Rommi 9:1 - Sümi Tiqhelimi Bible

¹ Ni ye Khristo lono kuchou tsa piani. Ni ye mikí amoe. I no kuchou tsa piakeu ye Aghungu Kimthe vechewo I lolo kighithi no ithitoilu ani.

BAIBEL (BSI)

¹ Niye Khristo lono kuchou tsa pi ani. Ilolo kivikusa lokutsulo Aghungu Kimthe no ishepe shi

Sumi Naga CL (Re-edited) Bible (BSI)

¹ Ni ye Khristo laumi shino kuchou tsa pi ani—I lolo I pütsa chekeu huno Aghungu Kimthe vecheo I shepe shi anike ni ye miki amoe—

Rommi 9:1 ပူးပေါင်းရင်းမြစ်များ

Rommi 1:9

Alhou khuu I mlo tsüqhiyi I no qe acheni eno pa Nu tsakiviu kütsü acheni keno, pa no I no kíshi tamo no alhokuthu I kighini lo nongu kümsü acheni keno tipauw thopi ke;

Rommi 2:15

Panongu ye panongu mlo lo ayeza no avehupu shi akeqo yèpe qhipüa keu pìye cheni, panongu lolo kighithiqo ghí thopi shi cheni, eno khani lo ye panongu kükümsü no akipimí panoqo tsü cheni eno ado kütau lo ye pano süsho keu ghí shi cheni.)

Rommi 8:16

Aghungu ampiu no ningu ghungu gholo küqha no ningu ye Alhou nuliqo kepi thopi shitsü cheni.

Rommi 9:2

I lolo shishe amloküsa eno ashekha küha keu mloghuju ani.

2 Kor. 1:12

Ningu kijuvilei chekeu ye hike: Ningu no ayeghi hipau lo xü chekeu, eno akhotoshi nongu sasü akimthe eno Alhou lau no amikucho shi kütshükime keu ye ningu lolo kighithi no ashepe shitsü ani. Ningu ye ayeghi lokütsü shou pükhümoe ikemu Alhou’w küpükini shou pükhübe ke.

2 Kor. 1:23

I no Korinth lo ideghimo keu ye nongu loshipüsü tsümo niye ke eno Alhou no tipauw thopi ke. I no kuchou tsa pi aghimo aye Alhou no I ghime peniu.

2 Kor. 11:10

Khristo’w kuchou I lolo mütsümishei ake toi Achaia bocho lo timi khumu I no agijivilei akeu hipau lakhave pemo nani.

2 Kor. 11:31

Alhokupuju lo sheqhe küzüpu Ampeu Jisü Lhou eno Papù no ithi anike, ni ye mikí amoe.

2 Kor. 12:19

Nongu ye ado hito-tohi nongu lau no nilikhi ningu süsho ani küghashi kümsü ani keshea? Khristo gholo ache kemi toi ningu ye Alhou zülo no pi acheni; ikehu kimiye chekemi shompamiqo! Ningu no mülà keu kümtsü nongu shikumto pe nikeu ghenguno ke.

Galatiami 1:20

I no nongu lau kiu yè ani keno tiye akimiki kumo kepi I no Alhou zülo no nongu lau piqhi ani.

FILIPIAMI 1:8

I no Khristo Jisü’w ivüilai keu lono kíshi nongu kümtsü kümsü acheni keno Alhou no thopi shi tsülu nani.

1 Thes. 2:5

Nongu no ithi akeu toi ningu ye khilemu timi müqüqhi chemo, tilikhi kumo no ningu ye ni lakimine ghenguno müqümgha shichemoe. Tiye Alhou no ninguw thopi ke.

1 Tim. 1:5

Azakütsü hipau kimiji ye kikimiye ke, kikimiye hipau ye akimthe mlo, alolo kighithi kivi eno amikucho küpülü vechewo ighi cheni.

1 Tim. 2:7

Ni ye Jewkumomiqo lau kuchou eno pükhübekulu kütsü pe nikeu kimiji ghenguno kütüghükütsüu eno apostol lakhi shi süküsü shike—ni ye kuchou tsa pi anike thono mikí amoe—eno ni ye Jewkumomiqow kuchou eno pükhübekulu kükütsüu lakhi ke.

1 Tim. 5:21

Alhou, Khristo Jisü eno kungumi kishè kipheqo zülo no agikuju shimo no shikakütsü hipaqo pape pe nikeu, eno agikuju lono kiumu shipemo nike I no O pichetsü ani.