Rommi 8:3 - Sümi Tiqhelimi Bible

³ Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

BAIBEL (BSI)

³ Timi lhoaye no tomo chhimo keghenguno Ayezah no shimlano achekeu hu, Alhou no shivetsuae. Axine shipuhavenike ghenguno Alhou no paNu kuchou, timi xine lhoaye kimihi lono pa puwu puzu timi lhoaye gholono axine kilevetsu.

Sumi Naga CL (Re-edited) Bible (BSI)

³ Ashi lhoaye no shikimqepe Ayezah no kiu shimlave keno Alhou no shive tsüae. Axine shipühave tsüniye Pa Nu kuchou pesü axine phimpi kimihi shi puwu keu vecheo Pa no timi lhoaye lo axine jeli kileve tsü,

Rommi 8:3 ပူးပေါင်းရင်းမြစ်များ

Mark 15:27

Panongu no hekibidemi kini pa gholo yeda pe qhie, tiye lakhi no pa u ajeu eno lakhi no pa u piyiu.

John 1:14

Atsa hu no ashi shive eno ningu gholo xüke. Ningu no pa juküvü ithuluvae, ajuküvü tiye Anu lakhi likhi akeu ke, Anu ye küpükini ngò kuchou no chhitoi shi püzü Apù lau no ighike.

John 9:24

Panongu no ghuthu akiniù anhethi iche no achekeu hu kusü püzü pa vilo ishi pi, “Amikucho tsa pikeu vechewo Alhou juküvü shitsülo. Ningu no ithi akeu no timi hipau ye axinemi ke.”

Apostolmi 13:39

Moses yeza lo nongu no achipikamla no achekeu, khukhumu pa pülü keu vechewo axiné jeli kümtsü lono khaqhikiphe ithulue.

Rommi 3:20

Tighenguno ayeza lo shikupulu keu vechewo timi khumu Alhou zülo achipiu kepi shuphelu chemoe; tike kumo no ningu ye ayeza vechewo ningu xiné kümsülu chenie.

Rommi 6:6

Kughengu ningu no ithi akeu no ningu küxü aqau ye pa gholo yedaküqhavae, tishianguno axiné no qhasü pe achekeu phimpi hu ye shipühave peniye ke, eno ningu ye axiné qüaxe shipemove niye ke—

Rommi 7:18

Kughengu I no ithi akeu no I lolo I xiné lhoaye lo pa kutoshi no akivi achemoe. Kughengu ni ye kiu no akivi keno tipau shinishiqhiyi acheni, ikemu ni ye tipau shilu chemoe.

Rommi 8:32

Alhou ye pa likhi pa Nu ghí msá pe qhivemo no ningu kümtsü ghenguno ikhiphe pesü tsüve ke, pa ye kíshi no thime kütau ghí kümtsü puloniqhiyi ningu tsümoni kea?

Rommi 9:3

Shikulupu shi aghí ke aye I likhi niu no ni shiaye eno niw timi Israelmiqo ghenguno Alhou ngusü shive no Khristo lau no küghüxave nishi cheni.

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Galatiami 3:13

Khristo no ningu züqhu shi angsü puluve keu vechewo pa no ayeza ngusü lono ningu xachilelu ke, kughengu ishi yèpüani: “Timi khuu no kros lono tshüqhi thiveni keno pa ye müsüinivae.”

Galatiami 3:21

Tighenguno, ayeza ye Alhou’w pikiqhiqo lakichile keshea? Khilemu tishimoe! Kughengu aküxü tsükulupu ghenguno ayeza tsüpüaghi ke aye, achipiumikucho ye mütsüqhei no ayeza vechewo ighini cheke.

FILIPIAMI 2:7

tishini ke züqhulo, pa likhi pa pesü kiumu kumo keu shive eno aqemi lakhi lhoaye pepuve, ningu toi timi lakhi shi pa punú.

IBRIMI 10:12

Ikemu kughou achineu hipau no alhokupuju ghenguno axinéqo ghakishi lakhi pe Alhou mülá keno, pa ye Alhou u ajeu küdau iqave ke,

IBRIMI 10:14

Kughengu pa ye aghakishi lakhi vechewo khunoqo pe akimthe shivea keno panongu ghenguno alhokupuju ghenguno kupukülaive tsüke.

IBRIMI 2:14

Anuliqo ye ashi eno ajì pù anike ghenguno pa ghí panonguw timi shi-aji gholo küsaje ke, tishi keu lono pa kithí vechewo timi khuu no akithí küká pesü ani keno pa küká kubove tsü niye ke—tiye tüghami hu ke—

IBRIMI 2:17

Hi ghenguno Jisü ye panongu toi shi moayesave eno thowkha jeli kümtsü lono timi hutoi moayesave ke, tishianguno pa ye Alhou qe akeu lo kimiyeqhiyi keu eno pükhükuluu achinetomiqo shou atou shilu peniye ke. Tisheno pa vechewo timi xinéqo ghenguno aghakishi shipe niye ke.

IBRIMI 4:15

Kughengu ninguw achinetomiqo shou atou ye ninguw miqemilei keqo vethalu tsü cheni, kughengu ningu ghuju ketoi alaghi kümtsü lono pa ghí ghuju ke, tishi namu pa ye axiné shimoe.

1 Peter 2:24

Khristo ampi no kros lono “Pa phimpi no ningu xinéqo puluve tsüke,” tishi keu vechewo ningu pelo axiné lo ye thive no achipiumikucho ghenguno xüpe niye ke; “Pa zakuqo vechewo nongu ye shipivi luvae.”