Rommi 7:23 - Sümi Tiqhelimi Bible

²³ ikemu I lolo ayeza kütau ghí mülà akeu I no ithulu ani. Hipau no I lolo I kükümsü yeza sasü kichighi acheni eno hipau vechewo ni ye axiné yezaw akughumi lakhi shi acheni.

BAIBEL (BSI)

²³ ikemu ayeh kutau lakhi iphimpilo akeu huno imlo alouno pulotsu akeu yezah sasu kichighi acheni. Ayezah tipauno ikughape iphimpilo axine yezah achekeu kughu shichenipe.

Sumi Naga CL (Re-edited) Bible (BSI)

²³ ikemu I phiau lou ye aye lakhiu no I mlo alou akeu Yezah sasü kichighi acheni, eno I phiau lo axine yezah akeu lau I küghape akughu shive cheni.

Rommi 7:23 ပူးပေါင်းရင်းမြစ်များ

Rommi 6:13

Nongu phi-au lakhimu pesü küsaküghaw küghaküsü shi ghi axiné lau ikhiphe tsü kevilo, ikemu tishini ke züqhulo akithí lono aküxü shive kemiqo toi O likhi O küxü pesü Alhou lau ikhiphe pe tsülo; eno O phi-au eno O mlo kükümsü kümtsü pesü achipiumikucho küghaküsü lakhi toi ikhiphe pe pa tsülo.

Rommi 6:19

Timi lhoaye lo tomo-chhimo keu achekeu nongu gholo akeu ghenguno ni ye tsalakipe küxüw kiche-kipiye peitha ani. Nongu no nongu likhi nongu pesü mithekumo ngò küsakügha qüaxe shi ikhiphe pe tsü cheke toi, itehi ye nongu likhi nongu pesü achipiumikucho qüaxemi shi ikhiphe pe tsülo eno tishi keu vechewo akimthe küxü lo xülo.

Rommi 7:14

Ningu no ithi akeu no ayeza ye Alhou lau no ke; ikemu ni ye ashilomi eno aqüaxemi shi axiné lau jesüve kemi ke.

Rommi 7:21

Ike ayeza no hitoi mülà akeu I no phulue: I no akivi shinishi aghí namu küsakügha shini keu kisheluve aghíe.

Rommi 7:25

Jisü Khristo ningu Mpeu vechewo I xalu keu Lhou shikimthi! Tishiaye, I kükümsü lo I likhi ni ye Alhou yeza qüaxemi lakhi kepi kümsülu ani, ikemu I xiné lhoaye lo ni ye axiné yeza qüaxemi lakhi ke.

Rommi 7:5

Kughengu ningu no kughou ashi kükaqha qholo ache keno, ayeza vechewo minemighei keu xiné hakutho keu no ningu lolo mülà acheke, ikehu ningu ye akithipu xathi pithí acheke.

Rommi 8:2

kughengu Khristo Jisü vechewo Aghungu yeza khikhi aküxü tsü cheni keno tipau vechewo axiné eno akithí yeza lono nongu kuqhophevae.

Galatiami 5:17

Kughengu timi lhoaye no mine keu ye Alhou Ghungu no shipe nishi keu lau no bidelau ke, eno Alhou Ghungu no shipe nishi keqo ye timi lhoaye no mine keu lau no bidelau ke. Küma ye lakhi no lakhi sasü kichighi acheni ke, tishi keu vechewo nongu pelo nongu no kiu shinishi ani keno tipau shilupemo niye ke.

IBRIMI 12:4

Nongu no axiné sasü kumjo akeu lo, nongu ye itehi kutólo nongu jì pele ghi axiné mujochile keu kutólo shi mphie.

James 3:2

Ningu kümtsü alaghi jeli kutomo lo shipimive cheni. Timi khuno no pano no pikeu lo khilemu shipimi chemo keno pano ye kupukülai kemi ke, pano phimpi kuchopu ghasülü cheni ke.

James 4:1

Kiu ghenguno nongu dolo kiyi eno kütsala cheni kea? Tiye nongu lolo küsakügha kükümsü akeu tipau no aghüshi keu lono ighi cheni ke kumo keshea?

1 Peter 2:11

Kimiye chekemi shompamiqo, inami eno hapheve kemiqo kehu, ni ye nongu pelo axiné kümlà shinishiqhiyi chekeu, khikhi nongu ngulho sasü aghüshi acheni keno, tipau lau no putosü apenike hakite ani.