Rommi 9:32 - Sümi Tiqhelimi Bible

³² Kushiye tishimoni kea? Kughengu panongu no aküpülü vechewo phumo no akümlàqo vechewo shilu kepu toi phu ke. Panongu ye küpüsülu chekeu tu shou püsüpukulu ke.

BAIBEL (BSI)

³² Kushiye tishive kya? Kughengu panonguno akupulu vechewo hamo puzu akumlaqo shou pukhube kehue. Panonguye pusupuku kepu tu shou pusu pukulu,

Sumi Naga CL (Re-edited) Bible (BSI)

³² Kushiye kea? Kughengu panongu no aküpülü vecheo phumono akümla shou pükhübe kehue. Panongu ye apukhu küpsüpu tuqu lono küpxave,

Rommi 9:32 ပူးပေါင်းရင်းမြစ်များ

MATTHEW 13:57

Ike panongu ye pa ikhilumoe. Ikemu Jisü no panoqo vilo pi, “Tungkupumi lakhi ye pa likhi pa punugha eno pa likhi pa kibo lo thono aqha kütau lo ye agigihu tsü chenie.”

Luke 2:34

Tisheno Simeon no panongu kümgha tsü eno pazá Mary vilo pi: “Julo, anu hipau ye Israel lo timi kutomo sünhepuku eno sünheqhi nani ke, eno pa ye amichipu shi anamu kutomo no pa tsa lachile nani,

Luke 7:23

Khukhumu I ju pesü lipimo kemi kümghae.”

Rommi 10:3

Panongu no Alhou chipiumikucho mtha no pano likhi pano ghola lono achipiu shini keu phu ke ghenguno panongu ye Alhou chipiumikucho lau ikhiphe pesü tsümo ke.

Rommi 11:11

Itaghi I no iniju: Israelmiqo ye athoputho müla kepu shi veqhive keshea? Khilemu tishimoe! Ikemu panonguw hekibide ghenguno Israel pelo anheshu peniye xakulu ye Jewkumomiqo lau ighivae.

Rommi 4:16

Tighenguno, Alhou’w pikiqhi ye aküpülü vechewo ighi cheni, tishianguno pikiqhi ye küpükini vechewo Abraham nuli-kughukoqo kümtsü lau mütsümishei shilu peniye ke—tiye ayeza papelu chekemiqo lau likhi kumo, ikemu Abraham küpülü toi aküpülü aghí kemiqo lau ghí ke. Abraham ye ningu kümtsü papù ke.

1 Kor. 1:23

Ike kughou ningu no yeda pìthíve keu Khristo ghili kütsüni keno, tiye Jewmiqo ghenguno apukhu küpsüpu shive cheni eno Jewkumomiqo ghenguno nikhanigha shive cheni.

1 Peter 2:6

Kughengu Kuchoyesü lo ishi pipüani: “Julo, I no Zion lo atu lakhi qhi ani, tiye kisheluve keu eno akughupu boqha-tu lakhi ke, eno timi khuu no pa shou pükhübeni keno pa ye khilemu kujove pemo nani.”

1 Peter 2:8

eno, “Atu khipau no timiqo pelo püsüpukulu pe cheni eno atuqu khipau no panoqo pelo veqhive pe cheni keno.” Panongu no akükütsütsa gholumo ke ghenguno panongu ye küpüxa cheni eno panongu ye hitoi shipe nikeu shi kughuchho pe qhive ke.