Baꞌ xib na cham ka tu jam juantuꞌn gu uaꞌtulhdharaꞌ, dai na pim miꞌ puiꞌ ba jiim na jax jix aaꞌ gu Dios. Dhiꞌ dho gi guꞌ mi tɨgiaꞌ pim ji na tuꞌr jix kɨɨꞌp jum duukam, na pim guꞌx uꞌuañ kɨꞌn bap tuiꞌñgɨdaꞌ buiñor gu Dios, baꞌ gatuuk dai na pim buiñor ba aayaꞌ na pim baꞌ pu gammɨjɨ buiñor bap tuiꞌkaꞌ.
1 PEEGRO 1:9 - Tepehuano Tepehuán del Sureste (Durango)9 na pim puiꞌ xim aaꞌ nat gɇꞌkam kɨꞌn jix bhaiꞌ ba duu nat tu jam uañ gu jam uaꞌtulhdharaꞌ na pim baꞌ miꞌ dhɨr cham tuꞌ kam tulhiiñaꞌ, dai na ba jam baidhikaꞌx dhaam nat paiꞌ tu jam iimchuda. Puiꞌ ku pim chi baꞌ cham jax jum aagɨt muiꞌ xix biiñak buiñor bɨɨx jam jujur kɨꞌn sia ku pim jum tulhiiñ tuꞌ bhaan. အခန်းကိုကြည့်ပါ။ |
1 PEEGRO 1:9
4 ပူးပေါင်းရင်းမြစ်များ
Bɨɨx jɨꞌmaꞌn dhiꞌ nañ jaroiꞌ ja aaꞌ nam tuꞌ sɨlhkam jix biiñak kat buiñor gu Dios, chakui ja aꞌm tu biꞌɨɨk gu gɇꞌp jum duukam nat Dios ja iimchudak na mɨt koi. Ku guꞌ nam guꞌx biiñak kat buiñor, jaꞌp ji buus ji na mɨt sia gu mɨk dɨr mu tɨ tɨɨgɨk bhammɨ jix dhaam na paiꞌ ja makiaꞌ gu Dios gu gɇꞌp jum duukam. Baꞌ joidham jix bhaiꞌm taat am, pux maat am nam cham tuꞌ gammɨjɨ yaꞌ pu oiꞌñkaꞌ dhi oiꞌñgaꞌn bhaan, nam guꞌx maat nam cham jir yaꞌ kam. Puiꞌ kum baꞌx biiñak kat buiñor gu Dios tɨ nɨɨrdaꞌ na jix dhaam jaꞌk puiꞌ tu kuugalhdhaꞌ nat jax tu ja daax.
Gu jaꞌpji na pim soiꞌm ɨlhdhat miꞌ puiꞌ xi jiimdaꞌ ji na jax jum kaiꞌch gux bhaiꞌm kaiꞌchdham ñioꞌkiꞌñ gu Dios, guiꞌ na bhaan jich aagiꞌñ na jax jaꞌk jix bhaaiꞌ nach duñiaꞌ nach baꞌ cham jich chulhiiñaꞌ gatuuk, na pim guꞌ bax maat. Jaꞌp japim xi dhui bɨɨx na jɨꞌk tuꞌr jix buam jum duukam na yaꞌ dhi oiꞌñgaꞌn jix chu jaiꞌch na pim baꞌ cham dhiꞌ bhaan jum uaꞌtulhiꞌñdhaꞌ.
Jir diꞌ pɨx am gu ja iꞌiiꞌmdaꞌ guiꞌ na mɨt janoꞌ cham jɨꞌxkat tɨ jɨɨꞌñ buiñor gu Dios na tɨi pup tu ja aꞌgidhimɨk gu Noee janoꞌ nap duñiidhaꞌ gu gɇꞌ kanuub. Tɨi pup xi ja nɨɨraimɨk ɨp gu Dios nam gɨt soiꞌm ɨlhdhai miꞌ puiꞌ ba jimiaꞌ na jax jix aaꞌ ampɨk na tɨɨmoꞌ gu Noee nap duñiim gu gɇꞌ kanuub, na baꞌ bax bhaaiꞌn kaꞌ nam bhaan jum oꞌñchoꞌ gɨt na paiꞌ dhuuk jix ioꞌm duudui bhaiꞌ ji chɨsdiaꞌ gu suudaiꞌ. Guꞌ ji na guꞌ cham, tuꞌ pɨx ɨlh jamɨt. Xijum baik jamɨt baꞌ pɨx bha tɨɨtɨs bhaan guiꞌ gu kanuub nat paiꞌ dhuuk bhaiꞌ ji chɨs gu suudaiꞌ na mɨt jɨꞌk tɨ jɨɨꞌñdhak miꞌ puiꞌ jii na jax jix aaꞌ gu Dios, gu jaiꞌ pu bɨɨx koi mɨt.
ကြော်ငြာတွေ