Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 PEEGRO 1:5 - Tepehuano Tepehuán del Sureste (Durango)

5 na pim guꞌ bɨɨx jam jujur kɨꞌn bax biiñak buiñor gu Dios, gɇꞌkam kɨꞌn jam aꞌm ba tɨ nɨidhim baꞌ gu xib. Baꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn, dai na ba jam baidhikaꞌx dhaam na pim paiꞌ gammɨjɨx jɨjɨkgɨm bap tuiꞌkaꞌ, cham tuꞌ mu jaꞌk na paiꞌr tu tulhiiñaraꞌ.

အခန်းကိုကြည့်ပါ။ ကော်ပီ




1 PEEGRO 1:5
43 ပူးပေါင်းရင်းမြစ်များ  

Piam kum jaiꞌ dhɨt cham jiñ kaim nañ jɨꞌk jax tɨi tu aꞌga nam cham jiñ kɨɨgalhdhat, cham jax bua dho. ¿Jax jañ gip ja tɨɨdaꞌ aañ? Jumaix jaiꞌch ji guꞌ guiꞌ na pɨk ja aagiꞌñdhaꞌ nam kuiñcha biaꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn, dai na xi ja aaꞌñdhai na mɨt sɨlhkam cham miꞌ puiꞌ jii nañ jɨꞌk jax tu ja aꞌgiꞌñ xib.


Ku guꞌ cham tuꞌ ji nañ moo jax kaiꞌñkam jup kaiꞌch nap pu xib ba ja baidhikaꞌ yaꞌ dɨr dhi oiꞌñgaꞌn, jaꞌpji dai nap ka ja nuukdaidhaꞌ pɨx na cham paiꞌ dhɨr jimdat jup ba ja iatgidhaꞌ gux iatkum.


Guꞌ gu suudaiꞌ nañ aañ jax chuꞌm tu maak, cham tuꞌ ka tanoom kaꞌ ji gu jaroiꞌ noꞌt ba ii, na guꞌ gammɨjɨ pu bhaan ba baꞌpundaꞌ, na guꞌ bhaan ba tɨ nɨidhidhaꞌ guñ Gɨꞌkoraꞌ na baꞌ cham tuꞌ ka tulhiiñchudaꞌ, dai na ba baidhikaꞌx dhaam jaꞌk.


’Tuꞌ sɨlhkam jañ yaꞌ pu jam tɨɨdaꞌ, gu jaroiꞌ nax maatɨt jiñ kɇɇ nañ jax kaiꞌñkam jup kaiꞌch, jir am na miꞌ puiꞌ ba jimiaꞌ gio na ba tɨ jɨɨꞌñdhaꞌ buiñor guiꞌ nat bhañ joot, na baꞌ gammɨjɨ bhaan ba tɨ nɨidhidhaꞌ, na baꞌ miꞌ dhɨr cham ka tulhiiñchudaꞌ, dai na ba baidhikaꞌ jix dhaam jaꞌk. Na guꞌ noꞌt puꞌñi ba tɨ jɨɨꞌñ gu jaroiꞌ, cham jɨꞌxdhaꞌ ka mukiaꞌ gu iiꞌmdagaram bhaan, na guꞌx chu maax kɨr bap tuiꞌñgɨdaꞌ.


Tɨi dhor puiꞌ, dai ji na guꞌ guiꞌ ja ɨꞌkɨ mɨt nam cham soiꞌm ɨlhdhat tuꞌ sɨlhkam buiñor tɨ jɨɨgiꞌñ guch Xoiꞌkam. Baꞌ aapiꞌm pu kaiꞌñkam pɨx bhaiꞌp jam tuttu mɨt na pim buiñor soiꞌm ɨlhdhat tɨ jɨɨgiꞌñ guch Xoiꞌkam. Cham jir am baꞌ na pim gɇꞌgɇrkam jum taat kaꞌ, guꞌ jaꞌpji na pim jix chotdonɨt soiꞌ pɨx jum ɨlhiiꞌñdhaꞌ bhaiꞌ puiꞌ ji chuꞌt.


Aañ jaꞌpni ɨlhiiꞌñ, na cham tuꞌ jaꞌxbuiꞌp jir gɇꞌ dhi tulhiiñaraꞌ na jax guiꞌ nach tuꞌ tɨgiaꞌ gatuuk na joidham jix abhaar. Aañ jiñ bui jir cham tuꞌ dhi tulhiiñaraꞌ.


