1 KORIINTO KAM 2:3 - Tepehuano Tepehuán del Sureste (Durango)

³ Gampaiꞌ tuiꞌñgɨt jañich ba kɨkbo nañ ba xi chu jam aꞌgidham, ji giꞌbokidhat iñ, nañ guꞌx aaꞌ nañ jix bhaiꞌ jam aaꞌñdhaꞌ na pim jax jaꞌk jix maatɨt jiñ kaayaꞌ.

1 KORIINTO KAM 2:3 ပူးပေါင်းရင်းမြစ်များ

GU NOONBIꞌÑ GUCH XOIꞌKAM 17:1

Baꞌ bhammɨ dɨr mu jaꞌk pu bhɨi mɨt gu Paablo gio gu Siilas na paiꞌ jaiꞌ kap jup jir gɇꞌgɇr kikcham kaꞌ, na puiꞌ tɨ tɨɨꞌ maaꞌn kap Anpiipolis, gu jumai kap baꞌ Apoloonia ɨp. Baꞌ bhaiꞌ jɨꞌ jaꞌp nam xi oipimɨk bhaiꞌ dhɨr mu jaꞌk jup bhɨi mɨt na paiꞌ puiꞌ tɨ tɨɨꞌ Tesaloonika, baꞌ bhaiꞌ maaꞌn kap jup tu daandaꞌ am gu Israel kam jaꞌtkam.

GU NOONBIꞌÑ GUCH XOIꞌKAM 18:1

Baꞌ gatuuk na bhammɨ dɨr xi oilhimɨk gu Paablo na paiꞌr gɇꞌ kiicham Ateenas tɨ tɨɨgim, bhaiꞌ dhɨr gammɨjɨ jaꞌk jup bhɨi na paiꞌ jumaip jir gɇꞌ kiicham kaꞌ na puiꞌ tɨ tɨɨꞌ Koriinto.

GU NOONBIꞌÑ GUCH XOIꞌKAM 18:12

Guꞌ ji na guꞌ janoꞌ na paiꞌ dhuuk jup bar gɇꞌkam kaꞌ gu Galion bɨɨx kap na jɨꞌx bhaan bipioꞌ gu Akaaya dɨbɨɨr, maap xim daagɨk jamɨt gu Israel kam jaꞌtkam ba daa gu Paablo, pu bhɨɨk jamɨt dho guꞌ mu na paiꞌ daakaꞌ gu gɇꞌkam.

GU NOONBIꞌÑ GUCH XOIꞌKAM 18:6

Guꞌ ji na guꞌ guiꞌ ni jɨꞌx kum tɨ jɨɨgiꞌñdhaꞌ, dai na mɨt bhaiꞌ pɨx ji bhaak, gio na jax aaꞌ kum pu tɨtda na jax cham jir am. Baꞌ gu Paablo xixiixkak gu jajannulhiꞌñ na sap baꞌ bhaan jix maatɨꞌ kaꞌ na mɨt cham kɨɨgalh gu puiꞌ na jax tɨi pup tu ja aꞌgidhimɨk, jup ja tɨtda baꞌ: ―Dho guꞌ aapiꞌm dho baꞌ dɨɨlh bar jam kuiñcha kaꞌ na jam tulhiiñchudaꞌ gu Dios, aañ cham tuꞌ kar jiñ kuiñcha kaꞌ, nañ guꞌ aañ ba jam aagiꞌñ. Baꞌ xib dɨr jaꞌp jaꞌk dai gu jaiꞌ jaꞌtkam jañ pɨx ba tu ja aꞌgiꞌñmɨraꞌ nam cham jir Israel kam, na pim guꞌ aapiꞌm cham kaim.

2 KORIINTO KAM 10:1

Aañiꞌ Paablo soiꞌ jam tɨtdat tu jam aꞌgiꞌñ, nañ guꞌ buiñor tɨ jɨɨgiꞌñ guch Xoiꞌkam guiꞌ nax chu joiꞌgɨꞌn, sia ku pim guꞌ puiꞌ kaiꞌch nañ mɨk dɨr jix bhaamut tu jam aꞌgiꞌñdhaꞌ, noꞌñ jam buip tuꞌiiꞌ sap baꞌ xi jam ɨɨbhiꞌñdhaꞌ iñ panaas.

2 KORIINTO KAM 10:10

Jaiꞌ dhɨt saak jup kaiꞌchdhaꞌ pim nañ mɨk dɨr jix bhaamut mu tu jam uaꞌñiꞌñdhaꞌ, nañ jam buip tuiꞌkaꞌ sap baꞌ cham tuꞌ bhaan jax jam tɨtdadaꞌ iñ, daman jañ sap cham pɨk bhaiꞌ maatɨt tu aꞌga.

