baꞌ guiꞌ nam jɨꞌk cham kɨɨgalhdhat cham tɨ jɨɨgiꞌñ buiñor, dhiꞌ bhaan pɨx puiꞌ ba tum kuugalhdhaꞌ nat jax tum uaꞌnak bɨjɨk nap jum kaiꞌch: Gu jodai na mɨt maiꞌ tɨi xi buak gu bhibhiiꞌñbakchadam, xib miꞌ daa na paiꞌx ioꞌm jum aaꞌ nam bhaan jum oꞌtoꞌn gu jaiꞌ joodai.

1 PEEGRO 2:7 ပူးပေါင်းရင်းမြစ်များ

MATEO 21:42

Baꞌp ja tɨtda ɨp gio gu Jesuus: ―¿Cham aa pim jɨꞌxkat tu jiñkuiꞌñ gu ñioꞌkiꞌñ gu Dios miꞌ na paiꞌ tu uaꞌñix na jaꞌpnim kaiꞌch: Gu jodai na mɨt maiꞌ xi buak gu bhibhiꞌñbakchadam, guꞌ ji nat guꞌ gio miꞌp dai guch Gɨꞌkoraꞌ na baꞌ bhaan darkaꞌ gu jaiꞌ joodai, na guꞌ puiꞌ jaꞌk jix aaꞌ, baꞌ aañ joidham jix bhaiꞌñ chaat buiñor gu dhiꞌ puiꞌ nat jax tu duu?

LUUKAS 2:32

Na guꞌ dhiꞌ baꞌr diꞌ guiꞌ na joidham gɇꞌ tanoor na ja bɨꞌñxidhaꞌ bɨɨx gu jaꞌtkam nam jɨꞌk jix jaiꞌch, baꞌ miꞌ dhɨr dai nam pɨx jix bhaiꞌ ba ja aaꞌndaꞌ gum jaꞌtkam tuk Israel kam na pich jix bhaiꞌ ba ja duu.

LUUKAS 2:34

Baꞌ bɨɨx gook xi chu ja daañxidhak gu Simeon na sap baꞌx bhaiꞌ tu ja jimdaꞌ. Miꞌ dhɨr baꞌ moop tɨtda dai gu Mariiya: ―Kani nap xiñ kaayaꞌ nañ jax jum tɨɨdaꞌ. Dhi alhii bhammɨ dɨr bha ja joochxi gu Dios gu Israel kam jaꞌtkam. Jaiꞌ miꞌ puiꞌ jimiaꞌ am na jax ja tɨɨdaꞌ, jaiꞌ baꞌ cham. Jix ioꞌm jir muiꞌ kaꞌ am guiꞌ nam cham miꞌ puiꞌ jimiaꞌ,

LUUKAS 20:17

Guꞌ ji nat guꞌ gu Jesuus jix bhaiꞌ muiꞌ xi ja tɨɨgɨk jup ja tɨtda: ―¿Guꞌ jax japim baꞌ ɨlhdhat kɇɇ ji gu ñioꞌkiꞌñ gu Dios miꞌ na paiꞌ jaꞌpnim kaiꞌch?: Gu jodai guiꞌ na mɨt tɨi maiꞌ xi buak gu bhibhiꞌñbakchadam nam jup jum aaꞌ na cham tuꞌ bhaiꞌ, xib dhiꞌ pɨk bhaan jix oꞌjoꞌ gu jaiꞌ joodai.

JUAN 4:42

Baꞌp tɨtda am gu ubii: ―Xib jach dho gi ba tɨ jɨɨgiꞌñ ji nar dhiꞌ guch Xoiꞌkam na yaꞌ uañchudaꞌ guch uaꞌtulhdharaꞌ. Ku guꞌ cham tuꞌ ji na moo dai aap nap jup jich chɨtda na puiꞌx bhaiꞌx maat nap jax jum buadaꞌ, jaꞌpji na chich dɨɨlh ba kai na giilhim joidham xi bua na xi chu aꞌga.

