Rommi 5:8 - Sümi Tiqhelimi Bible

⁸ Ikemu Alhou no hipau lono pa likhi paw kikimiye ningu lau pephe-piye ke: Ike tiye ningu no axinemi shi aphi lono Khristo no ningu ghenguno thive ke.

BAIBEL (BSI)

⁸ Ikemu Alhou no ningu kimiyeqhiyi keu pephepiye keuye ninguno axinemi shiaphi lono Khristo no ningu ghenguno thiveke.

Sumi Naga CL (Re-edited) Bible (BSI)

⁸ ikemu Alhou no Paw kikimiye ni ghenguno akeu piye anipi nino axinemi shiaphi lou no Khristo no ni ghenguno thive tsü.

Rommi 5:8 ပူးပေါင်းရင်းမြစ်များ

John 15:13

Timi lakhi no paw shompamiqo ghenguno pa küxü tsüve keu kikimiye nguno akijeu kühae.

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

Rommi 3:5

Ikemu ningu chipiumikucho kumo no Alhou chipiumikucho alau mütsümishei pephelu aye, ningu ye kiu pìní kea? Alhou no pa loghu ningu shou süghi keu ye achipikumo ke ipini keshea? (Ni ye timi no kütsala chekeu ghola peitha ani.)

Rommi 4:25

Pa ye ningu xinéqo ghenguno akithí lau ikhiphe pe tsüve ke eno ningu pelo achipikalu pe nikeu ghenguno xüputhuveke.

Rommi 5:20

Hekibide kighishe penike ghenguno ayeza iloghi ke. Ikemu khile axiné kighishe keno tilehi küpükini alau shi kighishe ke,

Rommi 5:6

Ado achipi lono eno ningu no miqemilei ake lono Khristo no ningu axinemiqo ghenguno thive ke.

Rommi 5:7

Timi khunomu amikuchomi lakhi ghenguno thimo luvi, tishimu timi khami ye ighümo no timi kivimi lakhi ghenguno thive luvi.

Rommi 8:32

Alhou ye pa likhi pa Nu ghí msá pe qhivemo no ningu kümtsü ghenguno ikhiphe pesü tsüve ke, pa ye kíshi no thime kütau ghí kümtsü puloniqhiyi ningu tsümoni kea?

Rommi 8:39

qhemghai keu na thonhei keu na, lhoqhipüa keu kümtsü dolo kiu-kiu shi aghí namu ningu Mpeu Khristo Jisü vechewo Alhou kikimiye akeu lono ningu küghüxa müla nani kepi I no pülübeluvae.

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Ephesiami 2:7

tishi keu vechewo ighi nikeu tiqheli lo pa no paw kimghi müla keu küpükini kiní khikhi Khristo Jisü vechewo paw küpüqhiyi keu ningu lau pephe-piyevea keno tipau pìye niye ke.

Ephesiami 5:2

eno Khristo no ningu kimiye no pa likhi pa ikhiphe pesü ningu ghenguno Alhou lau axokütsüngü kümlagho eno aghakishi lakhi shi tsüve keu toi, kikimiye lono xüche lo.

1 Tim. 1:16

Ikemu hi ghenguno I lau kimiyekini pìye ke, tishi keu vechewo I no kiche-kipiye lakhi shi no Khristo Jisü pelo axinemiqo kümtsü nguno alhoküsau lau paw kutuukulu ighono kijè pephe-piye niye ke. Tisheno kütami ghí pa shou pülü no lhokta küxü ithulu nani.

IBRIMI 8:3

Achinemiqo shou atou kümtsü aghò ngò aghakishiqo pesü Alhou mülá peniye süküsü shi cheni ke, eno tighenguno achinetomiqo shou atou hipau ghí kiuala Alhou mülá moayesa kepu shive ke.

1 Peter 3:18

Kughengu Khristo ghí Alhou lau ningu saighi nike axiné ghenguno ghuthukhavi no kümtsü ghenguno imeve ke, amikuchou no amikucho kumomi ghenguno thive ke. Pa phimpi ye pìthíve ke ikemu Aghungu lono xüputhuveke.

1 John 3:16

Kikimiye ye kiu keno ningu no hitoi ke ipi ithi acheni: Jisü Khristo no ningu ghenguno pa küxü tsüve ke. Eno ningu ye athiküzümi eno achelimiqo ghenguno ningu küxü tsü moayesa ke.