2 KORIINTO KAM 13:4

sia kut guꞌ gampaiꞌm duu janoꞌ na mɨt paiꞌ dhuuk sissapak mua bhaan gu uꞌuux na gai bɨɨt. Na guꞌ miꞌ dhɨr nat paiꞌ dhuuk gio duadɨk jup bam, tajaañ gu Dios guiꞌ na kɨꞌn bɨɨx aixim jix bhaaiꞌn kaꞌ na pu tu duñiaꞌ. Aach baꞌ puꞌñi gampaiꞌp tuꞌiiꞌ xib, nach guꞌ buiñor tɨ jɨɨgiꞌñ guch Xoiꞌkam, guꞌ ji na guꞌ puiꞌch aꞌm jup tajaañix guiꞌ na kɨꞌn bɨxchuꞌx bhaaiꞌ nach pu tu duñiaꞌ. Miꞌ pim dho baꞌch machiaꞌ noꞌ pim cham miꞌ puiꞌ jiim nach paiꞌ dhuuk bhammɨ dɨr ji bubuakiaꞌ.

2 KORIINTO KAM 13:9

Puiꞌ kuch baꞌx bhaiꞌ pɨx jich chaat kaꞌ sia ku cham bhaiꞌ tuch jim, nach guꞌx maat na pim dhiꞌ kɨꞌn jum guꞌnguxdhai miꞌ puiꞌ xi jiimdaꞌ aapiꞌm. Gammɨjɨch pu jam aꞌmkam tu daandaꞌ na baꞌ gu Dios jam palhbuidhaꞌ na pim jir jix kɨkɨɨꞌ jaꞌtkam kaꞌ, na pim cham tuꞌ uꞌuaꞌtulhdhix kaꞌ.

2 KORIINTO KAM 4:1

Baꞌ aach cham tuꞌ bhaan jich oꞌjolhdhat xi chu aꞌgichuꞌ gu ñioꞌkiꞌñ gu Dios, nat guꞌ guiꞌ pɨx xich joiꞌmdak dhiꞌ bhaan jich chuttu nach bhaankam tu juanaꞌ.

2 KORIINTO KAM 4:16

Cham tuꞌch dho baꞌ bhaan jich oꞌjolhiꞌñ, na guꞌ sia ku ja gɨꞌgɨrtaim dhich chutkuꞌ, jich iiꞌmdaꞌ bhaan jich xixiibkamtaim ich gammɨjɨ nabap tanoolh.

2 KORIINTO KAM 6:4

Bɨɨx na jɨꞌk jax tuch jim, dhiꞌ bhaan jix maatɨꞌ nach sɨlhkam jir tujuandam tugiꞌñ gu Dios, puiꞌ na jax nach bɨɨx aixim tuꞌm kɨꞌn naiꞌch chulhiiñaim, guꞌ ji nach guꞌ aach tu nakgatuꞌ. Yaꞌ bɨɨx aixim tuꞌm jich aꞌm tum aaꞌndaꞌ tɨi, gio bɨɨx aixim jix chu xijai kaꞌ panaas.

2 KORIINTO KAM 7:15

Jix ioꞌm dhiꞌ bhaan jix bhaiꞌm taat gu Tiito na pimɨt sap cham jax ji chɨꞌɨɨk miꞌ puiꞌ jii nat jax jam tɨɨꞌn, tuꞌ kaꞌm tɨɨgɨk japimɨt sap miꞌ puiꞌ jii.

2 KORIINTO KAM 7:5

Janoꞌ dɨr na chich jax bhaiꞌ dhɨr jaꞌp ai na Masedoonia bhaan bipioꞌ gu dɨbɨɨr, janoꞌ dɨr jam naiꞌ pup xich bhaamkiꞌñchuꞌ gu jaꞌtkam, cham paiꞌ dhuuk maaꞌnnim joidham cham jich juan am. Bɨɨx aixim jach baꞌ tɨich palhbuiꞌñchuꞌndaꞌx chotdontugɨt.

EEPESO KAM 6:5

Gio aapiꞌm na pim puiꞌ pɨx jir tujuandam nam cham jam namkiꞌñ, tuꞌ kaꞌm japim ja nɨidhat miꞌ puiꞌ xi chu duñiidhaꞌ jax ñam jam tɨɨdaidhaꞌ guiꞌ nam jir jam gɇꞌgɇrkam tuk yaꞌ dhi oiꞌñgaꞌn bhaan, jix ja ɨɨbhidhat japim miꞌ puiꞌ tu duñiidhaꞌ gu tuꞌ nam jam chiñiidhaꞌ. Gio cham tuꞌ na pim jix oodat parban pu buadaꞌ gu tuꞌ, guꞌ jaꞌpjix bhaiꞌ, panaas ku pim guch Xoiꞌkam pɨx tujuañxiꞌñdhaꞌ.