1 PEEGRO 2:1 - Tepehuano Tepehuán del Sureste (Durango)1 Baꞌ aapiꞌm jiñ jaaduñ, miꞌ pim puiꞌ xi jiimɨt na jax jix aaꞌ guch Gɨꞌkoraꞌ, cham tuꞌ na pim puiꞌ pɨx xim tɨɨtgat na pim jir jich Xoiꞌkam jɨɨgiꞌñdham pu cham tuꞌ kaꞌm nɨiꞌñdhaꞌ na jax jix aaꞌ, sia ku pim guꞌ puiꞌ tɨi xi chu bua nam jax jaꞌk bhaan puiꞌ jam ɨlhiiꞌñdhaꞌ gu jaꞌtkam na pim jir jich Xoiꞌkam jɨɨgiꞌñdham. Guꞌ jaꞌpji na pim sɨlhkam tuꞌ kaꞌm nɨiꞌñdhaꞌ ji. Chaꞌpim bɨɨx aixim jix buam jum duukam kap tu buadaꞌ, ni ku pim cham jum iꞌiatgiꞌñdhat, sɨlhkam japim tu aꞌgadaꞌ. Ni ku pim cham tuꞌ ka jɨɨgak kaꞌ maaꞌn noꞌ tuꞌ biaꞌ, gam na pim cham naiꞌ ka tu aꞌgadaꞌ. အခန်းကိုကြည့်ပါ။ |
1 PEEGRO 2:1
50 ပူးပေါင်းရင်းမြစ်များ
Baꞌ giilhim muiꞌ miꞌ mam jumaap jamɨt gu jaꞌtkam na paiꞌp tuꞌiiꞌ gu Jesuus, nammɨ jaꞌp xi juꞌ am. Giox kabkam kiꞌsap am jaiꞌ mɨjɨ jaꞌp, nam guꞌx kobkom mi guguuk. Baꞌ bɨɨpɨꞌ muiꞌ ji chu ja aꞌgi guiꞌ nam kaichuꞌ, jup ja tɨtda: ―Moo pim cham miaꞌn ja aꞌjɨdaꞌ guiꞌ nam pariseos jum tɨɨtɨꞌ. Giilhim jix kaidhaꞌ guꞌ gu ja ñiꞌook, jaꞌp jir tuꞌm am na jax guiꞌ na kɨꞌn jappukar gu paan, pu cham miꞌ puiꞌ jiim am dɨɨlh nam jax ja aagiꞌñdhaꞌ gu jaꞌtkam.
Noꞌ pim guꞌ aapiꞌm cham nɨiꞌñ na gɇꞌgɇr iam bha bɨɨt gu tanaaraꞌ dɨɨlh jam buupui am, cham jir am na pim jax tɨtdadaꞌ gu jam jaduuñ: “Bha jaꞌk jiñ jaduuñ kuñ xim baabuidhaꞌ dhi tanaaraꞌ na bha kaat jum buupui am.” Bɨɨpɨꞌ pim dɨɨlh xi boosgai gu dɨɨlh jam tanaaraꞌ jam buupui am dɨr na pim baꞌp ba baabuidhaꞌ gu jam jaduuñ.
Gio guꞌ bɨɨx aixim jix buam tu jim am na jax cham jir kɨɨꞌ, cham tuꞌ dai puiꞌ pɨx. Jix jɨɨgak kaꞌ am gu jaroiꞌ sia tuꞌ na pɨx bhaan. Gio nam jir tu kooꞌn kam. Gio nam jaꞌp pɨx ja ñiokiꞌñdhaꞌ gu jaiꞌ sia kum cham tuꞌ jax bua. Gam nam jix iaꞌtbiꞌ. Joidham ɨlhdhat pu buadaꞌ am gu tuꞌ na cham jir kɨɨꞌ, gam nam naiꞌ ja aꞌgidhat ja axiidhaꞌ gu jaꞌtkam.
Jiñ jaaduñ jich Xoiꞌkam bhaan, dɨɨlh japim jix bhaiꞌ xim gaꞌngadaꞌ na jax jaꞌk jix bhaiꞌ ji chu buusniaꞌ dhiꞌ nañ tuꞌ bhaan tu aꞌga. Jaꞌp na gɇꞌgɇr jaꞌtkam japim bhaan xim gaꞌngadaꞌ, cham tuꞌ jaꞌp na tuꞌ aꞌaalh nam gampaiꞌ pɨx tɨ ɨlhiiꞌñdhaꞌ. Jɨɨꞌ ji gu tuꞌ nar uaꞌtulhdharaꞌ na pim gampaiꞌ pɨx ɨlhdhat cham pu buadaꞌ, jaꞌp na gu aꞌaalh nam guꞌ cham tuꞌ uaꞌtulhdharaꞌ bhaan tɨtɨɨꞌñchokaꞌ.
