1 JUAN 3:20 - Tepehuano Tepehuán del Sureste (Durango)

²⁰ Nach guꞌ cham jɨꞌxkat tuꞌ ɨxchuidhaꞌ gu Dios, sia kuch guꞌ jax jich aaꞌ na chi cham maat noꞌch miꞌ paiꞌ maaꞌn kap cham miꞌ puiꞌ jiim na jax jix aaꞌ. Jax gi dhui na guꞌ guiꞌ bɨɨx jix chu maat sia nar tuꞌ, pux bhaiꞌx mat kaꞌ noꞌch jich uaꞌtulhiꞌñ. Tɨi pɨk aa nach guꞌ aach sia dɨɨlh jix mat kaꞌ noꞌch miꞌ paiꞌ cham pu duiñchuꞌ na jax jix aaꞌ, guꞌ gi baꞌ guiꞌ nar gɇꞌkam.

1 JUAN 3:20 ပူးပေါင်းရင်းမြစ်များ

JUAN 21:17

Baꞌ gio puiꞌp ba tɨɨꞌn, bar baikim baꞌ moo, jup tɨtda: ―¿Sɨlhkam aap moox ioꞌm tuꞌ kaꞌm jiñ ñɨidhat xiñ kɨɨgalhiꞌñ Simoon nap jir maraaꞌn gu Jonaas? Baꞌ gu Peegro bhaiꞌx buam jim ɨlh nat baikim ba ji chɨkka gu Jesuus noꞌ sap sɨlhkam tuꞌ kaꞌm nɨiꞌñ. Baꞌx xusuakim gio bhaiꞌp ji ñio, jup tɨtda: ―Dho jɨɨꞌ jiñ jaduuñ nañ jax ba kaiꞌch, nap guꞌx bhaiꞌx maat jia nañ sɨlhkam jup kaiꞌch nañ jax jum tɨtda. Jix bhaiꞌx maat ap nañ cham tuꞌ pɨx jap kaiꞌch. Baꞌp tɨtda gu Jesuus: ―Dhop kañ ñɨiꞌñxiꞌñkaꞌ ap ku gi dhiꞌ nam jɨꞌk ba tɨ jɨɨgiꞌñ jiñ bui nañ jax bam tɨtda, nam baꞌx jɨjɨkgɨm pɨx jup tuiꞌkaꞌ gammɨjɨ.

JUAN 8:9

Guꞌ baꞌ na mɨt kai nat puiꞌ jɨꞌ tɨi gu Jesuus, gampaiꞌ ji dhuu mɨt, nam guꞌx maat nam giilhim jix uꞌuaꞌtulhdhix. Cham jamɨt baꞌ paiꞌ ka tɨkka, dai na mɨt pɨx ji bubuax xɨꞌlhim bɨɨpɨꞌ kat guiꞌ nam jir jagɨꞌgɨr. Bɨɨx jamɨt pu bubua, dɨɨlh dai gook jamɨt miꞌ ji bii gu Jesuus gio gu ubii.

GU NOONBIꞌÑ GUCH XOIꞌKAM 5:33

Baꞌ giilhim jix bhaakut pɨx ja kai mɨt gu gɇꞌgɇrkam, miꞌ dho guꞌ bax ja koodak am gu noonbiꞌñ guch Xoiꞌkam.

ROOMA KAM 8:34

Ni ku cham jɨꞌxkat jaroiꞌ jax tɨꞌyaꞌ nam mu jaꞌk jiim nam paiꞌ gammɨjɨ miꞌ pup jum tulhiiñdhaꞌ. Jax dhui nat guꞌ miꞌ dhɨr bach boosolh guch Xoiꞌkam nat muu jich aꞌmkam, gioch aꞌmkam duadɨk bam ɨp. Xib sonpan daa gu Dios kɨɨꞌn dɨr jaꞌk, baꞌ bhaiꞌ dhɨr soiꞌ tɨtdatuꞌ xib jich aꞌmkam.

1 KORIINTO KAM 4:4

Tɨi cham paiꞌx buam tu bua iñ panaas na ñich dɨr tɨ jɨɨꞌñ buiñor guch Xoiꞌkam, ku guꞌ cham tuꞌ ji nañ jaꞌp kaiꞌñkam jup kaiꞌch nañ moox bhaiꞌ miꞌ puiꞌ jim na jax jix aaꞌ gu Dios, guꞌ jaꞌpji dɨɨlh gu Dios na pu tɨꞌyaꞌ noꞌ ñich miꞌ puiꞌ jii piam ku guꞌ cham.

TIITO 3:11

Na guꞌ noꞌ cham jɨꞌx jum kɇkɇɇ nap jax tɨi tɨtdadaꞌ, dhiꞌ bhaan jix mat kaꞌ ap na cham jɨꞌxkat miꞌ puiꞌ ka jimiaꞌ na jax jir sɨlhkam, dɨɨlh baꞌ gu uaꞌtulhdhargaꞌn tulhiiñchudaꞌ.

