1 PEEGRO 2:19 - Tepehuano Tepehuán del Sureste (Durango)

¹⁹ Cham jax bua sia kum jam tulhiiñchuꞌn, na guꞌr joidham aach jich bui nach ba tɨ jɨɨgiꞌñ buiñor guch Xoiꞌkam noꞌm puꞌñich chulhiiñchuꞌn jaꞌp pɨx sia kuch cham tuꞌ jax bua gu tuꞌ nar jix buam jum duukam, dai nach jix bhaiꞌch chaatɨt muiꞌ xix biiñak kaꞌ pɨx buiñor gu Dios. Guiꞌ dɨɨlh jich guguuxiꞌñdhaꞌ na baꞌ cham pɨk moo jax xi chu tatdaꞌ kaꞌ, na guꞌch aꞌm tɨ nɨidhat jup tuiꞌkaꞌ, gio na guꞌx mat kaꞌ nam jaꞌp pɨx jich chulhiiñchuꞌndaꞌ.

1 PEEGRO 2:19 ပူးပေါင်းရင်းမြစ်များ

LUUKAS 6:32

’Na guꞌ noꞌ pim aapiꞌm dai guiꞌx ja joiꞌgɨꞌn nam jaroiꞌ xi jam joiꞌgɨꞌndaꞌ aapiꞌm, ¿jax baꞌ duip jix maatɨꞌ kaꞌ na pim aapiꞌm sɨlhkam tuꞌ kaꞌm nɨiꞌñ gu Dios? Na guꞌ sia guiꞌ nam cham tuꞌ kaꞌm tɨ nɨiꞌñ nam puiꞌ jaꞌk tu jim.

JUAN 15:21

Puꞌñi jaꞌk moo tu jam jimiaꞌ jiñ jaaduñ na pim jɨꞌk bañ kaichuꞌ, jam bhaamkidhai cham jam kɨɨgalhdhaꞌ am gu jaꞌtkam nañ jax ba kaiꞌch, nam guꞌ cham mat kaꞌ guiꞌ nat jaroiꞌ bhañ joot. Jaꞌp jum aaꞌndaꞌ am nañ dɨɨlh pɨx jup kaiꞌchdhaꞌ.

GU NOONBIꞌÑ GUCH XOIꞌKAM 11:23

Baꞌ nat paiꞌ dhuuk mummɨ ba ai gu Bernabee, joidham jix bhaiꞌm ɨlh nat ba ja tɨɨ guiꞌ nam ba tɨ jɨɨgiꞌñ buiñor guch Xoiꞌkam, na guꞌ sap ja aꞌm ba tɨ ñɨiꞌñ gu Dios. Baꞌx ioꞌm xi ja guguux nam sap bɨɨx ja jujur kɨꞌn jix biiñak kat gammɨjɨ pu tɨ jɨɨgiꞌñdhaꞌ buiñor gu Gɇꞌkam jich Gɨꞌkoraꞌ.

ROOMA KAM 13:5

Puiꞌ ku baꞌm aaꞌ na pim tuꞌ kaꞌm ja nɨiꞌñdhaꞌ gu gɇꞌgɇrkam, ku guꞌ cham tuꞌ ji na dai na pim jix ja ɨɨbhidhat nam cham jam tulhiiñchudaꞌ, guꞌ jaꞌpji na guꞌ dhiꞌ puiꞌ jaꞌk jum aaꞌ buiñor gu Dios.

1 KORIINTO KAM 15:10

Guꞌ ji nat guꞌ xiñ joiꞌmdak jiñ chɨɨgɨk dɨɨlh gu Dios pu chuꞌm kɨꞌn jiñ dhai nañ jir nobiiꞌñ kaꞌ guch Xoiꞌkam, puiꞌ nañ jax bar nobiiꞌñ baꞌ pui xib. Baꞌ cham tuꞌr tuꞌ kub buiñor gu Dios nat xiñ joiꞌmdak pu chuꞌm kɨꞌn jiñ dhai, na ñich guꞌ gɇꞌ bhaankam ba tu jua, cham tuꞌ puiꞌ na jax gu jaiꞌ nam jup jir noonbiꞌñ guch Xoiꞌkam. Sia ku guꞌ cham tuꞌ moo aañ dɨɨlh nax bhaaiꞌ nañ tu juan, guꞌ jaꞌpji gu Dios pɨx na xiñ joiꞌmdat jiñ palhbuiꞌñchuꞌ.

