Rommi 8:10 - Sümi Tiqhelimi Bible

¹⁰ Axiné ghenguno nongu phimpi ye thive kepu shi aghí namu Khristo no nongu lolo aghí aye Aghungu no aküxü nongu tsü nani. Nongu no Alhou zülo achipikaluve keu ghenguno Aghungu no aküxü nongu tsüke.

BAIBEL (BSI)

¹⁰ Ikemu Khristo no nongu lolo ani aye, axine ghenguno nongu phimpiye thi aghiepinamu Aghungu ye nongu ghenguno akuxupu, kughengu nonguye Alhou lau achipikape qhivae.

Sumi Naga CL (Re-edited) Bible (BSI)

¹⁰ Ikemu Khristo no nongu lolo aghi aye, axine ghenguno ashi phimpi ye thive kepu shimu, nongu no achipikaluve keu vecheo Aghungu no aküxüpu tsü nani.

Rommi 8:10 ပူးပေါင်းရင်းမြစ်များ

John 14:23

Jisü no khochile, “I kimiye chekemiqo ye I kükütsü ikhilu nani. I pù no panoqo kimiye nani, eno I pù ikujo no panongu lau ighino panoqo gholo ngo nani.

John 15:5

“Ni ye atsaibo eno nongu ye alokaqo ke. Nongu no I gholo kimepe aye eno I no nongu gholo aye, nongu ye axathi kutomo pithí nani; I sümo kelo nongu ye kiumu shimlae.

John 17:23

I no panongu lolo ani eno nono I lolo ani—tishi keu vechewo panoqo pelo qhoi küqhakulu shilu peniye ke. Tishianguno ayeghilomi ye nono I puwu eno nono I kimiye ketoi panongu kimiye kepi ithi nani.

John 4:14

ikemu khukhumu I no tsü keu zü ye kemi ye tüghüthi kithemo nani. I no azü panongu tsü keu hu no panongu lolo lhokta küxü zü qò ipeghi anani.”

John 6:54

Khukhumu I shi chu eno I jì ye keu ye lhokta küxü anani eno I no ashekha tsalà lo panongu xüputhu nani.

John 6:56

Khukhumu I shi chu eno I jì ye keu ye I gholo kimepe ani eno I no panongu lolo ani.

Rommi 5:12

Ikehu, timi lakhi vechewo ayeghi lo axiné iloghive eno axiné vechewo akithí ighike toi, hipau ghola lono akithí no timi kümtsü lau ighive, kughengu timi kümtsü axiné shive ke.

Rommi 5:21

tishianguno axiné no akithí vechewo ka keu toi, ningu Mpeu Jisü Khristo vechewo lhokta küxü süghi nike ghenguno Alhou’w küpükini pelo achipiumikucho vechewo kalu peniye ke.

Rommi 8:11

Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

1 Kor. 15:45

Ike ishi yèpüani: “Timi atüghiu Adam ye aküxü küami lakhi shi lhophe ke”; ikemu Adam ashekhau, tiye Khristo ke, ye aküxü-kütsüu ghungu shive ke.

2 Kor. 13:5

Nongu ye nongu küpülü mutupe ani keo mokeno nongu likhi nongu phukideküdai ju moayesa ke. Jisü Khristo ye nongu lolo ani ipi nongu ye mtha keshea? Nongu no pekuju lo tomlave ke kumo aye Khristo Jisü ye nongu lolo anike.

2 Kor. 4:11

Kughengu ningu khunoqo aküxü ani keno alhokuthu lo Jisü je ghenguno akithipu lo ikhiphe pe tsüve acheni, tishi keu vechewo ningu thiveniküau phimpi lono pa küxü ghí pephe-piye lupe niye ke.

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Ephesiami 3:17

tishi keu lono aküpülü vechewo Khristo pelo nongu mlo lo pa kungo-a shilu peniye ke. Eno I no inikhu akeu ye nongu pelo kikimiye lo aboqha shiluve eno akuhu qüsüluve peniye ke,

FILIPIAMI 1:23

Ni ye hiküma dolo tsakibi pe anie: Ni ye aküxü hipau qhive no Khristo gholo auve nishi anie, tipau pavi kuchou ke;

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.

Kolosiami 1:27

Kughengu Alhou no timiqo pelo tuqhou hipau juküvüw küakini Jewkumomiqo ghenguno ghí ani kepi ithi peniye nongu kishelu ke. Eno Alhou’w tuqhou ye hipau ke: tiye, nongu lolo Khristo akeu, ajuküvü lajupu hu ke.

1 Thes. 4:16

Kughengu Ampeu ampi no ighamuku azah tsü ghi, kungumi atou sütsa eno Alhou ku akeu fuko küigha ghi kungugha lono ikighi nani eno Khristo pülü che no thive kemi paghi xüputhu nani.

IBRIMI 12:23

nongu ye amsüu khunoqo je kungugha lo yèpe qhivea keno tipaqo kukuho lo ighi ani. Nongu ye kümtsü shou küghaküthau, amikuchomiqo pelo kupukülailu pe chekeu aghungu eno Alhou lau ighivae,

IBRIMI 9:27

Timiqo ye ghuthu lakhi thive nikeu kughuchope qhive keu toi, eno tithiu ye küghakütha sholu niye akeu toi,

Piyeküsü 14:13

Tile no kungugha lono asütsa lakhi no ishi pikeu I no chilu, “Hipau yè lo: Hinguno hilau ye khunoqo no Ampeu lono thiveni keno panoqo kümghae.” “Iyei, panongu ye panongu kümlà lono akulhoqhinia ke, kughengu panongu kümlà kivi no panongu pape nani ke,” ipi Aghungu no pi.