1 PEEGRO 1:8 - Tepehuano Tepehuán del Sureste (Durango)

⁸ Na pim guꞌ aapiꞌm buiñor tɨ jɨɨꞌñdhat tuꞌ kaꞌm nɨidhat guch Xoiꞌkam miꞌ puiꞌ ba jiim na jax jix aaꞌ, sia ku pimɨt cham tuꞌ maaxik tɨɨgɨk na yaꞌ xi oilhimɨk. Jix maat iñ na pim bɨɨx jam jujur kɨꞌn jix biiñak buiñor, sia ku pim jix maat na cham tuꞌ yaꞌ kap tuꞌiiꞌ dhi oiꞌñgaꞌn bhaan, gam na pim gɇꞌkam kɨꞌn jix bhaiꞌm taatɨt buiñor jix jɨjɨkgɨm jup tuꞌiiꞌ na pu cham bhaaiꞌ na pim jax xim buadaꞌ ni na pim jax xi chɨtdadaꞌ,

1 PEEGRO 1:8 ပူးပေါင်းရင်းမြစ်များ

MATEO 10:37

’Baꞌ gu jaroiꞌ noꞌ aañ jiñ bui tɨi tɨ jɨɨgiꞌñ, noꞌ guꞌ dai gu taataꞌn pɨx jix ioꞌm jix dhaan, dhiꞌ jaꞌp ji buusan na pu cham tɨ jɨɨgiꞌñ aañ jiñ bui, na guꞌ cham pɨk jiñ buix biiñak kaꞌ. Piam mu dɨr bha jaꞌk gu ja gɨꞌkoraꞌ noꞌm dai gu ja maamar pɨx jix ioꞌm jix ja daꞌ, puiꞌ jaꞌp jup ji buusan nam pu cham tɨ jɨɨgiꞌñdhaꞌ aañ jiñ bui.

JUAN 14:15

’Guꞌ baꞌ xib na pim bañ kaichuꞌ, dai na pim miꞌ puiꞌ xi jiimɨt nañ jɨꞌk jax jam tɨtda, noꞌ pim dho ji baabuiꞌ sɨlhkam jix aaꞌ na pim tuꞌ kaꞌm bañ ñɨiꞌñdhaꞌ yaꞌ dɨr jaꞌp jaꞌk, piam ku guꞌ cham.

JUAN 14:21

Na guꞌ gu jaroiꞌ noꞌt jiñ kɇɇk miꞌ puiꞌ ba jii nañ jɨꞌk jax jam tɨtda, dhiꞌ bhaan bax maatɨꞌ kaꞌ na sɨlhkam jix aaꞌ na tuꞌ kaꞌm jiñ ñɨidhat ba xiñ kɨɨgalhiꞌñdhaꞌ gammɨjɨ, miꞌ dhɨr baꞌx bhaiꞌ bhaiꞌ ji machiaꞌ nañ jir tuꞌp tuꞌm daꞌ, gio baꞌ nax joiꞌndat ba tɨgiaꞌ guñ Gɨꞌkoraꞌ noꞌ puꞌñi miꞌ puiꞌ ba jim nañ jɨꞌk jax tu aꞌga.

JUAN 14:24

Baꞌ gu jaroiꞌ noꞌ puꞌñi cham jiñ kɨɨgalhdhat cham tɨ jɨɨgiꞌñ aañ jiñ bui, dhiꞌ bhaan jix maatɨꞌ kaꞌ na cham jɨꞌxdhaꞌ miꞌ puiꞌ jimiaꞌ nañ jɨꞌk jax tu aꞌga xib bhaankamuꞌn guñ Gɨꞌkoraꞌ. Na guꞌ nañ jax ba jam tɨtda bo jia na guñ Gɨꞌkoraꞌ jir ñioꞌkiꞌñ dhiꞌ nañ jɨꞌk jax tu jam aꞌgiꞌñ, cham tuꞌ aañ dɨɨlh nañ jax ɨlhiiꞌñ.

JUAN 16:22

Puꞌñi ɨp baꞌ aapiꞌm, puiꞌ dhox buam ka xi chu tatdaꞌ xib na pim bax maat nam jax jiñ dhoodaꞌ. Noꞌ pimɨt giop bañ chɨɨ guꞌ joidham ji na pim jix bhaiꞌ bhaiꞌ jim ɨlhdhaꞌ nañ jax ba jam tɨtda. Cham jɨꞌxdhaꞌ jaroiꞌ ka jam sooꞌmchuldhaꞌ sia chi tɨi xi jam bhaamkiꞌñ na pim joidham jix jɨjɨkgɨm jup tuꞌiiꞌ.