2 KORIINTO KAM 1:12

Aach cham tuꞌx buam jum duukam jup tu duñiim jiñ jaaduñ nach xich gaꞌnga, jix bhaiꞌch chaat ich baꞌ. Miꞌ puiꞌ jiim ich guꞌ na jax jaꞌk jum aaꞌ nach miꞌ puiꞌ jiimdaꞌ nach yaꞌ ka oipo dhi oiꞌñgaꞌn bhaan, puiꞌ na jax aapiꞌm nach guꞌ cham tuꞌ tuꞌ bhaan jax jam tɨtda ku pim guꞌ bhaan jix buam jup bam aaꞌ. Gio nach guꞌ cham tuꞌ puiꞌ jaꞌk jujurtɨk na jax gu jaꞌtkam yaꞌ kam dhi oiꞌñgaꞌn, guꞌ jaꞌpji na jax jaꞌk jix aaꞌ gu Dios na jaroiꞌ xich joiꞌmdat jich ñɨidhim.

2 KORIINTO KAM 8:1

Jiñ jaaduñ jich Xoiꞌkam bhaan, xib jañ baꞌp xi jam aagiꞌñdhaꞌ nat jax jaꞌk matgir nax ja joiꞌmdat ja aꞌm tɨ nɨiꞌñ gu Dios guiꞌ nam puiꞌp tɨ jɨɨgiꞌñ buiñor guch Xoiꞌkam bɨɨx nam jɨꞌk kap maap jum jumpadat tu daan na jɨꞌx Masedoonia dɨbɨɨr bhaan bipioꞌ.

2 TIMOTEO 1:12

Dhiꞌ pu chuꞌm kɨꞌn baꞌ yaꞌ bañ chulhiiñ iñ. Ku guꞌ cham tuꞌ ji nañ moo dhiꞌ kɨꞌn jup bax xiꞌɨr, nañ guꞌ aañ jix maat nañ jaroiꞌ buiñor jix biiñak. Cham jax jiñ aaꞌ iñ baꞌ, nañ guꞌx maat na guiꞌñ palhbuiꞌñchuꞌ nañ baꞌ bɨɨx tu kuugalhdhim na jɨꞌk tanoolh tu daaxix nañ yaꞌ puiꞌ tu duñiaꞌ nat jɨꞌk tuñ chia, na guꞌr gɇꞌkam.

ISRAEL KAM 10:2

Baꞌ pux mat kaꞌ am gu Israel kam jaꞌtkam na cham tuꞌ bhaaiꞌ na pu bɨɨx maaꞌn jimdam tu ja uañdhaꞌ gu Dios gu ja uaꞌtulhdharaꞌ, sia kum guꞌ tɨi tu koodat gu sasoiꞌ makgɨrxiꞌñ nat jax tu daasak gu Moisees, puiꞌ nam jax bax uꞌuaꞌtulhdhix kaꞌ nam xim taat kaꞌ. Baꞌ tɨi pɨx mɨjɨ dɨr ji bapoꞌdaꞌ am nam tu makgɨrxiꞌñdhaꞌ gu sasoiꞌ.

1 PEEGRO 2:20

Guꞌ ji noꞌ chich guꞌ dɨɨlh tuꞌ jax dhuu nar jix buam jum duukam, ¿jax jach dhuix bhaiꞌch chaatɨt tu nakooꞌndaꞌ noꞌ mɨt puꞌñi bach chulhiiñchuda, noꞌ chich guꞌ dɨɨlh cham am ji buak ja bui? Puiꞌ pɨx chuꞌm jich aꞌm bam aaꞌndaꞌ guꞌ, nach guꞌ bach uaꞌtulhdhaꞌ. Guꞌ ji noꞌch guꞌ tɨi moo cham tuꞌ jax bua gu tuꞌ nar jix buam jum duukam, noꞌ mɨt bhaiꞌ jich chulhiiñchuda, dhiꞌ jɨꞌ ji nax abhaaruix buiñor gu Dios, jix bhaiꞌm taat kaꞌ ɨp noꞌch aach cham jax jich aagɨt xi ñakooꞌ noꞌm puꞌñi bach chulhiiñchuꞌn.

1 PEEGRO 4:15

Cham tuꞌr jix xiꞌɨraam jia noꞌm jam tulhiiñchuꞌn na pim ba tɨ jɨɨgiꞌñ pɨx buiñor guch Xoiꞌkam. Jɨɨꞌ ji noꞌ pimɨt tuꞌ jax dhuu nar jix buam jum duukam, puiꞌ na jax noꞌ pimɨt maaꞌn mua gu maaꞌnkam, piam ku pimɨt tuꞌ tɨ ɨɨx, piam ku pimɨt tuꞌ jax ja duiñ gu jaiꞌ. Dhiꞌ ji na baꞌr jix xiꞌɨraam noꞌm puꞌñi chuꞌm kɨꞌn mu paiꞌ bañ chulhiiñchuꞌn.