Nañ guꞌx aaꞌ na pim miꞌ puiꞌ jiimdaꞌ nañ paiꞌ dhuuk gio muiꞌp jam tɨɨꞌmɨraꞌ. Jix buam tu tatdachiaꞌ guꞌ noꞌ ñich ba jam tɨɨ na pim cham miꞌ puiꞌ jiim, cham tuꞌñ baꞌ ka tu jam aꞌgidhaꞌ na pim jax jaꞌk bhaan jix bhaiꞌm taat kaꞌ. Jix buam guꞌ noꞌ pim daim kokda, piam ku pim xim jɨjɨɨgak bɨxchuꞌ pɨx bhaan, piam ku pim guꞌ bɨɨx aixim bhaan gɇꞌgɇrkam jum taat, piam ku pim guꞌ dɨɨlh pɨx xim jajoiꞌgɨꞌn, noꞌ pim guꞌ pu cham jajoiꞌgɨꞌn gu jaiꞌ. Piam ku pim jum iꞌiattulhiꞌñ, piam ku pim jum aꞌaꞌga, gammɨjɨ bɨɨx aixim ku pim puiꞌm bua na jax cham kɨɨꞌ kaꞌm nɨiꞌñ gu Dios.
Gio gu uꞌuub nap saak puiꞌp ja darsaꞌ nam tu ja aꞌgiꞌñdhaꞌ ɨp gu jaiꞌ uꞌuub, jum aaꞌ sia nam puiꞌ jaꞌk jup tu jimdaꞌ na jax jix kɨɨꞌ kaꞌm nɨiꞌñ gu Dios. Cham jir am nam naiꞌ bɨɨx aixim tuꞌm tu aꞌgidhaꞌ na tuꞌ cham jir sɨlhkam, ni kum cham jix buam ja aꞌgadaꞌ gu jaꞌtkam, ni kum cham jix maik kaꞌ. Guꞌ jaꞌpji nam jix bhaiꞌ tu jimdaꞌ nam baꞌ puiꞌp ji ja nɨidhat miꞌ puiꞌp tu daaꞌñchuꞌndaꞌ gu jaiꞌ.
Dho jaiñ nam jax pɨk joidham bɨɨx ja jujur kɨꞌn tɨ jɨɨꞌñdhat jix biiñak kat buiñor gu Dios gu bɨjɨk dɨr kam jich bopxi kat. Aach dho puꞌñi ɨp jiñ jaaduñ, jaꞌp jach xi dhui bɨɨx nach jɨꞌk tuꞌ bhaan jich chukgiꞌñ, baꞌ dai nach bɨɨx jich jujur kɨꞌn bach biiñkadaꞌ buiñor gu Dios. Cham jach bhaan ka tɨtɨɨꞌñchokaꞌ gu tuꞌ nar uaꞌtulhdharaꞌ, dai ji nach pɨx bhaan ji baapmigiaꞌ nach miꞌ puiꞌ ba tu kuugalhdhidhaꞌ na jax jix aaꞌ guch Gɨꞌkoraꞌ.
Gu jaꞌpji na pim soiꞌm ɨlhdhat miꞌ puiꞌ xi jiimdaꞌ ji na jax jum kaiꞌch gux bhaiꞌm kaiꞌchdham ñioꞌkiꞌñ gu Dios, guiꞌ na bhaan jich aagiꞌñ na jax jaꞌk jix bhaaiꞌ nach duñiaꞌ nach baꞌ cham jich chulhiiñaꞌ gatuuk, na pim guꞌ bax maat. Jaꞌp japim xi dhui bɨɨx na jɨꞌk tuꞌr jix buam jum duukam na yaꞌ dhi oiꞌñgaꞌn jix chu jaiꞌch na pim baꞌ cham dhiꞌ bhaan jum uaꞌtulhiꞌñdhaꞌ.
Gio jaꞌpniñ baꞌ moo tɨip kaiꞌchɨt jiñ jaaduñ jich Xoiꞌkam bhaan, na pim gɨt cham tuꞌ bhaan jax ji kaiꞌchɨt tu oiꞌñkaꞌ. Chaꞌpim jum aꞌaꞌgat, gio na cham jir am na pim jax tɨɨdaꞌ gu jax chuꞌm jich jaduuñ jich Xoiꞌkam bhaan na cham tuꞌ miꞌ puiꞌ jim na jax tu daaxix gu ñioꞌkiꞌñ gu Dios. Nap guꞌ cham tuꞌ dhiꞌ pu chuꞌm kɨꞌn daaxix kaꞌñ jaduuñ nap miꞌ dhɨr ja aagiꞌñdhaꞌ gu jaiꞌ noꞌm miꞌ puiꞌ jiim kaꞌ baꞌ cham, jaꞌpji nap miꞌ puiꞌ xi jimdaꞌ aap dɨɨlh cham tuꞌp jum buixdhat nam jax jaꞌk jup tuiꞌñgɨdaꞌ gu jaiꞌ. Na guꞌ noꞌp puꞌñi jaꞌk duiñchuꞌ, puiꞌr jum duukam kaꞌ nap gɇꞌkam jum taat, cham tuꞌ nap miꞌ puiꞌ jim na jax jum kaiꞌch gu ñioꞌkiꞌñ gu Dios.