JUAN 20:29

Baꞌp tɨtda gu Jesuus: ―Na pich paiꞌx bhaiꞌ xiñ chɨɨ Tomaas na pich baꞌ ba tɨ jɨɨꞌñ nañ aañ jir diꞌ na ñich giop dua. Guꞌ cham tɨ jɨɨꞌñdhat ap ji na pich chakui tɨɨgɨk guñ ñoonob. Jaiꞌ joidham pu tɨ jɨɨgiꞌñ am na ñich sɨlhkam giop dua nat jax puiꞌ tɨm tɨi, sia ku mɨt cham paiꞌñ chɨɨ gu maaxik.

JUAN 8:42

Baꞌp ja tɨtda gu Jesuus: ―Matgam noꞌ Dios jir jam taat kaꞌ gɨt, xiñ kɨɨgalhiꞌñdhaꞌ pim gɨt ji, na ñich guꞌ aañ bhammɨ dɨr bha jii na paiꞌp tuꞌiiꞌ. Cham tuꞌ nañ dɨɨlh pɨx ya jaꞌp jimdat puiꞌ ba tu jam aꞌgidhim, guꞌ jaꞌpji gu Dios nat bhañ joot.

GU NOONBIꞌÑ GUCH XOIꞌKAM 16:34

Miꞌ dhɨr baꞌ giop ba ja baidhak mu jaꞌk kiaꞌmiꞌñ, ba tu ja onbaiꞌ baꞌ, joidham pɨx jix bhaiꞌm taat ji guꞌ ja bɨɨm guiꞌ nam jir kiaꞌmiꞌñ kam, na guꞌ sap joidham jir am na mɨt ba tɨ jɨɨꞌñ buiñor gu Dios.

ROOMA KAM 14:17

Na guꞌ na baꞌ ja aꞌm tɨ nɨidhidhaꞌ gu Dios gu jaꞌtkam, nam miꞌ puiꞌ jiimdaꞌ na jax jix aaꞌ, nam jix bhaiꞌm taatɨt tu oiꞌñkaꞌ bɨɨx jɨꞌmaꞌn na jax pɨx ja jurtudhidhaꞌ gux Dhuuduꞌ kam jix Uañ Iiꞌmdaꞌ, dhiꞌ jɨꞌ bhaan na ja aꞌm tɨ nɨidhidhaꞌ gu Dios, cham tuꞌ gu tuꞌ koiꞌ noꞌñ bɨɨx tu kuaꞌ piam ku guꞌ cham.

ROOMA KAM 15:13

Baꞌ gu Dios pɨx dhiꞌ nach jaroiꞌ buiñor jich palhbuiꞌñ, jam tajaañdhaꞌ guiꞌ na pim kɨꞌn jix bhaiꞌm taatɨt tu oiꞌñkaꞌ, na pim cham tuꞌ xim bhabhaakuiꞌñdhaꞌ aapiꞌm na pim jɨꞌk tuꞌ sɨlhkam ba tɨ jɨɨgiꞌñ guiꞌ buiñor. Gio gux Dhuuduꞌ kam jix Uañ Iiꞌmdagaꞌn na jam tajaañdhaꞌ gɨt na baꞌ puiꞌ jam jurtudaꞌ na dai guiꞌx bhaaiꞌ nach buiñor jich palhbuiꞌñkaꞌ gammɨjɨ.

1 KORIINTO KAM 16:22

Noꞌ jaroiꞌ maadɨt cham soiꞌm ɨlhdhat daan guch Xoiꞌkam, aañ pu kaiꞌch na cham bhaiꞌ tu jimiaꞌ dhiꞌ dhi jaduuñ, gamɨmmɨ tulhiiñchudaꞌ gu Dios. Baꞌ aañ yaꞌ dɨr pum tɨtda aapiꞌ Gɇꞌkam jich Xoiꞌkam nap jootom gio bhaiꞌp xi jimdaꞌ gɨt.

2 KORIINTO KAM 1:22

Baꞌ na bhaan jix maatɨꞌ kaꞌ nach aach jir jaꞌtkam tugiꞌñ, jich chajaañ gux Dhuuduꞌ kam jix Uañ Iiꞌmdagaꞌn, gam nach baꞌ dhiꞌ bhaan machiaꞌ na gatuuk gɇꞌp jum duukam tuch makiaꞌ.

2 KORIINTO KAM 12:4

Maaꞌn kap aich jamɨt na paiꞌ joidham tu tuꞌiiꞌ, bhaiꞌ baꞌ tɨ kai na tum aꞌga kɨꞌn gu ñiꞌook nax xi dhuu yaꞌ dhi oiꞌñgaꞌn na jaroiꞌ kɨꞌn tu aꞌgaꞌ.

