Rommi 4:11 - Sümi Tiqhelimi Bible

¹¹ Eno pa ye aphighüyiko-küghá shimphi züu no aküpülü vechewo achipiumikucho chishida keu michi shi aphighüyiko-küghá ikhilu ke. Tishiaye, pa ye aphighüyiko ghamo namu pülü chekemiqo kümtsü papù ke, tishi keu vechewo panoqo pelo achipiu mikuchomi kepi kihi kulupu shipe niye ke.

BAIBEL (BSI)

¹¹ Abraham no aphighu yiko gha mphi lonomu pa kupulu Alhou lau akeu lono Alhou lau achipikaluve keu michi momu chishidapuku keu michi lakhi shighi aphighu yiko ghae. Tipau kimjiye Abraham pelo aphighu yiko ghamokemi pinamu pulu aghikemiqo eno tishi keu lono Alhou lau achipikalukeu panoqo lau kihipukuve kemiqo papuh shipeniye ke.

Sumi Naga CL (Re-edited) Bible (BSI)

¹¹ Pa ye ghamphi lonomu aküpülü vecheo achipiu shi xüche kehu ti mekha keu shi aphighüyiko kügha michipu ithulue. Ti ye khunono aphighüyiko ghamo namu pülüni keno Abraham pelo panoqo papu shipeni keu kimji lono ke, tishikeu lono panoqo ghi achipikaluve kemie pi kihi tsüniye ke;

Rommi 4:11 ပူးပေါင်းရင်းမြစ်များ

MATTHEW 16:16

Simon Peter no khochile, “No ye xü akeu Lhou Nu Messiah ke.”

MATTHEW 8:11

I no nongu vilo pìní, kipelau eno kulolau no timi kutomo ighi nani, eno panongu no kungugha kükaphu lo Abraham, Isaac eno Jacob noqo gholo iqa no aghulhu shi nani.

Luke 19:9

Jisü no pa vilo pi, “Ishí no xakulu akibo hipau lo ighivae, kughengu timi hipau ghí Abraham nu lakhi ke.

John 3:33

Tipau ikhilu kemiqo ye Alhou ye kuchou kepi akupulo shepe shive tsüae.

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

John 6:35

Tisheno Jisü no asheshu ghi pi, “Ni ye aküxüpu sho ke. I lau ighi kemi ye khilemu müzüthimo nani, eno I pülü kemi ye khilemu tüghüthimo nani.

John 6:40

Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

John 6:47

Kuchou no I no nongu vilo piani, timi khuu no pülüni keno pa ye lhokta küxü anie.

John 8:33

Panongu no Jisü khochile, “Ningu ye Abraham tikughukomiqo ke eno ningu ye khilemu khuu qüaxemu shiju mphie. No ye kíshi püzü ningu ye khaqhipheve nani kepi pilu nani kea?”

Rommi 10:11

Kughengu Kuchoyesü no ishi pipüani, “Timi khukhumu pa pülü chekemi ye khilemu kujove pemo nani.”

Rommi 10:4

Küpülümi kümtsü pelo achipikalu penike ghenguno Khristo no ayeza kishekhave tsüke.

Rommi 10:6

Ikemu aküpülü vechewo achipiumikucho shilu chekeu lo ishi yèpüani: “O mlo lo ishi pi kevilo, ‘Khuu no atsütsǘ lo ikuluni kea?’ ” (tiye Khristo aqhou saikighi kepu shi)

Rommi 3:22

Alhou chipiumikucho hipau ye Jisü Khristo pülü kemi kümtsü lau aküpülü akeu vechewo tsüpüani ke. Tighenguno Jewmi ngò Jewkumomi dolo kiumu kütüqü keu küha,

Rommi 3:26

Pa no tishi keu vechewo achipiu shilu pe eno khunoqo no Jisü shou aküpülü ani keno panoqo pelo achipikalu peniye ke.