Nat guꞌ gu Dios tɨi puiꞌ tu duu nam jax jaꞌk machiaꞌ gɨt gu jaꞌtkam na gu Dios bɨxchuꞌx bhaaiꞌ na pu tu duñiaꞌ, guꞌ ji nam guꞌ pu cham maatɨt tɨ nɨiꞌñ. Puiꞌ kut baꞌ gu Dios jix ja joiꞌmdak puiꞌ tu duu na dai pɨx noꞌm tuꞌ sɨlhkam bɨɨx ja jujur kɨꞌn ba tɨ jɨɨgiꞌñ na jax jum kaiꞌch gux bhaiꞌm kaiꞌchdham ñioꞌkiꞌñ, cham tuꞌ mu jaꞌk ka bhɨɨyaꞌ am nam paiꞌ gammɨ miꞌ pup jum tulhiiñdhaꞌ, sia kum guꞌ jaiꞌ tuꞌ pɨx ɨlhiiꞌñ.


Cham jir am guꞌ nach moop jam chian na pim miꞌ puiꞌ jimiaꞌ, guꞌ jaꞌpji dɨɨlh na pim miꞌ puiꞌ xi dhuñiaꞌ cham jax ji kaiꞌchɨt, na pim guꞌ tɨ jɨɨgiꞌñ buiñor guch Xoiꞌkam. Aach dai nach mu jam palhbuiꞌñ pɨx na pim jax jaꞌk jix ioꞌm jix bhaiꞌm taatɨt buiñor tɨ jɨɨgiꞌñdhaꞌ guch Xoiꞌkam.


Bɨɨmaꞌn muu ñich guꞌ guch Xoiꞌkam janoꞌ na mɨt paiꞌ dhuuk mua. Baꞌ na ñich paiꞌ dhuuk bɨɨmaꞌn duadɨk giop bam, cham jañ kar pu chuꞌm nañ jax jir tuꞌm kat bɨɨpɨꞌ dɨr, bar jumai iñ. Guch Xoiꞌkam pɨx jiñ aꞌm pup kio baꞌ miꞌ dhɨr, dai baꞌ nañ soiꞌñ ɨlhdhat pɨx buiñor ba tɨ jɨɨgiꞌñ, nat guꞌ xiñ joiꞌmdak jiñ aꞌmkam muu. Dhiꞌr diꞌ guꞌ gu Maraaꞌn gu Dios.


Baꞌ na pimɨt tɨ jɨɨꞌñ aapiꞌm nat gu Dios tuꞌ sɨlhkam ba xich joiꞌgɨlh, dhiꞌ bhaan cham tuꞌ mu jaꞌk ka jiim japim bhaan gu boi na mu jaꞌk bhɨix na pim paiꞌ gammɨjɨ gɨt miꞌ pup jum tulhiiñdhaꞌ. Cham tuꞌ pimɨt tuꞌ bhaan tu juanak maꞌiich dhiꞌ, guꞌ jaꞌpji puiꞌ pɨx nat xi jam joiꞌmdak jaꞌp jaꞌk jam tuttu gu Dios.


Bɨɨx jañ puiꞌ soiꞌp tɨtdatuꞌ gu Dios na dɨɨlh guch Xoiꞌkam pɨx jam jujur am ba kiokaꞌ, dai na pim aapiꞌm puiꞌ jaꞌk buiñor tɨ jɨɨgiꞌñdhaꞌ. Gammɨjɨ pim baꞌ joidham jix kɨɨgalhdhat gu Dios miꞌ puiꞌ xi jiimdaꞌ na jax jix aaꞌ, gio na pim jix ja joiꞌmdat jix bhaiꞌ xi ja buaꞌt gu jaiꞌ jaꞌtkam


Tuꞌ sɨlhkam kɨꞌn tɨ jɨɨgiꞌñ iñ aañ na gu Dios pɨx dɨɨlh gammɨjɨ jam palhbuiꞌñchuꞌndaꞌ na pim baꞌx bhaiꞌm duukam jup tu duiñxidhidhaꞌ dai guiꞌ, nat guꞌ pu chuꞌm kɨꞌn jam aꞌm ba tɨ tɨɨ, puiꞌ pu jam palhbuiꞌñchuꞌndaꞌ janoꞌ juugɨt na paiꞌ dhuuk gio bhaiꞌp jimdaꞌ guch Xoiꞌkam Jesuus yaꞌ dhi oiꞌñgaꞌn bhaan.