2 KORIINTO KAM 4:18

Baꞌ aañ pu jam tɨtda aapiꞌm jiñ jaaduñ nach dai bhaan tɨtɨɨꞌñchokaꞌ guiꞌ nach tuꞌ cham nɨiꞌñ xib, cham tuꞌch bhaan jup jich buixiꞌñdhaꞌ gu tuꞌ nax maax. Na guꞌ guiꞌ na tuꞌx maax yaꞌ dhi oiꞌñgaꞌn, gatuuk cham paiꞌ ka maatɨꞌ kaꞌ, guꞌ matgɨm guiꞌ nach tuꞌ cham nɨiꞌñ xib, gammɨjɨ ji na pux jaiꞌch kaꞌ, pu cham tu juꞌngɨ, na guꞌr jix dhaam kam.

2 KORIINTO KAM 5:7

Pu cham nɨiꞌñ ich maaxik, sɨlh pɨx jach buiñor tɨ jɨɨgiꞌñ jich jujur am bhaan

2 KORIINTO KAM 9:15

Aach puiꞌx bhaiꞌch chaatɨt jup taxchaabgiꞌñ gu Dios nat pu chuꞌm kɨꞌn jich dharai nach tuꞌ bhaan ba tu juan xib, cham bhaaiꞌ nach jax pɨk jaꞌk xi taxchaabgiꞌñdhaꞌ gɨt.

GALAASIA KAM 5:22

Baꞌ noꞌ jaroiꞌ bhaan tajaañixchuꞌ gux Dhuuduꞌ kam jix Uañ Iiꞌmdaꞌ, jix chu joiꞌgɨꞌndaꞌ pɨx sia tuꞌ na pɨx bhaan ja bui gu jaꞌtkam, na gammɨjɨx bhaiꞌm taatɨt ja palhbuiꞌñdhaꞌ sia nar paiꞌ dhuuk kaꞌ gɨt. Gio na cham bhaamdar kaꞌ, nax chu nakooꞌndaꞌ pɨx sia tuꞌ na pɨx kɨꞌn. Gam na dɨɨlh jum palhbuiꞌñkaꞌ na jax jaꞌk cham tuꞌ bhaan maiꞌchiaꞌ gux buam jum duukam. Na gammɨjɨ soiꞌm ɨlhdhat tuꞌ sɨlhkam tɨ jɨɨꞌñdhat buiñor guch Xoiꞌkam miꞌ puiꞌ jimdaꞌ na jax jix kɨɨꞌ kaꞌm nɨiꞌñ. Noꞌ jaroiꞌ gammɨjɨ puꞌñi miꞌ puiꞌ tu duiñchuꞌ, cham jum aaꞌ na jaroiꞌ aagiꞌñdhaꞌ na jax jaꞌk tu aagix, na guꞌ puꞌñi pɨx jaꞌk jum aaꞌ nam tuiꞌñgɨdaꞌ gɨt bɨɨx gu jaꞌtkam.

GALAASIA KAM 5:6

Na guꞌ aach nach bax maat nach buiñor jup tuiꞌdhiꞌ guch Xoiꞌkam, jich aꞌm tɨ nɨidhim sia kuch cham kach matgilhiꞌñ. Na guꞌ guch Xoiꞌkam cham tuꞌ dhiꞌ bhaan jich aꞌm tɨ nɨidhidhaꞌ noꞌch matgilhdhix piam ku guꞌ cham, guꞌ jaꞌpji noꞌch tuꞌ sɨlhkam buiñor tɨ jɨɨꞌñdhat xich jajoiꞌgɨꞌn.

EEPESO KAM 3:19

Puiꞌ jaꞌk soiꞌp tɨtdatuꞌ iñ baꞌ gu Dios na guiꞌ pɨx jam mattudaꞌ na jax kaiꞌñkam jup jum kaiꞌch noꞌñ maaꞌn jix kɨɨgalhiꞌñ gio noꞌñ maaꞌn jix joiꞌgɨꞌn. Jix ioꞌm jir gɇꞌp jum duukam guꞌ dhiꞌ na puiꞌm kaiꞌch, cham tuꞌ nach jɨꞌx ɨlhiiꞌñ aach dhɨɨlh. Baꞌ noꞌ guꞌ dhiꞌ jam aꞌm bap tuiꞌdhiꞌ, miꞌ dhɨr dai na pim jix bhaiꞌ ba machiaꞌ na jax jir tuꞌm kam gu Dios.

EEPESO KAM 6:24

gio baꞌ nam gammɨjɨ gɨt pɨx baꞌ moo xi jam joiꞌmdat jam aꞌm tɨ nɨidhidhaꞌ bɨɨx na pim jɨꞌk buiñor jup tuiꞌdhiꞌ gu Gɇꞌkam jich Xoiꞌkam.