Rommi 3:30

kughengu Alhou lakhi likhi ani, pa no aküpülü vechewo aphighüyiko ghave kemi pelo achipikalu pe nani, eno aphighüyiko ghamo kemi pelo ghí tipau tho lono aküpülü vechewo achipikalu pe nani.

Rommi 4:10

Kiu tüqhüdo lono achipiu mikuchomi ipi kihitsü kea? Tiye pa no aphighüyiko ghave kethiu no keo, tipau züu no kea? Tiye aphighüyiko ghave kethiu no kumoe, ikemu tipau züu no ke!

Rommi 9:30

Tishiaye ningu ye kiu pìní kea? Jewkumomi khunoqo no achipiumikucho phumo keno panongu ye aküpülü vechewo achipiumikucho ithuluvae;

Rommi 9:33

Ishi yèpüani: “Julo! Timiqo pelo püsüpukulu peniye I no Zion lo atu lakhi qhike eno panoqo pelo veqhive peniye atuqu lakhi qhike. Ikemu timi khuu no pa shou pülüni keno pa ye khilemu kujove pemo nani.”

Rommi 9:6

Alhou tsa ye shikupumove keu kumoe. Kughengu Israel polokughukomi kümtsü Alhou no kisheluve kemi ke kumoe.

2 Kor. 1:22

eno paw ke ipikeu michipu ningu shou amichi shivae, eno ighi niye akeu hu ye ithulu nani pütsá ipikeu michi shi pa Ghungu pesü ningu mlo lo sǘvetsüae.

Galatiami 3:22

Ikemu Kuchoyesü no pikeu kiqi lo thowkha kümtsü axiné ghaküsü qholo ani, tishianguno Alhou no kiu piqhipüani keno Jisü Khristo shou pülüluve kemiqo kümtsü pelo khaqhikiphe pikiqhi ithulu peniye ke.

Galatiami 3:29

Nongu no Khristo laumi aye, nongu ye Abraham kughukoqo ke, eno Alhou no piqhipüa keu kiqi lono nongu ye amheghi ighílu nani.

Galatiami 3:7

Tishiaye, khunoqo no aküpülü ani keno panongu ye Abraham nuliqo kepi vethalulo.

Galatiami 5:5

Kughengu ningu ye Aghungu vechewo aküpülü lono ningu no laju achekeu achipiumikucho hu khekulhoshi anike.

Galatiami 6:16

Ayeza hipau papelu kemi eno Alhou’w timi Israelmi kümtsü lau alokiqi eno kimiyekini apeniu.

Ephesiami 1:13

Eno kughou nongu no kuchou kükütsü sütsa, nonguw xakulu tsakiviu chilu keno, nongu ghí Khristo gholo küqhaluvea ke. Kughou nongu no pülüluve keno, nongu ye chishida keu pesü pa gholo amichi shive ke. Pikiqhi Ghungu Kimthe

Ephesiami 4:30

Eno Alhou Ghungu Kimthe shikulosü kevilo, nongu ye xachilekulu tsalá ghenguno pa gholo mekha küqhavea ke.

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.

IBRIMI 11:7

Noah ye aküpülü vechewo ithumla aphi keu thime ghili pesü kughou pikichi keno akimthe sükümsa vechewo pa kibolomi xalu nike ghenguno ashuka mülà ke. Aküpülü vechewo pa no ayeghiqha kiléqhive ke eno iqemo keu küpülü vechewo achipiumikucho mheghi kiyighiu shilu ke.

2 Peter 1:1

Yesǜ hipau ye Simon Peter, Jisü Khristo qeu eno apostol lakhi no, Khunoqo ningu Lhou eno Xakuluu Jisü Khristo chipiumikucho vechewo ningu toi aküpülü ithuluve no akughupu shi ani keno tipaqo lau yèlu ani:

Piyeküsü 9:4

Tülhaquqo vilo ayeghi lo atsüni momu asütsüni momu asübo lakhimu shipüsa kevilo pi, ikemu timi khunoqo no panongu kishe lo Alhou’w amichi chishida keu küha keno tipaqo likhi ghimeqhi lo ipi.