GU NOONBIꞌÑ GUCH XOIꞌKAM 26:19

’Baꞌ aañ puiꞌ tu duu dho na ñich jax jaꞌk tɨ tɨɨx dhaam gio na ñich jax jaꞌk kai guiꞌ nat bha tuñ aꞌgi,

ROOMA KAM 10:21

Baꞌ gu Isaiiyas pɨx na bhaankam tu aꞌga gu Dios jup kaiꞌch ɨp na bhaan tu aꞌga gu Israel kam jaꞌtkam: “Aañ bɨx chanoolh muiꞌ tɨi pu ja daagiꞌñ guñ ñob dhi jaꞌtkam, guꞌ ji nam guꞌr jix kaapak, pu cham tuꞌ kaꞌm tɨ nɨiꞌñ am.”

ROOMA KAM 15:31

Puiꞌ pim jaꞌk xi chu daandaꞌ buiñor gu Dios nam cham jax jiñ dhoodaꞌ guiꞌ nam cham tɨ jɨɨgiꞌñ buiñor guch Xoiꞌkam mu kam Judea, gio baꞌ guiꞌ nañ ja uaꞌtulhiꞌñdhaꞌ guch Xoiꞌkam jɨɨgiꞌñdham Jerusaleen kam nam gɨt moo cham tuꞌ bhaan jax ji chɨꞌji xi gaamui.

2 KORIINTO KAM 2:16

Guiꞌ nam mu jaꞌk bhɨɨyaꞌ nam paiꞌ gammɨjɨ miꞌ pup jum tulhiiñdhaꞌ, puiꞌ jaꞌk ɨꞌbhiaꞌ am nar maimdaꞌ kam, baꞌ guiꞌ nam jɨꞌk buiñor jimiaꞌ guch Xoiꞌkam, puiꞌ jaꞌk ɨꞌbhiaꞌ am na dhiꞌ jaꞌkbuiꞌ kat ja duduaꞌñdhaꞌ. Baꞌ cham pɨk jaroiꞌ xim guꞌnguxiꞌñ na puꞌñi naiꞌ tu aꞌgaꞌ jaꞌp na jax aach.

KOLOOSAS KAM 2:10

Baꞌ guch Xoiꞌkam jir gɇꞌkam ja bui gux buam jum duuꞌnkam nam jix chu jaiꞌch iiꞌmdaꞌ bhaan, cham tuꞌr jupaabkamuꞌn am. Jix bhaiꞌ tu jam jim baꞌ aapiꞌm na pim jɨꞌk buiñor tɨ jɨɨgiꞌñ.

TIITO 3:3

Puiꞌ dhor tuꞌm kat ich ji bɨɨpɨꞌ dɨr nach chakui tɨ jɨɨꞌñdhat buiñor guch Xoiꞌkam, bɨɨx aixim tu buadaꞌ ich na tuꞌ cham jir kɨɨꞌ, nach guꞌ pu cham tuꞌ kaꞌm nɨiꞌñdhaꞌ gu Dios, jaꞌp ji buusandaꞌ pɨx nach jir tujuandam tugiꞌñ kaꞌ gux buam jum duukam. Maiꞌ suulhgix kat ich tuꞌ sɨlhkam kɨꞌn, dai nach xich jɨjɨɨgak kaꞌ tuꞌ na pɨx bhaan nach jax dhuix bhaak kaꞌ.