PILIIPOS KAM 1:25

Ku guꞌx bhaiꞌx maat iñ ji aañ nañ pui ka xi dhuatuꞌ dhi tuukuꞌ bhaan, baꞌ mu jaꞌk jiñ chɨꞌñcho iñ jam bui nañ jam guguuxdharaꞌ na pim xi guꞌkiꞌndaꞌ na pim miꞌ puiꞌ jiimdaꞌ na jax jix aaꞌ guch Xoiꞌkam, gio na pim baꞌx ioꞌm jix bhaiꞌm taatɨt jix biiñak kaꞌ buiñor.

PILIIPOS KAM 3:3

Jax dhui na guꞌ guiꞌ nam sɨlhkam matgilhdhix kaꞌ nam jir Israel kam jaꞌtkam, jum aaꞌ nam puiꞌ jaꞌk tu jimdaꞌ na jax aach nach tu daan buiñor gu Dios, puiꞌ na jax pɨx jich jurtuꞌn gux Dhuuduꞌ kam jix Uañ Iiꞌmdaꞌ, jix bhaiꞌch chaat ich baꞌ nach buiñor tɨ jɨɨgiꞌñ guch Xoiꞌkam. Dhiꞌ bhaan tu daaꞌñchuꞌ ich aach, cham tuꞌ gu tuꞌ na daam dɨr jich chutkuꞌ bhaan jix maax kaꞌ.

PILIIPOS KAM 4:4

Baꞌx bhaiꞌ pim jum taat kaꞌ gammɨjɨ buiñor guch Xoiꞌkam. Gioñ moo puiꞌp xi chɨꞌyaꞌ: Jix bhaiꞌ pim jum taat kaꞌ.

ISRAEL KAM 11:1

Noꞌñ sɨlhkam bɨɨx jiñ jur kɨꞌn tɨ jɨɨꞌñdhat jix biiñak buiñor gu Dios, puiꞌp tɨ jɨɨgiꞌñdhaꞌ iñ na puiꞌ tu kuugalhdhaꞌ nat jax tu dai na saak tu duñiaꞌ gatuuk, sia kuch guꞌ cham maat na jax baꞌ jaꞌk ba ji chu duñiaꞌ na puiꞌ ba ji chu kuugalhdhaꞌ.

ISRAEL KAM 11:27

Pu maiꞌ mɨɨ baꞌ miꞌ dhɨr Ejipto cham tuꞌ bhaan ji chooꞌnnɨk sia ku jax giilhim jix bhaam gu gɇꞌkam miꞌ kam, na guꞌx maat na gɇꞌkam kɨꞌn bhaan tɨ nɨidhim gu Dios sia ku cham paiꞌ nɨiꞌñ maaxik.

1 PEEGRO 1:6

Baꞌ aapiꞌm dhiꞌ kɨꞌn jix bhaiꞌ pɨx bam taat kaꞌñ jaaduñ na pim ba tu iimchudhix, chaꞌpim kuuꞌ jimmɨdaꞌ sia ku jɨꞌx cham bhaiꞌ tu jam jim tuꞌ bhaan. Muiꞌ pim xix biiñak kaꞌ buiñor guch Gɨꞌkoraꞌ na guꞌ gatuuk joidham jix bhaiꞌ tu jam jimiaꞌ.

1 PEEGRO 2:7

Aapiꞌm dho puiꞌp bax maat nar gɇꞌp jum duukam guiꞌ jɨꞌ na jaꞌp ji buusan na jax gu jodai gux kɨɨꞌ joidham, na pim guꞌ ba tɨ jɨɨgiꞌñ buiñor bɨɨx jam jujur kɨꞌn. Guꞌ baꞌ guiꞌ nam jɨꞌk cham kɨɨgalhdhat cham tɨ jɨɨgiꞌñ buiñor, dhiꞌ bhaan pɨx puiꞌ ba tum kuugalhdhaꞌ nat jax tum uaꞌnak bɨjɨk nap jum kaiꞌch: Gu jodai na mɨt maiꞌ tɨi xi buak gu bhibhiiꞌñbakchadam, xib miꞌ daa na paiꞌx ioꞌm jum aaꞌ nam bhaan jum oꞌtoꞌn gu jaiꞌ joodai.

1 PEEGRO 5:4

Na baꞌ janoꞌ na paiꞌ dhuuk jich baidhikaꞌ guch Xoiꞌkam guiꞌ na jaroiꞌr jam gɇꞌkam tuk na pim tu bipiꞌñxiꞌñ gu kakaasnir gaꞌn, joidham jix bhaiꞌm ɨlhdhaꞌ pim buiñor, na guꞌ pɨx jix bhaiꞌ jam tɨɨdai ba jam tuttuidhaꞌ bɨɨx jɨꞌmaꞌn gu kuruun nax ioꞌm jix dhaꞌram namɨɨk, na pu cham jax jum bua, dhiꞌ baꞌ kɨꞌn jix ioꞌm gɇꞌkam kɨꞌn jix bhaiꞌ bam ɨlhdhaꞌ pim.