Aapiꞌm jix bhaiꞌ xi chu jimdaꞌ dai. Chaꞌpim bɨɨx aixim jum iꞌiattulhdhat jum ñiñiokboixiꞌñdhaꞌ, ni ku pim cham jum bhabhaakuiꞌñdhaꞌ, na baꞌ guꞌ cham puiꞌ jam tɨɨdai jam tulhiiñchudaꞌ guch Xoiꞌkam noꞌt yaꞌ ba ai. Na guꞌ noꞌ pim aapiꞌm puꞌñi jaꞌk pɨx tu jim, puiꞌ ji jam tɨɨdaꞌ na pim dhiꞌ bhaan kuiñcha biaꞌ, puiꞌ jam tɨɨdaꞌ na pimɨt dhiꞌ bhaan cham tuꞌ miꞌ puiꞌ jii na jax jix aaꞌ, baꞌ dai na ba jam tulhiiñchudaꞌ. Alh moo cham jɨꞌx ka mɨɨkidhaꞌ ji guꞌ na yaꞌ pɨx ba aayaꞌ guch Xoiꞌkam, am bha miaꞌn bam kɨisap ji guꞌ na bhaiꞌ bar jimdam.
Ku pim ji guꞌ cham pɨk moo jaꞌp xiꞌ pɨk jup ka xim uaꞌtulhiꞌñdhaꞌ ji jiñ jaaduñ na pim puiꞌ jim aagɨt na gammɨjɨ tu jam uañiꞌñkaꞌ guch Xoiꞌkam nat ba tu jam namkix bhaan gu kuruus, guꞌ jaꞌpji na pim jix bhaiꞌ ba tu jimdaꞌ ji yaꞌ dɨr jaꞌp jaꞌk, dai na pim jix bhaiꞌm taatɨt bhaankamuꞌn ba tu juanaꞌ gu Dios.
Puiꞌ na jax bam kaiꞌch miꞌ paiꞌ uꞌuan taꞌm na tu daaxix gu ñioꞌkiꞌñ gu Dios nap jum kaiꞌch: Gu jaroiꞌ noꞌx aaꞌ na gammɨjɨx jɨkgɨm bap tuiꞌkaꞌ gio na joidham jix bhaiꞌ ba tu tatdaꞌ kaꞌ, jum aaꞌ nax bhaiꞌ ba tu ñiokdaꞌ na jax jir am, cham tuꞌ na giilhim pɨx kaiꞌchdhaꞌ na jax cham puiꞌ tum ñiok, gio na cham tuꞌ iatdaꞌ ka tu aꞌgadaꞌ, jaꞌpji sɨlhkam na tu aꞌgadaꞌ na jax jir puiꞌ.
dai ji na pim gammɨjɨ pɨx bhaan ji baapmigidhaꞌ na pim miꞌ puiꞌ tu kuugalhdhidhaꞌ na jax pɨx jaꞌk jix aaꞌ gu Dios na pim tuiꞌñgɨdaꞌ. Cham tuꞌx buam jum duukam kap jix chu duñiik kaꞌ pim nar yaꞌ kam dhi oiꞌñgaꞌn, ni na pim dɨɨlh jax ɨlhiiꞌñdhaꞌ, na pim guꞌ kaiꞌñkam soiꞌ pɨx bam ɨlhiiꞌñdhaꞌ buiñor noꞌ pim xim tulhiiñ.
Baꞌ gu xib na pim cham puiꞌ jaꞌk ka tu jim na pim jax tu jimdat, xi jam bhaamkidhat bɨɨx aixim jam aiꞌchuxiꞌñ am guiꞌ nam cham tuꞌ kaꞌm nɨiꞌñ gu Dios nam cham tɨ jɨɨgiꞌñ buiñor guch Xoiꞌkam, na pim cham ka ja bɨpnat nam jix buam tu bua na jax cham kɨɨꞌ kaꞌm nɨiꞌñ gu Dios, na pim guꞌ aapiꞌm maakam ba tu jim.
ကြော်ငြာတွေ