ISRAEL KAM 4:13

Cham jɨꞌxkat tuꞌ ɨxchoidhaꞌ ich gu Dios, sia kuch puiꞌch aaꞌ na chi cham maat nach tuꞌ jax bua. Jax gi dhui na guꞌ guiꞌ bɨɨx tɨ nɨidhat jup tuꞌiiꞌ nat jɨꞌk tuꞌp tu duu. Kagɨt na guꞌ ka ja aagiꞌñdhaꞌ bɨɨx gu jaꞌtkam nam tuꞌ jax buimɨk nam duduakat ja tutkuꞌ bhaan noꞌt ba tum kuugalh yaꞌ dhi oiꞌñgaꞌn, na guꞌ kaiꞌñkam bɨɨx jix bhaiꞌx mat kaꞌ nam tuꞌ jax buadaꞌ.

ISRAEL KAM 6:13

Janoꞌ nat tu daax gu Dios gu Abraam na saak muiꞌ bopxichudaꞌ, dɨɨlh xi chum daaxdhak na puiꞌ tu duñiaꞌ, na guꞌ cham tuꞌ jumaip jix jaiꞌch kaꞌ gux ioꞌm gɇꞌkam na jaiꞌp jix mat kaꞌ na puiꞌ tu duñiaꞌ.

1 JUAN 3:19

Dhiꞌ pɨx noꞌch puꞌñi jaꞌk xi dhuiñchuꞌ bhaan bax maatɨꞌ kaꞌ nach tuꞌ sɨlhkam bax maat na jax jaꞌk jum aaꞌ nach tuiꞌñgɨdaꞌ noꞌch puiꞌ ba tɨ jɨɨgiꞌñ buiñor guch Xoiꞌkam, baꞌ puiꞌ ba ɨlhiiꞌñdhaꞌ ich nach aꞌm tɨ nɨidhidhaꞌ gu Dios.

1 JUAN 3:21

Baꞌ aapiꞌm jiñ jaaduñ jich Xoiꞌkam bhaan, xim gaꞌngadaꞌ pim jam jujur am bhaan noꞌ pim moo miꞌ puiꞌp duiñchuꞌ na jax pɨk jaꞌk moox aaꞌ gu Dios, piam ku guꞌ cham. Baꞌ noꞌ pim guꞌ moo panaas miꞌ puiꞌ bhɨichuꞌ na jax jix aaꞌ na pim muiꞌ xim gaꞌnga, dho guꞌ dai dho baꞌ na pim joidham pɨx jix bhaiꞌm taat kaꞌ buiñor, na pim guꞌ bhaan bax mat kaꞌ na jam aꞌm tɨ nɨidhim guiꞌ.

1 JUAN 4:4

Ku guꞌ aapiꞌm jiñ jaaduñ, cham jɨꞌxdhaꞌ jam iatgidhaꞌm ji dhiꞌ pu chuꞌm gu jaꞌtkam sia kum tɨi ɨlhiiꞌñdhaꞌ gɨt, na guꞌ aapiꞌm jam aꞌm tɨ nɨidhidhat jam nuukdaim gu Dios, na pim guꞌ bɨɨx jam jujur kɨꞌn ba tɨ jɨɨgiꞌñ buiñor. Gio na guꞌx ioꞌm jir gɇꞌkam guiꞌ na jam buip tuiꞌdhiꞌ aapiꞌm, cham tuꞌ puiꞌ na jax guiꞌ na ja buip tuiꞌdhiꞌ guiꞌ nam puꞌñix bhaamut aꞌgidhaꞌ guch Xoiꞌkam.

NAT JAX TƗ TƗƗ GU JUAN 2:23

nam baꞌ dhiꞌ bhaan jix chotdon kaꞌ bɨɨx nam jɨꞌk jiñ bui tɨ jɨɨgiꞌñ nam muiꞌ kap jum jumpadat tu daan, na guꞌ puꞌñi jaꞌk jup tu ja jimiaꞌ noꞌm jaiꞌ puiꞌ jaꞌk jup tu jim. Gio nam baꞌx mat kaꞌ nañ aañ bɨɨx jix mat kaꞌ nam jɨꞌk jax jum aaꞌndaꞌ gu jaꞌtkam, gam nam jax tu buadaꞌ, gio nam tuꞌ jax jix dhuñiik kaꞌ. Baꞌ bhaan jup ba machiaꞌ am ɨp nañ aañ tu maak na jax jaꞌk ja aꞌm bipioꞌdaꞌ guiꞌ nam puꞌñi tuꞌ pɨx ɨlhdhat cham tuꞌ kaꞌm nɨiꞌñdhaꞌ gu Dios.