Rommi 4:17 - Sümi Tiqhelimi Bible

¹⁷ Kughengu hitoi yèpüani: “I no O pesü shiye kutomo papù lakhi shitsü ke.” Alhou zülo Abraham ye ningu papù ke. Abraham no pülü chekeu Lhou ye kithimi aküxü tsü chekeu eno püzüu küha no akeqo lhophe chekeu Lhou ke.

BAIBEL (BSI)

¹⁷ Kuchoyesulo pikeu hutoi, “Ino opelo ashiayeh kutomo papuh shiveapeke.” Ikehu Abraham no puluchekeu Lhou zuloye piqhipuakeu huye tishini putsae. Alhou hipauye kithimi puxuve cheni eno kiumu kuha namu pano piaye aghive cheni.

Sumi Naga CL (Re-edited) Bible (BSI)

¹⁷ ti ye ishi yepüake toi, “I no o pelo ashiaye kutomo papu shilupe.” Kithimi xüputhu eno kiumu küha keu lono kümtsü pulhosü keu Lhou—Khuu Abraham no pülüche keno, Pa zülo ningu ye Abraham tianuliqo ke.

Rommi 4:17 ပူးပေါင်းရင်းမြစ်များ

MATTHEW 3:9

Eno nongu ye nolikhi no vilo, ‘Ningu ye Abraham no ningu papù ke,’ ipi pilu nani küghashi kümsü kevilo. I no nongu vilo pìní, Alhou ye atu hipaqo pesü Abraham ghenguno anuli kughulhopheve tsülu nani.

John 5:21

Kughengu Apù no kithimi xüputhu no aküxü panongu tsü keu toi, Anu ghí pa no tsünishi kemiqo aküxü tsü chenie.

John 5:25

Kuchou no I no nongu vilo pìní, ado lakhi cheni eno itehi hi ighivea, ike tiye kithimi no Alhou Nu sütsa chilu nani eno khunoqo no tipau chiluni keno xülu nani.

John 6:63

Aghungu no aküxü tsü cheni; ashi ye kiumu kihi akepu kühae. I no nongu vilo pive keu tsaqo ye Aghungu eno aküxü no chhitoi ani.

Apostolmi 15:18

hiye khaghi no ithi akeu thimeqo ke.

Rommi 3:29

Imaye Alhou ye Jewmi Lhou likhi keshea? Pa ye Jewkumomi Lhou ghí ke kumo keshea? Iyei, Jewkumomi Lhou ghí ke,

Rommi 4:18

Lajupu kühamitheve kelomu Abraham ye lajupu lono pülülu ke eno tighenguno pa vilo, “O nuli-kughuko no kutomo shi nani,” ipi pipüa keu toi shiye kutomo papù shilu ke.

Rommi 4:2

Kuchou lo ye Abraham no akümlà vechewo achipikalu püaghi aye, pa ye qhezakulupu kiuala anie—tishimu Alhou zülo ye qhezakulupu kühae.

Rommi 8:11

Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

Rommi 9:11

Ikemu, anukishe punú mphi züu no momu akivi eno alhoküsa kiumu shimphi züu no, Alhou no kishepüa keu kiqi lono apenike ghenguno li vilo ishi pike:

Rommi 9:26

eno, “A-a khilehi no panoqo vilo, ‘Nongu ye iw timi kumoe,’ ipipüa keno a-a tipau lono panongu vilo ‘xü akeu Lhou nuliqo,’ ipi ku nani.”

1 Kor. 1:28

Alhou no hipau yeghi lo chuninei kemi ngò timi no thaigha chekemiqo kishelu ke—eno thime akhotoqo pimhemove nike ghenguno kiumu kumo keu thimeqo kishelu ke,

1 Kor. 15:45

Ike ishi yèpüani: “Timi atüghiu Adam ye aküxü küami lakhi shi lhophe ke”; ikemu Adam ashekhau, tiye Khristo ke, ye aküxü-kütsüu ghungu shive ke.

1 Tim. 6:13

Thowkha kümtsü aküxü tsü chekeu Lhou eno Khristo Jisü khuu Pontius Pilate gizülo thopi shi akelo akivi pikiphe shi keno pa zülo no I no O pichetsü ani,

IBRIMI 11:12

Eno tighenguno timi hipau ye thive kemi lakhi paphi shi akemu atsütsǘ lo ayepuqo eno azüghi mükü lo kihikhakümla saye toi pa vechewo atikughukomiqo ipeghi ke.

IBRIMI 11:3

Aküpülü vechewo lhokejeli ye Alhou’w azakütsü qholo no lhophe kepi vethalu cheni, eno kiu ithulu ani keno tiye kiumu küha keu lono lhophe püani ke.

IBRIMI 11:7

Noah ye aküpülü vechewo ithumla aphi keu thime ghili pesü kughou pikichi keno akimthe sükümsa vechewo pa kibolomi xalu nike ghenguno ashuka mülà ke. Aküpülü vechewo pa no ayeghiqha kiléqhive ke eno iqemo keu küpülü vechewo achipiumikucho mheghi kiyighiu shilu ke.

1 Peter 2:10

Ghuthu lakhi lo nongu ye Alhou’w timiqo kumo ke, ikemu itehi nongu ye Alhou’w timiqo shivea; ghuthu lakhi lo ye nongu ye kimiyekini ithumla no ake, ikemu itehi nongu ye kimiyekini ithuluvae.

2 Peter 3:8

Kimiye chekemi shompamiqo, ikemu thime lakhi hipau kümsüma kevilo: Ampeu gholo atsala lakhi ye ampe 1,000 toi ke, eno ampe 1,000 ye atsala lakhi toi ke.