Rommi 9:20 - Sümi Tiqhelimi Bible

²⁰ Ikemu no ye khuu keno, timi lakhi keno kuu, Alhou ghechile nani kea? “Lhoqhipüa keu ye lhokipheu vilo, ‘No ye kushiye ishi ni lhophe kea?’ ipilu nani keshea?”

BAIBEL (BSI)

²⁰ Ikemu no khuu keno, timi lakhi kenoku-u Alhou ghechile ani kya? Ayeghino shikeu li lakhiye ti koghekughu shiphekeu vilo, “Noye kushiye hitoi ikughuphe kya?” ipi iniju chemoe.

Sumi Naga CL (Re-edited) Bible (BSI)

²⁰ Ikemu o timio, no ye khuue pi Alhou ghechile luni kea? Ayeghi li lakhi ye tipa kiyiqiu vilo, “No ye kushiye hitoi I kughuphe kea?” ipilu nanio?

Rommi 9:20 ပူးပေါင်းရင်းမြစ်များ

MATTHEW 20:15

I likhi iw pisa pesü I no kiu shinishi ani keno shini ke I chipiu küha keshea? Ikeo, I no tsükini shi akeu ghenguno O nheshuve kea?’

Luke 12:14

Jisü no khochile, “O timio, khuu no I pelo nokujo dolo küghaküthau momu aküpüna xaküthau shipe nike süküsü shi kea?”

Rommi 14:4

No ye khuu keno kütami qemi shou küghathabeni kea? Aqemiqo ye amikucho keo amikucho kumo keno panongu mpeu likhi no xatha nani ke. Eno panongu ye amikucho shi nani, kughengu Ampeu no panoqo pelo amikuchou shilu pe nani.

Rommi 2:1

Tighenguno nongu khunoqo no kütami shou küghathabe cheni keno nongu ye ajekukivi kiumu kühae, kughengu nongu no kiu-kiu kiqi ghenguno kütami shou küghathabe aghí namu, tiye nongu likhi nongu kiléqhive ani, kughengu khuno no kütami shou küghathabe cheni keno pano ghí kütami toi küsakügha kümlà shi cheni ke.

Rommi 2:3

Tishiaye O nongu timiqo! Nongu küsakügha kümlà shi chekemi thotsü küsakügha kümlà shi chekemi kütami shou küghathabe cheni aye, nongu ye Alhou’w küghakütha lono pokajoluve nani küghashi kümsü ani keshea?

Rommi 9:21

Ayeghi lì kümlàu ye ayeghi mqo lakhi lono alì khami no akimchi vehu ghenguno eno khami no inapügha peitha nikeu kimiji ghenguno mülàphelu kepu chipiu küha keshea?

Rommi 9:22

Tihutoi, Alhou ye pa loghu eno pa küká pephe-piye kulupu chipiu aghí pinamu, pa ye pa loghu ikughi niye shi akemiqo shou shishe kutuuve cheni. Timi tipaqo ye kütsaleve nikeu shi kughupe qhive kemiqo ke.

1 Kor. 1:20

Alokütsüu ye khile ani kea? Ayeza kükütsüu ye khile ani kea? Hipau tiqheliw phukuthomiqo ye khile ani kea? Alhou no ayeghilomi lokütsü pesü nikhanigha shive tsüke kumo keshea?

1 Kor. 7:16

Nono küpülümi anipu lakhi shi aghí aye, no ye kíshi no O kimi ye xalu nani keo xamla nani keno ithi nani kea? Momu nono küpülümi akimi lakhi shi aghí aye, no ye kíshi no O nipu ye xalu nani keo xamla nani keno ithi nani kea?

1 Tim. 6:5

eno tamo no akükümsü lhoküsami eno kuchou kühave keqo dolo kighe kilé keu süghi cheni. Eno Alhou sümsaluve aye kinikülü shive cheni ipi panongu no kümsü cheni.

2 Tim. 2:20

Aki kijè lakhi lo ye ameshoyi ngò ghükayi nhemügha likhi anike kumoe, ikemu asǜ ngò aghani pesü mülà keu ghí ani; khami no paküta keu kimiji ghenguno eno khami no inapügha peitha nikeu ghenguno ke.

Titus 2:9

Aqüaxemiqo pelo thowkha kümtsü lo panongu mpemiqo qholo aghokulu shi ngo pe nikeu shikalo, ampemi pulou shini keu pükapütsa pelo eno ampemi ghechile pemo nikeu shikalo,

James 2:20

O nikhanigha timio, no ye akümlà sümo keu küpülü ye avehu küha ipikeu thopitsa avehupu shi ani keshea?