Rommi 9:22 - Sümi Tiqhelimi Bible

²² Tihutoi, Alhou ye pa loghu eno pa küká pephe-piye kulupu chipiu aghí pinamu, pa ye pa loghu ikughi niye shi akemiqo shou shishe kutuuve cheni. Timi tipaqo ye kütsaleve nikeu shi kughupe qhive kemiqo ke.

BAIBEL (BSI)

²² Tihutoi, Alhou no pa loghu pephepiye nishi kehu eno pa kuka kumto ithipeniye ali khipaqo shou pa loghu pepheno kutsaveniye kutopuani keno tipaqo lau kutuo kutuu ghi kheakulu shi cheni.

Sumi Naga CL (Re-edited) Bible (BSI)

²² Tsala Alhou no Pa loghu eno Pa küka ithi peniye kütsaveni keu shi kuto püakeu, aloghu liqo, lau alaushi ado kushuo kheakulu eno kutuukulu shipüaghi aye kiu pini kea?

Rommi 9:22 ပူးပေါင်းရင်းမြစ်များ

Rommi 1:18

Alhou loghu ye atsütsǘ lono alhou kümthami eno küsakügha kümlà shi chekemiqo shou pephe-piyevae. Timi tipaqo ye panonguw küsakügha pesü kuchou ghasü cheni ke.

Rommi 9:17

Kughengu, Kuchoyesü lo Alhou no Pharaoh vilo ishi pike, “I no hipau kimiji ghenguno O süqhe ke, tishianguno O vechewo I küká pephe-piye niye ke eno I je pesü ayeghiqha kümtsü lo asheshu peniye ke.”

Rommi 9:20

Ikemu no ye khuu keno, timi lakhi keno kuu, Alhou ghechile nani kea? “Lhoqhipüa keu ye lhokipheu vilo, ‘No ye kushiye ishi ni lhophe kea?’ ipilu nani keshea?”

Rommi 9:21

Ayeghi lì kümlàu ye ayeghi mqo lakhi lono alì khami no akimchi vehu ghenguno eno khami no inapügha peitha nikeu kimiji ghenguno mülàphelu kepu chipiu küha keshea?

1 Thes. 2:16

Jewmiqo ye ningu no Jewkumomiqo vilo atsakiviu pikülha no xakulupu shini keu lo ningu lakha acheni. Hitoi keu ghola lono panongu ye alhokuthu akumou lono panongu xiné pekütsü acheni ke. Ikemu ashekha lo Alhou loghu no panongu shou ikughivae.

1 Thes. 5:9

Kughengu Alhou ye ningu pelo pa loghukighide ithulu peniye kishelumoe ikemu ningu Mpeu Jisü Khristo vechewo ningu pelo xakulu ithulu peniye ke.

2 Tim. 2:20

Aki kijè lakhi lo ye ameshoyi ngò ghükayi nhemügha likhi anike kumoe, ikemu asǜ ngò aghani pesü mülà keu ghí ani; khami no paküta keu kimiji ghenguno eno khami no inapügha peitha nikeu ghenguno ke.

1 Peter 2:8

eno, “Atu khipau no timiqo pelo püsüpukulu pe cheni eno atuqu khipau no panoqo pelo veqhive pe cheni keno.” Panongu no akükütsütsa gholumo ke ghenguno panongu ye küpüxa cheni eno panongu ye hitoi shipe nikeu shi kughuchho pe qhive ke.

1 Peter 3:20

tiye khaghi Noah ghuloki lo ashuka mülà akelo Alhou no kutuukulu shi khe akelo agholumove kemiqo ke. Ashuka tipau lo timi aghulo, aqó lo pano tache, likhi azü lono xalu ke,

2 Peter 2:3

Kükütsümi hipaqo no panongu lakimine ghenguno alaphasü keu xüghiliqo pesü nongu peithaqhi nani. Panongu kiléqhive keu ye püzüu no panongu shou pufu pe ani, eno panongu kütsakungo kepu shi akeu ye zü anike kumoe.

2 Peter 2:9

tsalá ishi aghí aye, Ampeu ye kíshi no peju keu lono alhou sükümsami xalu nani keno ithi ani eno kíshi no küghakütha tsalà lo amikucho kumomi ghimeqhi nani keno ithi ani.

2 Peter 3:15

Ningu no kimiye chekeu athiküzüu Paul no Alhou no alokütsü pa tsü keu vechewo nongu lau yè keu toi, ningu Mpeu’w kheakulu kiqi ghí xakulu kepi amlo lo qhilo.

Jude 1:4

Kughengu püzüu timi khami kiléqhive keu ghili yèpüa keu ye nongu dolo tuqhou no küzü-kugho shi iloghivae. Panongu ye alhou kümthamiqo ke, panongu ye xüküpsa kümlà shini keu ghenguno ashepe pesü ningu Lhou’w küpükini lakha cheni ke eno ninguw Akughushuu eno Ampeu lakhi likhi akeu Jisü Khristo mili acheni ke.