Baꞌ dɨɨlh jam tajaañdhaꞌ guiꞌ na pim kɨꞌn jix bhaiꞌm taatɨt tu oiꞌñkaꞌ gammɨjɨ, na guꞌ dɨɨlh jix bhaiꞌx maat na jax jaꞌk jich guguuxdhatuꞌndaꞌ, sia kuch guꞌ aach dɨɨlh cham maat. Baꞌ guiꞌ pɨx puiꞌ jam jurtudidhaꞌ na pim baꞌ dai bhaan tɨtɨɨꞌñchokaꞌ na tuꞌr jix bhaiꞌm duukam, baꞌ bhaan jix bhaiꞌm taat kaꞌ pim, na pim guꞌ maap maaꞌn ñiꞌook jup duuk guch Xoiꞌkam Jesuus.


Ɨlhiꞌch dhɨm dɨr bax maat ap na jax jum kaiꞌch gux uañ ñioꞌkiꞌñ gu Dios na tu uaꞌñix. Dhiꞌ maaꞌn na jax miꞌ puiꞌm bhɨichdhatuꞌndaꞌ nap baꞌ cham mu jaꞌk bhɨɨyaꞌ nap paiꞌ gammɨjɨ miꞌ pup jum tulhiiñdhaꞌ. Gio nap jix bhaiꞌ buiñor jix biiñak kaꞌ guch Xoiꞌkam.


Puꞌñi jaꞌk jach tu duiñchugɨt jix bhaiꞌch chaatɨt nɨɨradaꞌ gu Dios jich Xoiꞌkam na gio bhaiꞌp jim jix ioꞌm gɇꞌkam kɨꞌn giox abhaar bhaan. Na guꞌ dhiꞌr diꞌ nat jich boosolh miꞌ dhɨr bhaan gu boi na mu jaꞌk bhɨix nach paiꞌ gammɨjɨ gɨt miꞌ pup jich chulhiiñdhaꞌ, na guꞌx ioꞌm jir gɇꞌkam.


Gammɨjɨ pim cham oodat pɨx bhaan ji baapmigidhaꞌ na pim jax ba duiñchuꞌ, miꞌ pim puiꞌp xi bhɨichgɨdaꞌ nam jax tu jim guiꞌ nam tuꞌ sɨlhkam tuꞌ kaꞌm nɨidhat gu Dios miꞌ puiꞌ ba jiim na jax jix aaꞌ, nam jɨꞌk jix aik jix dhaam nat paiꞌ tu ja iimchuda guch Gɨꞌkoraꞌ guiꞌ nam jɨꞌk puꞌñi tuꞌ kaꞌm tɨgiaꞌ.


Puꞌñi ɨp guch Xoiꞌkam janoꞌ nat yaꞌ xi ɇɇk, maaꞌnnim pɨx jum makgɨrta jich aꞌmkam, dhiꞌ kɨꞌn pu ba tu namkix bɨɨx maaꞌn jimdam nam jix uꞌuaꞌtulhdhix gu jaꞌtkam yaꞌ dhi oiꞌñgaꞌn. Baꞌ xib na gio bhaiꞌp jimdaꞌ, cham tuꞌ na gioch aꞌmkam jup ka mukiaꞌ na tuch ñamkixdhaꞌ guch uaꞌtulhdharaꞌ, jaꞌpji daipuꞌ na bha ja baiꞌñmɨraꞌ pɨx guiꞌ nam jɨꞌk puꞌñi tɨ nɨɨra na bha ja baiꞌñmɨraꞌ miꞌ puiꞌ ji jiimɨt na jax jix aaꞌ.


Baꞌ aañ jam guguuxiꞌñ jiñ jaaduñ na pim siamri miꞌ puiꞌ xi jiimɨt na jax jix aaꞌ guch Gɨꞌkoraꞌ pɨx am tɨ nɨɨrdaꞌ janoꞌ na paiꞌ dhuuk yaꞌ aayaꞌ guch Xoiꞌkam na baꞌ miꞌ dhɨr ba jam makiaꞌ gu gɇꞌgɇr jup tum duuꞌnkam nat jam iimchuda gu Dios na jam makiaꞌ.


nat guꞌ dɨɨlh guch Xoiꞌkam puꞌñi pɨk jup jum tulhiiñak. Puiꞌ ku pim baꞌ aapiꞌm gɇꞌkam kɨꞌn jix bhaiꞌ pɨx jum taat kaꞌ na pim puiꞌp jum tulhiiñ nat jax jum tulhii guiꞌ jich aꞌmkam janoꞌ na yaꞌ xi oilhimɨk gu tuukuꞌ bhaan, na baꞌ janoꞌ na paiꞌ dhuuk gio bhaiꞌp jimdaꞌ jix ioꞌm gɇꞌkam kɨꞌn, joidham jix bhaiꞌm ɨlhdhaꞌ pim buiñor, na guꞌ pɨx jix bhaiꞌ jam tɨɨdaꞌ na pimɨt puiꞌp tu jii na jax guiꞌ.


