Rommi 6:17 - Sümi Tiqhelimi Bible

¹⁷ Ikemu Alhou shikimthi ani, kughengu nongu no axiné qüaxemiqo shi ache namu nongu ye nongu mlo lono ipeghino akükütsü jeli apasü shi nongu tsü keqo ikhilu no tipau ghokulu shiluvea ke.

BAIBEL (BSI)

¹⁷ Alhou shikimthi akeuno nonguye ghuthu lakhiye axine quaxemi kemu itehiye nongu lau apasushi akukutsu tsukeulo nongu mlo kuchopu tsuno agholue.

Sumi Naga CL (Re-edited) Bible (BSI)

¹⁷ Ikemu Alhou shikimthi akeu ye nongu khunoqo ghuthu lakhi lo axine qüaxemi shi ache keno, itehi ye nonguu no amlo lono ipeghi püzü agholuqhiyi akükütsü tsa nongu lau apasü shi shikave keu ikhiluvae,

Rommi 6:17 ပူးပေါင်းရင်းမြစ်များ

Apostolmi 11:18

Kughou panongu no hi chilu keno, panongu ye kiumu lachilelu keu shimove eno Alhou sheqhe ghi ishi pi, “Tishiaye, Alhou ye Jewkumomiqo kutólo ghí amlo pebide keu vechewo aküxüpu shilu penike puloza tsüvae.”

Apostolmi 28:15

Ningu no cheni ipikeu athiküzümi eno achelimi tilehi akemiqo no chilu kelo panongu ye ningu sasü kusholu nike alhikishi ki Appius eno Kicheghüzümi ki Küthü ipikeu kutólo ighi. Timi hipaqo ithulu kelo Paul no Alhou shikimthi eno pa likhi pa shikumtolue.

Rommi 1:5

Khristo züqhu shi aküpülü vechewo Jewkumomiqo kümtsü ku sasü aghokulu shilu penike ghenguno ningu ye Khristo vechewo küpükini ithulu eno apostolmi shilu pe ke.

Rommi 1:8

Atüghishi I no nongu kümtsü ghenguno Jisü Khristo vechewo I Lhou shikimthi ani, kughengu ayeghiqha kuchopu lo nongu küpülü ghili kügha ani.

Rommi 15:18

I no pi eno müla keu vechewo Khristo no Jewkumomiqo pelo Alhou ghokulu lo saighilu pe nikeu lo tokulu shilu keu nguno alau kütau kiumu pimoe.

Rommi 16:26

Ikemu itehi ye tungkuptsa lo yèpüa keqo eno lhokta Lhou no azah tsüve keu kiqi lono, akükütsü sütsa hipau ye Jewkumomi aqha kümtsü lo akemiqo lau pephe-piyevae, tishi keu vechewo panongu ghí pülülu eno aghokulu shilu peniye ke.

Rommi 2:8

Ikemu khunoqo no alikhi asala phu cheni eno khunoqo no kuchou milive no küsakügha pape cheni keno, Alhou loghu eno aghakighide panongu shou anani.

1 Kor. 1:4

Khristo Jisü vechewo küpükini nongu tsü keu ghenguno ni ye alhokuthu I Lhou shikimthi acheni.

1 Kor. 14:6

Athiküzümi eno achelimiqo, I no nongu lau ighino amili kithé lono pinamu I no nongu lau piyeküsü momu akighithi momu tungkuptsa momu kichekütsü tsa kiuala süghilumo aye ni ye nongu ghenguno kiu alá shilu nani kea?

2 Kor. 2:14

Ikemu Alhou shikimthi ani, pa no ningu pesü pa kughumi shive tsü no alhokuthu ningu sasü Khristo no aghü tolu keu shekujo lo sawu cheni, eno aqha kümtsü Khristo ithilu penike ghenguno Alhou no axokütsüngü lakhi toi ningu peitha cheni.

Ephesiami 1:16

ni ye nongu ghenguno shikimthi keu tavemo no I kighini lo nongu kümsülu acheni.

1 Thes. 3:9

Ningu ye nongu ghenguno ningu Lhou zülo alokiqi akeu theli lo kíshi nongu ghenguno lukümkha shi Alhou shikimthini kea?

2 Thes. 1:3

Athiküzümi eno achelimiqo, ningu ye nongu ghenguno alhokuthu Alhou shikimthi ani pütsá ke, eno hiye achipi ke, kughengu nongu küpülü ye alau shi thuwukithe anie, eno nongu kümtsü no lakhi no lakhi kimiye akeu lo alau iko-ishe anie.

2 Tim. 1:13

Nono I lau no kiu chilu keno tipau no kuchou kükütsü ghola kepi papelo eno tipau gholo aküpülü eno Khristo Jisü kikimiye lono xülo.

Philemon 1:4

I no I kighini lo O kümsülu ke kümtsü lo I Lhou shikimthi acheni,

IBRIMI 11:8

Abraham ye kughou pa vilo kutou pa mheghi shi niye akeu a-a lakhi lo wulo pi ku keno pa ye khila wucheni keno mtha kemu aküpülü vechewo aghokulu shi wuke.

IBRIMI 5:9

eno ghuthu lakhi kupukülai shive tsü kethiu, pa ye pa gholu chekemi kümtsü ghenguno alhokupuju xakulupu ipekighiu shive ke

1 Peter 1:22

Itehi ye nongu pelo kuchou gholu keu vechewo amikucho shi lakhi no lakhi kimiyekilé penike ghenguno nongu ye thakütsüghüvea ke amlo lono thonhei shi no lakhi no lakhi kimiyekilé lo.

1 Peter 2:9

Ikemu nongu ye kisheluve kemi timiqo, akükau chine kümlamì, akimthe shiye eno Alhou’w paküta keu mheghiqo ke, tishi keu vechewo nongu pelo khuu no paw akichiqhipu küvü lo süghi niye àküzǘ lono nongu kuphelu keno pa sheqhe ghi asheshu peniye ke.

1 Peter 3:1

Anipuqo, tipau tho lono nongu likhi nongu ikhiphe pesü nongu kimiqo lau tsülo tishi keu vechewo tsalá panongu khuala no Alhou tsa shou pülümo aye, atsa pimo no panongu nipuqo ghiliaye vechewo züluve peniye ke,

1 Peter 4:17

Kughengu hiye Alhou kibolomi dolo no küghakütha huthu nikeu do tovae; eno tsalá ningu lau no huthu aye, khunoqo no Alhou tsakiviu gholu chemo keno panongu ghengu ye kiu shive nani kea?

2 John 1:4

Nongu nuliqo khami no Apù no ningu azah tsüve keu toi kuchou lo xü akeu phulu no ni ye ighono alokiqi kijè shi ani.

3 John 1:3

Kughou küpülümi khami no ighino nono kuchou shou pülübelu akeu eno kíshi kuchou lo xüani keno pesü piakeu lo ni ye alokiqi kijè shi ani.