1 PEEGRO 2:25 - Tepehuano Tepehuán del Sureste (Durango)

²⁵ Nach guꞌ aach jaꞌpni pɨx tuꞌt na jax gu kakaasnir noꞌ cham jaroiꞌ jaiꞌch na ja bipiaꞌdaꞌ, nam gammɨjɨ pɨx chaꞌtak jiimdaꞌ, jaiꞌ jaꞌp jaꞌk gio jaiꞌ jaꞌp jaꞌk. Guꞌ matgɨm xib bax maat ich ji na jaroiꞌr jix kɨɨꞌ bipiaꞌdam, guch Xoiꞌkam dho nach jaroiꞌ buiñor tɨ jɨɨꞌñdhat bax biiñak. Guiꞌ ji na baꞌch aꞌm tɨ nɨidhidhat jich nuukdaim nach baꞌ gammɨjɨx jɨjɨkgɨm bap tuiꞌkaꞌ, nach guꞌ cham tuꞌ maiꞌ ka suulhgix.

1 PEEGRO 2:25 ပူးပေါင်းရင်းမြစ်များ

MATEO 18:12

’¿Jax japim ɨlhdhat jiñ kɇɇ? Puiꞌ na jax maaꞌn gu maaꞌnkam noꞌ ja biaꞌ gu kakasnir jɨꞌk maaꞌn jix chamaam ooꞌm aix kam. Guꞌ baꞌ noꞌt guꞌ jax dhuukat maaꞌn maiꞌ ma bua mu paiꞌ gampɨx noꞌ ka tu bipiaꞌ, ¿cham japim ɨlhiiꞌñ na miꞌ ka xi ja doꞌñchoi gu jaiꞌ xi dhaiꞌññiaꞌ na tu gaaꞌmɨraꞌ?

MATEO 9:36

Baꞌx joiꞌmdat ja nɨidhidhaꞌ gu Jesuus gu jaꞌtkam mu jaꞌp na paiꞌ jax aꞌjidhaꞌ, na guꞌ sap cham bhaaiꞌn kaꞌ nam jax xim buadaꞌ, gio na cham jaroiꞌ jaiꞌch na ja guguuxdhaꞌ. Jaꞌp ji buusan am na jax gu kakasnir noꞌ cham jaroiꞌ ja bipiaꞌ.

GU NOONBIꞌÑ GUCH XOIꞌKAM 20:28

Baꞌ xib dɨr jaꞌp jaꞌk jam aꞌm jum aaꞌ na pim miꞌ puiꞌ xi jiimdat nañ jax ba tu jam aꞌgiꞌñ na pim jix bhaiꞌ xi ja guguuxdhat guiꞌ nam puiꞌp tɨ jɨɨgiꞌñ buiñor guch Xoiꞌkam, nat guꞌ pu kaiꞌñkam jam aꞌm bam tajaa jia gux Dhuuduꞌ kam jix Uañ Iiꞌmdaꞌ. Baꞌ jaꞌp ji buusandaꞌ pim na jax gu bipiaꞌdam, na pim guꞌ ja guguuxiꞌñdhaꞌ guiꞌ na pim maap tu daan buiñor gu Dios nam baꞌ cham maakam pɨx ba jujurtɨkaꞌ, nat guꞌ ba ja sabaꞌlh gu ɨꞌraꞌn kɨꞌn guch Xoiꞌkam nat jum jaax.

ISRAEL KAM 13:20

Baꞌ gu Gɇꞌkam Dios guiꞌ nat duaꞌñdhak giop bamiiꞌ guch Xoiꞌkam mu dɨr koiꞌñgaꞌn tɨr, guiꞌ na xib puiꞌ ji buusan nar jix kɨɨꞌ bipiaꞌdam, xi jam joiꞌndat tu jam uañiꞌñkaꞌ gu jam uaꞌtulhdharaꞌ kɨꞌn gu ɨꞌraꞌn nat jaax,

ISRAEL KAM 3:1

Baꞌ aapiꞌm jiñ jaaduñ jich Xoiꞌkam bhaan na pim bar maamraꞌn gu Dios, nat gɇꞌkam kɨꞌn xi jam joiꞌndak jam aꞌm tɨ tɨɨ, jam aꞌm jum aaꞌ na pim bɨɨx jam jujur kɨꞌn tɨ jɨɨꞌñdhat jix biiñak kaꞌ buiñor guch Xoiꞌkam. Gu Dios pu kaiꞌñkam pɨx bha joot na yaꞌ puiꞌ ba ji buusandaꞌ na jax gu ja gɇꞌkam tuk guiꞌ nam bhaiꞌ gɇꞌ chiop ja palhbuiꞌñdhaꞌ gu jaꞌtkam nam tu daandaꞌ buiñor gu Dios.

ISRAEL KAM 5:2

Gammɨjɨ soiꞌ tɨɨꞌntuꞌndaꞌ gu Dios ja aꞌmkam bɨɨx gu jaꞌtkam na siamri tu ja uañiꞌñkaꞌ gu ja uaꞌtulhdharaꞌ, na guꞌx ja joiꞌgɨꞌndaꞌ, na guꞌx mat kaꞌ nax chu xijai nañ duakaꞌ, tuꞌ nañ pɨx bhaan gai ba gɨxiaꞌ guꞌ.

1 PEEGRO 3:20

Jir diꞌ pɨx am gu ja iꞌiiꞌmdaꞌ guiꞌ na mɨt janoꞌ cham jɨꞌxkat tɨ jɨɨꞌñ buiñor gu Dios na tɨi pup tu ja aꞌgidhimɨk gu Noee janoꞌ nap duñiidhaꞌ gu gɇꞌ kanuub. Tɨi pup xi ja nɨɨraimɨk ɨp gu Dios nam gɨt soiꞌm ɨlhdhai miꞌ puiꞌ ba jimiaꞌ na jax jix aaꞌ ampɨk na tɨɨmoꞌ gu Noee nap duñiim gu gɇꞌ kanuub, na baꞌ bax bhaaiꞌn kaꞌ nam bhaan jum oꞌñchoꞌ gɨt na paiꞌ dhuuk jix ioꞌm duudui bhaiꞌ ji chɨsdiaꞌ gu suudaiꞌ. Guꞌ ji na guꞌ cham, tuꞌ pɨx ɨlh jamɨt. Xijum baik jamɨt baꞌ pɨx bha tɨɨtɨs bhaan guiꞌ gu kanuub nat paiꞌ dhuuk bhaiꞌ ji chɨs gu suudaiꞌ na mɨt jɨꞌk tɨ jɨɨꞌñdhak miꞌ puiꞌ jii na jax jix aaꞌ gu Dios, gu jaiꞌ pu bɨɨx koi mɨt.

1 PEEGRO 5:4

Na baꞌ janoꞌ na paiꞌ dhuuk jich baidhikaꞌ guch Xoiꞌkam guiꞌ na jaroiꞌr jam gɇꞌkam tuk na pim tu bipiꞌñxiꞌñ gu kakaasnir gaꞌn, joidham jix bhaiꞌm ɨlhdhaꞌ pim buiñor, na guꞌ pɨx jix bhaiꞌ jam tɨɨdai ba jam tuttuidhaꞌ bɨɨx jɨꞌmaꞌn gu kuruun nax ioꞌm jix dhaꞌram namɨɨk, na pu cham jax jum bua, dhiꞌ baꞌ kɨꞌn jix ioꞌm gɇꞌkam kɨꞌn jix bhaiꞌ bam ɨlhdhaꞌ pim.