Baꞌ aapiꞌm jiñ jaaduñ na pim jix ioꞌm bɨjɨk dɨr ba tɨ jɨɨgiꞌñ na pim bax maat gu ñioꞌkiꞌñ gu Dios, palhɨɨp jañ jup xi chu jam aꞌgidham na pim jax jaꞌk tuiꞌñgɨdaꞌ nañ kapbhaiꞌ bax maat paꞌ na jax jaꞌk jix bhaiꞌ. Nañ guꞌ aañ puiꞌ pɨx am jup bax maat gu ñioꞌkiꞌñ gu Dios na jax aapiꞌm, nañ guꞌ puiꞌ bɨjɨk dɨr jup ba tɨ jɨɨgiꞌñ, gio na ñich guꞌx bhaiꞌ tɨɨgɨk jiñ buupui kɨꞌn guch Xoiꞌkam nat jax jum duu janoꞌ nat jum tulhiiñak jich aꞌmkam bhaan gu kuruus. Baꞌ puiꞌx bhaiꞌp jiñ ɨlhdhaꞌ iñ janoꞌ na paiꞌ dhuuk gio bhaiꞌp jimdaꞌx ioꞌm gɇꞌkam kɨꞌn na pim jax jix bhaiꞌm ɨlhdhaꞌ aapiꞌm, na guꞌ maap bach baidhikaꞌ.


Na guꞌ gu Dios nax ioꞌm jir gɇꞌkam xich joiꞌndak tuch uañ guch uaꞌtulhdharaꞌ nach baꞌ miꞌ dhɨr jix bhaiꞌch chaatɨt ba tu daandaꞌ buiñor cham tuꞌ bhaan jax jich aagɨt, gio baꞌ nach joidham jix bhaiꞌ ba tu jimdaꞌ na jax jix aaꞌ, nach guꞌ bax maat nat gɇꞌkam kɨꞌn jix bhaiꞌm duukam jup tu duu aach jich bui nach baꞌ cham maiꞌ ka suulhgiaꞌ.


Aach dho gi nach guꞌ bax maat nach tuꞌ sɨlhkam bar maamraꞌn gu Dios nañ jax ba jam tɨtdañ jaaduñ, sia kuch guꞌ chakui pɨk moo maat gu xib nach jax moo tuꞌm jup jich dhuñiaꞌ janoꞌ nach paiꞌ dhuuk buiñor bap tuiꞌkaꞌ guch Xoiꞌkam noꞌt bach baidhak yaꞌ dɨr dhi oiꞌñgaꞌn. Daipuꞌ nach jix maat nach saak puiꞌ tuutuꞌm jup jich dhuñiaꞌ na jax jir tuꞌm guiꞌ, nach guꞌ maap bap tuiꞌkaꞌ.


Aañ Juudas nañ jir jaꞌnniꞌñ gu Santiago gio nañ jir tujuandam tugiꞌñ guch Xoiꞌkam, mu tu jam uaꞌñxiꞌñ iñ jiñ jaaduñ jich Xoiꞌkam bhaan mu jaꞌp na pim jax tu oiꞌdhaꞌ na jɨꞌk xi jam joiꞌndat jam aꞌm ba tɨ nɨidhim gu Dios jich Gɨꞌkoraꞌ na pim ba tɨ jɨɨgiꞌñ buiñor guch Xoiꞌkam noꞌ pim siamri mɨjɨ jaꞌp paiꞌx bhaiꞌm ɨlhiiꞌñ.


Ku baꞌ guꞌ gu Dios jich Xoiꞌkam dɨɨlh jam palhbuidhaꞌ ji na pim jax dhui cham gai suulhgiaꞌ tuꞌ na pɨx bhaan, guiꞌ nat jaroiꞌ bha jimɨɨk tuch ñamkix guch uaꞌtulhdharaꞌ. Guiꞌ tu jam uañiꞌñkaꞌ gammɨjɨ noꞌ pim soiꞌm ɨlhiiꞌñ buiñor, na pim baꞌ cham uꞌuaꞌtulhdhix kaꞌ janoꞌ na paiꞌ dhuuk yaꞌ aayaꞌ, baꞌ dai na pim joidham jix bhaiꞌm taattugɨt ba oidhaꞌ bhammɨ jaꞌk jix dhaam.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