Rommi 6:3 - Sümi Tiqhelimi Bible

³ Momu nongu ye ningu khunoqo no baptiz shikeu vechewo Khristo Jisü gholo küqhaluva keno pa kithí gholo baptiz shi küqhaluva kepi mtha keshea?

BAIBEL (BSI)

³ Ningu khunoqomi Jisu Khristo gholo baptiz shisuluve akeno tipaqoye pa kithilo baptiz shisuluvaepi mtha kesha?

Sumi Naga CL (Re-edited) Bible (BSI)

³ Ningu khunoqo Khristo Jisü gholo baptiz shisü luve akeno ningu kümtsü Pa kithi lo baptiz shisü luvae pi nongu ye mtha keshea?

Rommi 6:3 ပူးပေါင်းရင်းမြစ်များ

MATTHEW 28:19

Tighenguno shiye kümtsü lau wulo eno I khopemiqo shilu pelo; Apù jeku, Anu jeku eno Aghungu Kimthe jeku no baptiz shitsülo,

Apostolmi 19:5

Hipau tsa chilu kelo panongu ye Ampeu Jisü je lono baptiz shiluve.

Apostolmi 2:38

Peter no khochile, “Nongu kümtsü nongu xinéqo qhivetsü penike ghenguno amlo pebideve no Jisü Khristo je lono baptiz shiluve lo. Eno nongu no Aghungu Kimthe ghò ithulu nani.

Apostolmi 8:16

kughengu Aghungu Kimthe ye panongu khiu shoumu ikughimo no ae; panongu ye Ampeu Jisü je lo likhi no baptiz shive no ake.

Rommi 6:16

Kughou nongu no nongu likhi nongu pesü khiuala lau aghokulu shi aqüaxemi shi ikhiphe pe tsüveni keno, nongu ye nongu no agholu chekeuw aqüaxemiqo kepi mtha keshea? Tiye nongu no axiné khikhi akithí lo sawu cheni keno tipau qüaxe shi aghina, momu aghokulu khikhi achipiumikucho lo sawu cheni keno tipau qüaxe shi aghí namu ke.

Rommi 6:8

Ike ningu no Khristo gholo thiküqhave aye, ningu ghí pa gholo xü nani kepi pülü cheni.

Rommi 7:1

Athiküzümi eno achelimiqo—ni ye nongu ayeza ithi akemiqo vilo piani—ike ayeza ye timi lakhi no xü ake dolo likhi pa shou kükagha acheni kepi mtha keshea?

1 Kor. 10:2

Panongu kümtsü khüngküsü eno azüghi lono baptiz shive püzü Moses gholo küqhaluve ke.

1 Kor. 12:13

Kughengu ningu no Jewmi momu Jewkumomi shi aghina, aqüaxemi momu kuqhopheve kemi shi aghí namu aphimpi lakhi shive penike ghenguno ningu kümtsü Aghungu lakhi lono baptiz shike eno ningu kümtsü lau Aghungu lakhi tsüke.

1 Kor. 15:29

Ike tsalá xülekuthu küha ipi aye, khunoqo no kithimi ghenguno baptiz lupüani keno panongu ye kiu shive nani kea? Kithimi ye khilemu xüputhu chemo aye kushiye kithimi ghenguno timiqo ye baptiz shi acheni kea?

1 Kor. 3:16

Nongu likhi nongu ye Alhou’w achineki eno Alhou Ghungu no nongu gholo acheni kepi nongu ye mtha keshea?

1 Kor. 5:6

Nongu no aqheküza shi akeu ye alo keu kumoe. Kholaqhi kitila lakhi no asho kunú pe püakeu kuchopu ingughoive tsü chekeu nongu ye mtha keshea?

1 Kor. 6:19

Nongu phimpi ye Aghungu Kimthe chineki ke, pa ye nongu lolo akeu eno Alhou no nongu tsü keu kepi nongu ye mtha keshea? Nongu ye nolikhi nonguw kumovae;

1 Kor. 6:9

Ikeo achipikumo shi chekemiqo ye Alhou kükaphu ighí mülà nani kepi nongu ye mtha kea? Nongu pishiqhive pe kevilo: Kipito kimthe kumo kümlà shi chekemi na ajulho mülá chekemi na shupumi na kipitimi-totimi michimo no ashi-aji küqha xü chekemi na

1 Kor. 9:13

Khunoqo no achineki lo mülà acheni keno panongu ye achineki lono panongu chuqupu ithulu cheni, eno khunoqo no akümlá-khache lo mülà acheni keno panongu ye akümlá-khache lo kiu mülá keno tipau küsaje acheni kepi nongu ye mtha keshea?

1 Kor. 9:24

Pokuxu kelo akupomiqo kümtsü po cheni, ikemu lakhi likhi no asaxu ithulu cheni kepi nongu ye mtha keshea? Tishiaye asaxu ithulu kepu shi polo.

2 Kor. 13:5

Nongu ye nongu küpülü mutupe ani keo mokeno nongu likhi nongu phukideküdai ju moayesa ke. Jisü Khristo ye nongu lolo ani ipi nongu ye mtha keshea? Nongu no pekuju lo tomlave ke kumo aye Khristo Jisü ye nongu lolo anike.

Galatiami 3:27

kughengu nongu khunoqo no baptiz shilu keu vechewo Khristo gholo küqhaluvea keno nongu ye Khristo pepuluvae.

James 4:4

Nongu shupu chekemiqo, nongu ye ayeghiqha sasü shomipami shikeu kiqi ye Alhou lachile keu ghümi shi ani kepi mtha keshea? Tighenguno, khukhumu ayeghiqha sasü aküsàu lakhi shini ke kishelu keu ye Alhou ghümi shive cheni ke.

1 Peter 3:21

eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,