Rommi 4:1 - Sümi Tiqhelimi Bible

¹ Tishiaye ningu pù-asü Abraham ye ashi gholau no pìní aye, Alhou lau achipikalu keu vehu lo kiu phuphelu kea?

BAIBEL (BSI)

¹ Tishiaye nishiayeh iko ighikeulo nisu Abraham ghili hu kishiepi nani kya? Pa kuxulo kiu phulu kya?

Sumi Naga CL (Re-edited) Bible (BSI)

¹ Tishi aye ningu ye ashi lo ni sü Abraham ye kiu phulue pini kea?

Rommi 4:1 ပူးပေါင်းရင်းမြစ်များ

MATTHEW 3:9

Eno nongu ye nolikhi no vilo, ‘Ningu ye Abraham no ningu papù ke,’ ipi pilu nani küghashi kümsü kevilo. I no nongu vilo pìní, Alhou ye atu hipaqo pesü Abraham ghenguno anuli kughulhopheve tsülu nani.

Luke 3:8

Amlo pebideve keu toi xüpe pìyelo. Eno nongu ye, nolikhi no vilo, ‘Ningu ye Abraham no ningu papù ke,’ ipi pilu nani küghashi kümsü kevilo. I no nongu vilo pìní, Alhou ye atu hipaqo pesü Abraham ghenguno anuli kughulhopheve tsülu nani.

John 8:33

Panongu no Jisü khochile, “Ningu ye Abraham tikughukomiqo ke eno ningu ye khilemu khuu qüaxemu shiju mphie. No ye kíshi püzü ningu ye khaqhipheve nani kepi pilu nani kea?”

John 8:53

No ye ningu papù Abraham nguno akijeu keshea? Pa ye thivea eno tungkupumiqo ghí thivea ke. No ye khuu ipi kümsü ani kea?”

John 8:56

Nongu papù Abraham no I tsalà ithulu nikeu kümsü no alovishe ke; pa no ti ithulu eno alokivishi ke.”

Apostolmi 13:26

“Athiküzümi Abraham nuliqo eno Alhou sükümsami Jewkumomiqo, xakulu kükütsü sütsa hipau ye ningu lau tsüpuwu keu ke.

Rommi 1:3

Atsakiviu ye pa Nu ghili ke. Ayeghi lo pa ye Akükau David tikughukomi lakhi shi punú,

Rommi 3:5

Ikemu ningu chipiumikucho kumo no Alhou chipiumikucho alau mütsümishei pephelu aye, ningu ye kiu pìní kea? Alhou no pa loghu ningu shou süghi keu ye achipikumo ke ipini keshea? (Ni ye timi no kütsala chekeu ghola peitha ani.)

Rommi 4:16

Tighenguno, Alhou’w pikiqhi ye aküpülü vechewo ighi cheni, tishianguno pikiqhi ye küpükini vechewo Abraham nuli-kughukoqo kümtsü lau mütsümishei shilu peniye ke—tiye ayeza papelu chekemiqo lau likhi kumo, ikemu Abraham küpülü toi aküpülü aghí kemiqo lau ghí ke. Abraham ye ningu kümtsü papù ke.

Rommi 6:1

Tishiaye, ningu ye kiu pìní kea? Küpükini alau shi kighishe penike ghenguno ningu ye axiné shiauve kepu keshea?

Rommi 7:7

Tishiaye ningu ye kiu pìní kea? Ayeza ye axiné keshea? Tiye kumo pütsa! Tishiaghi namu, ayeza ghenguno ke thono ni ye axiné ye kiu keno mtha no aghíni cheke. Kughengu ni ye ayeza no, “No ye jumine kevilo,” ipimo no aghí ke aye ni ye jumine keu ye kiu keno ithimoni cheke.

Rommi 8:31

“Tishiaye, ningu ye thime hipaqo lo kiu pi kepu ani kea? Alhou no ni küdau ani aye, khuu no ningu lachile kulupu kea?”

2 Kor. 11:22

Panongu ye Hebrewmi keshea? Ni ghí thono. Panongu ye Israelmi keshea? Ni ghí thono. Panongu ye Abraham tikughukomi keshea? Ni ghí thono.

IBRIMI 12:9

Tinguno alau, ningu kümtsü ghasü chekeu ayeghi lo apù acheni, eno ghaküsü ghenguno ningu no panongu gihu cheni. Tishiaye ningu ye hinguno alau khijehi ninguw aghungu lo Apù lau aghokulu shi xü moayesa kea!