Rommi 5:1 - Sümi Tiqhelimi Bible

¹ Tighenguno, ningu ye aküpülü vechewo achipikaluvea ke ghenguno ningu ye ningu Mpeu Jisü Khristo vechewo Alhou sasü külashiluvae, eno

BAIBEL (BSI)

¹ Tighenguno ninguye akupulu lono Alhou lau achipikaluve akehu, ningu Mipeu Jisu Khristo vechewo ninguye Alhou sasu kulashiluvae.

Sumi Naga CL (Re-edited) Bible (BSI)

¹ Tighenguno, ningu ye aküpülü lono achipikaluve akehu, ni Mpeu Jisü Khristo vecheo ningu ye Alhou sasü külashi luvae.

Rommi 5:1 ပူးပေါင်းရင်းမြစ်များ

Luke 19:38

“Akükau khuu Ampeu je lono cheni keno pa ye akümghau ke!” “Kungugha lo aloino keu alo eno akiqheu Lhou sheqhelo!”

Luke 19:42

püzü ishi pi, “Tsalá nongu no hipau tsalà lono kiu no aloino keu nongu lau süghilu nani keno ithi aghí ke aye. Ikemu itehi ye hipau nongu nhethi lono küsüve tsüae.

Luke 2:14

“Kungugha akiqheu lo Alhou lau ajuküvü shilo! eno ayeghi lo pa lokiqi akemi shou aloino keu apelo.”

John 14:27

Alokiqi I no nongu gholo qhitsü ani; I lokiqi I no nongu tsü ani. Ni ye ayeghiqha no nongu tsüke toi tsü amoe. Nongu mlo kütakihi pe kevilo eno msà kevilo.

John 16:33

“I no thime hipaqo pesü nongu vilo pive akeu ye nongu pelo I vechewo alokiqi ithulu peniye ke. Hipau yeghi lo nongu ye aveküsa sholu anani. Ikemu amlo mutotoilo! Ni ye ayeghiqha theqhiluvae.”

John 20:31

Ikemu nongu pelo Jisü ye Messiah, Alhou Nu kepi pülülu peniye hipaqo yèpüani eno pülülu keu vechewo nongu pelo pa je lono aküxü ape niye ke.

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

Apostolmi 10:36

Nongu ye Alhou no Israelmi lau akükütsü sütsa tsü keu hu ithi ani, tiye Jisü Khristo khuu kümtsü shou Ampeu keno pa vechewo alokughuno tsakiviu piputo tsüke.

Rommi 1:17

Kughengu atsakiviu lono Alhou chipiumikucho pephe-piyevae. Achipiumikucho tiye atüghi lono ashekha kutólo aküpülü vechewo ke, tiye hitoi yèpüa keu toi ke: “Amikuchomi ye aküpülü vechewo xülu nani.”

Rommi 1:7

I no Rome lo Alhou no kimiye chekemiqo eno paw akimthe timi shipe nike kulùve kemiqo kümtsü lau yèlu ani: Ningu Papù Alhou eno Ampeu Jisü Khristo lau no ighi keu küpükini eno aloino keu nongu gholo apeniu.

Rommi 10:10

Kughengu O mlo lono pülüluve keu hu no Alhou lau achipikalu pe cheni, eno O kichí lono O küpülü shupheve keu hu no xaluve cheni pe ke.

Rommi 10:15

Eno khukhumu puwumo kelo ye kíshi no akükütsü sütsa pikülhani kea? Kuchoyesü lo ishi yèpüa keu toi: “Atsakiviu pesü ighi chekemi pukhu ye kiutoi akümzapushi jukivi kela!”

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

Rommi 15:13

Nongu no pa shou pükhübe ake toi, lajupu tsü chekeu Lhou pelo alokiqi eno alokughuno chhitoi nongu shepichhi tsü peniu, tishi keu lono nongu pelo Aghungu Kimthe küká vechewo lajupu qochililu apeniu.

Rommi 15:33

Alokughuno tsü chekeu Lhou no nongu kümtsü gholo apeniu. Amen.