ISRAEL KAM 11:31

Gio puiꞌ na jax guiꞌ na Raab tɨɨgich bɨjɨk, puiꞌp tɨ jɨɨꞌñdhat jix biiñak kat buiñor gu Dios, sia ku guꞌ bɨɨpɨꞌ dɨr jir ganaiꞌ pɨx kat. Puiꞌ kut baꞌ cham muu ja bɨɨm gu miꞌ oiꞌñkam nat paiꞌ dhuuk ja koi gu Dios, nat guꞌx joiꞌgɨlh nat ja palhbuidhak ja tɨbiaptuda gu gook jaꞌtkam na mɨt mu ja joot gu Israel kam jaꞌtkam nam tɨ tɨɨꞌmpuꞌ nam jax tuꞌt tu oiꞌdhaꞌ miꞌ Jerikoo.

ISRAEL KAM 4:11

Baꞌ aañ jam guguuxiꞌñ jiñ jaaduñ na pim cham oodat muiꞌ xi buaꞌtgɨdaꞌ na jax jix aaꞌ guch Gɨꞌkoraꞌ na pim baꞌ bhammɨ aayaꞌ na pim paiꞌ gammɨjɨx jɨjɨkgɨm bap tuiꞌkaꞌ, na cham puiꞌp tu jam doodaꞌ na jax guch bopxi kat Israel kam jaꞌtkam na mɨt cham jɨꞌxdhaꞌ bhammɨ dɨr ai nat paiꞌ tɨi ba tu ja iimchudak gu Dios nam paiꞌx jɨjɨkgɨm bam jɨɨpiꞌñkaꞌ gɨt, na mɨt guꞌ cham miꞌ puiꞌ jii na jax jix aaꞌ.

1 PEEGRO 1:8

Na pim guꞌ aapiꞌm buiñor tɨ jɨɨꞌñdhat tuꞌ kaꞌm nɨidhat guch Xoiꞌkam miꞌ puiꞌ ba jiim na jax jix aaꞌ, sia ku pimɨt cham tuꞌ maaxik tɨɨgɨk na yaꞌ xi oilhimɨk. Jix maat iñ na pim bɨɨx jam jujur kɨꞌn jix biiñak buiñor, sia ku pim jix maat na cham tuꞌ yaꞌ kap tuꞌiiꞌ dhi oiꞌñgaꞌn bhaan, gam na pim gɇꞌkam kɨꞌn jix bhaiꞌm taatɨt buiñor jix jɨjɨkgɨm jup tuꞌiiꞌ na pu cham bhaaiꞌ na pim jax xim buadaꞌ ni na pim jax xi chɨtdadaꞌ,

1 PEEGRO 2:4

Muiꞌ pim xix biiñak kaꞌx ioꞌm buiñor guch Xoiꞌkam jiñ jaaduñ, na guꞌ guiꞌx ioꞌm jir gɇꞌp jum duukam buiñor gu Dios, puiꞌ kut baꞌ gɇꞌkam kɨꞌn bhaan tɨ tɨɨgɨk bha joot yaꞌ dhi oiꞌñgaꞌn. Guiꞌ jaꞌp ji buusan jia na jax maaꞌn gu jodai guiꞌ nax ioꞌm jir jix kɨɨꞌ na mɨt tuꞌ pɨx ɨlhdhak jaꞌp xi dhuuk gu jaꞌtkam cham kɨɨgalhdhak.

1 PEEGRO 2:8

Gio jumai kap jaꞌpnip jum kaiꞌch ɨp: Dhiꞌ jɨꞌ dhi jodai bhaan jutbui iaꞌlhiaꞌ am gu jaꞌtkam. Maaxik dho puiꞌ ba ji buusan nam ba iaꞌlhix jutbuk bhaan dhi jodai guiꞌ nam jɨꞌk cham tuꞌ kaꞌm nɨiꞌñ guch Gɨꞌkoraꞌ, na guꞌ dai na ba ja tulhiiñchudaꞌ gatuuk nam cham tɨ jɨɨꞌñdhaꞌ buiñor guch Xoiꞌkam na tɨi tum aꞌga gu ñioꞌkiꞌñ. Dhiꞌ baꞌ puꞌñi jaꞌk ja biꞌchulhiꞌñ.