Rommi 5:15 - Sümi Tiqhelimi Bible

¹⁵ Ikemu Alhou’w kümsá ghò ngò Adam xiné ye kütüqü ke. Kughengu tsalá timi lakhi hekibide ghenguno timi kutomo thive aghí aye, tinguno alau shi timi lakhi Jisü Khristo’w küpükini vechewo Alhou’w küpükini eno kümsá ghò ye timi kutomo lau khijehi qochili ighilu nani kea.

BAIBEL (BSI)

¹⁵ Ikemu hipama aphiphi kumoe: Alhou no kumsagho tsukeuye Adam hekibide xine toimoe. Kughengu timi lakhi hekibide xine vechewono timi kutomo thiveke, ikemu tinguno alaushi Alhouw kupukini eno pawu kumsaghoye timi lakhi hi Jisu Khristo wu kupukini vechewo timi kutomo ghenguno kupukunoshi ighi.

Sumi Naga CL (Re-edited) Bible (BSI)

¹⁵ Ikemu kümsagho ngo akipimi küma ye aphiphi kumoe. Kughengu milakhi kipimi lono timi kutomo no thi püaghi aye, Alhouw küpükini eno Milakhiw kümsagho, ti ye Jisü Khristow küpükini lono tsükeu, huno alaushi timi kutomo ghenguno kupukuno shi ighivae.

Rommi 5:15 ပူးပေါင်းရင်းမြစ်များ

MATTHEW 20:28

kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”

MATTHEW 26:28

I jì hipau ye puloshoqhi jì ke, eno hiye timi kutomo pelo axiné qhikütsü ithulu peniye peleve keu jì ke.

John 3:16

Alhou no ayeghilomi kimiyekütü keu ghenguno pa Nu lakhi likhi akeu pesü tsüke, tighenguno khukhumu pa shou pülübelu keu ye pühavemo nani ikemu lhokta küxü ithulu nani.

John 4:10

Jisü no li khochile, “Tsalá nono Alhou no tsü keu ghò ithi aghí eno khuu no O vilo azü khu ani keno pa ithi aghí ke aye, no ye pa vilo aküxüpu zü khuni cheke eno pano ti O tsüní cheke.”

Apostolmi 15:11

Tishi kepu kumoe! Ampeu Jisü’w küpükini vechewo panongu xalu ketoi ningu ghí xalu kepu pülü cheni.”

Rommi 5:12

Ikehu, timi lakhi vechewo ayeghi lo axiné iloghive eno axiné vechewo akithí ighike toi, hipau ghola lono akithí no timi kümtsü lau ighive, kughengu timi kümtsü axiné shive ke.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

2 Kor. 5:14

Kughengu Khristo kikimiye no ningu tshüpe anie. Timi lakhi no kümtsü ghenguno thive ke, ikehu timi kümtsü aqau küxü lo ye thivae ipi ningu no pülü cheni.

2 Kor. 9:15

Alhou no paw pikhakümlapu ghò tsü keu ghenguno pa shikimthi ani nolo.

Ephesiami 2:8

Kughengu nongu ye küpükini lono aküpülü vechewo xaluvae—eno hiye nongu likhi nongu no shilu ke kumoe, hiye Alhou’w aghò ke—

IBRIMI 2:9

Ikemu ningu ye Jisü ithulu anie, pa ye ado kitila ghenguno kungumiqo nguno kitila aqhou shi lhosü ke, pa no aghime kithí shi thive keu ghenguno itehi pa ye ajuküvü ngò agigihu pe qhopipevae, tishi keu lono Alhou’w küpükini vechewo pa pelo kümtsü ghenguno akithí michelu peniye ke.

1 John 2:2

Pa ye ningu xinéqo ghenguno aghakishiu ke, eno ningu ghengu likhi no kumoe ikemu ayeghiqha kümtsü xinéqo ghenguno ghí ke.

1 John 5:11

Eno ashepe ye hike: Alhou no lhokta küxü ningu tsüvae, eno aküxü hipau ye pa Nu gholo anike.