Rommi 3:22

Alhou chipiumikucho hipau ye Jisü Khristo pülü kemi kümtsü lau aküpülü akeu vechewo tsüpüani ke. Tighenguno Jewmi ngò Jewkumomi dolo kiumu kütüqü keu küha,

Rommi 3:30

kughengu Alhou lakhi likhi ani, pa no aküpülü vechewo aphighüyiko ghave kemi pelo achipikalu pe nani, eno aphighüyiko ghamo kemi pelo ghí tipau tho lono aküpülü vechewo achipikalu pe nani.

Rommi 4:5

Tishiaghimu, timi khuno no pano kümlà shou pükhübemo püzü Alhou khuu alhou kümthami pelo achipikalu pe chekeu shou pükhübe cheni keno, pa no panongu küpülü vechewo achipiu mikuchomi kepi kihitsü cheni.

Rommi 5:11

Tilikhi kumoe, ikemu ningu Mpeu Jisü Khristo khuu vechewo ningu no itehi külashiluvea keno pa vechewo no ningu ye Alhou lau ghí alovishe acheni.

Rommi 5:18

Tighenguno, timi lakhi’w hekibide vechewo timi kümtsü kiléqhive keu toi, achipiu kümlà lakhi vechewo timi kümtsü pelo achipikalu pe eno aküxü aluve pe ke.

Rommi 6:23

Kughengu axiné jume ye akithí ke, ikemu Alhou’w kümsá ghò ye ningu Mpeu Khristo Jisü lono lhokta küxü ke.

Rommi 9:30

Tishiaye ningu ye kiu pìní kea? Jewkumomi khunoqo no achipiumikucho phumo keno panongu ye aküpülü vechewo achipiumikucho ithuluvae;

Galatiami 2:16

Tishimu ningu no ithi akeu no timi lakhi ye ayeza pape keu vechewo achipikalu chemoe, ikemu Jisü Khristo shou pülü keu vechewo no ke. Ike ningu ghí ayeza pape keu vechewo kumo no Khristo shou pülü keu vechewo achipikalu penike ghenguno Khristo Jisü shou ningu küpülü qhicheni ke, kughengu ayeza papelu keu vechewo timi khumu achipikamla nani ke.

Galatiami 3:25

Ikemu itehi ye aküpülü hipau ighivea ke ghenguno, ayeza no ningu kheu shi akeu qholo ngomovae.

Galatiami 5:22

Ikemu Aghungu xathi ye kikimiye, alokiqi, aloino keu, kheakulu, küpüqhiyi keu, akivi, pichebekulu,

Ephesiami 2:7

tishi keu vechewo ighi nikeu tiqheli lo pa no paw kimghi müla keu küpükini kiní khikhi Khristo Jisü vechewo paw küpüqhiyi keu ningu lau pephe-piyevea keno tipau pìye niye ke.

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.

Kolosiami 1:20

Eno ayeghi lo thimeqo shi aghí na kungugha lo thimeqo shi aghí namu Khristo no kros lo pa jì peleve keu vechewo thowkha kümtsü pesü Apù Alhou lau külashilu peniye ke.

Kolosiami 3:15

Khristo’w aloino keu pelo nongu mlo lo ayè pelu pelo, kughengu aphimpi lakhi lo kihiküsümi toi aloino keu lo nongu kulùvea ke. Eno Alhou shikimthiqhiyi achelo.

1 Thes. 5:23

Alokughuno tsü chekeu Lhou ampi no thowkha kümtsü lo akivishi nongu shikimthe tsü peniu. Ningu Mpeu Jisü Khristo ighi kelo nongu ghungu, angulho eno aphimpi kümtsü tukutiye küha no kupukülai shi qhilu peniu.

2 Thes. 3:16

Itehi ye alokughuno-kütsüu Ampeu pelo pa ampi no ado aghuloki kümtsü lo eno alaghi kümtsü lo aloino keu nongu tsü peniu. Ampeu no nongu kümtsü gholo apeniu.

IBRIMI 13:20

Itehi ye alokughuno tsü chekeu Lhou, ambeqo Kheu akijeu, khuu lhokta puloshoqhi jì vechewo akithí lono Jisü xüchile saighi keno,