Rommi 3:28 - Sümi Tiqhelimi Bible

²⁸ Kughengu ningu no ithi akeu no timi lakhi ye ayeza papelu keu lono kumo püzü aküpülü vechewo achipikalu cheni ke.

BAIBEL (BSI)

²⁸ Kughengu ninguno kishekhalu keuno timi lakhino Alhou lau achipikalu pekeuye akupulu likhi vechewo noke, eno Ayezahlo pipuakeu shilukeu lono kumoe.

Sumi Naga CL (Re-edited) Bible (BSI)

²⁸ Kughengu ningu no kiqikuto luve ake milakhi ye Ayezah pelu keu nguno khalau aküpülü vecheo likhino achipikalupe chenie.

Rommi 3:28 ပူးပေါင်းရင်းမြစ်များ

John 5:24

“Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

John 6:40

Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

Rommi 3:26

Pa no tishi keu vechewo achipiu shilu pe eno khunoqo no Jisü shou aküpülü ani keno panoqo pelo achipikalu peniye ke.

Rommi 4:5

Tishiaghimu, timi khuno no pano kümlà shou pükhübemo püzü Alhou khuu alhou kümthami pelo achipikalu pe chekeu shou pükhübe cheni keno, pa no panongu küpülü vechewo achipiu mikuchomi kepi kihitsü cheni.

Rommi 5:1

Tighenguno, ningu ye aküpülü vechewo achipikaluvea ke ghenguno ningu ye ningu Mpeu Jisü Khristo vechewo Alhou sasü külashiluvae, eno

Rommi 8:3

Kughengu timi lhoaye no miqeve keu vechewo ayeza no kiu shilu kepu küká küha no ache keno, axinemi lhoaye jukimihi lono axiné kümlagho lakhi shipe niye Alhou no pa likhi pa Nu puwu keu vechewo ayeza no shimla no achekeu hu shive tsüae. Ikehu Alhou no timi lhoaye lono axiné kiléqhive ke,

1 Kor. 6:11

Ike nongu khami ye hitoi xüche ke. Ikemu nongu ye qhukimthevae, nongu ye shikimthevae, nongu ye Ampeu Jisü Khristo je lono eno ningu Lhou Ghungu vechewo achipikaluvae.

Galatiami 2:16

Tishimu ningu no ithi akeu no timi lakhi ye ayeza pape keu vechewo achipikalu chemoe, ikemu Jisü Khristo shou pülü keu vechewo no ke. Ike ningu ghí ayeza pape keu vechewo kumo no Khristo shou pülü keu vechewo achipikalu penike ghenguno Khristo Jisü shou ningu küpülü qhicheni ke, kughengu ayeza papelu keu vechewo timi khumu achipikamla nani ke.

Galatiami 3:24

Ike Khristo no ighino aküpülü lono ningu pelo achipikalu pemo ke kutólo ayeza no ningu kheu shi acheke.

Galatiami 3:8

Alhou no aküpülü vechewo Jewkumomiqo pelo achipikaluve pe nikeu azünatha ghi Kuchoyesü no ithuluve ke, eno Abraham vilo azüu no atsakiviu piputo tsüke: “Shiyeqo kümtsü O vechewo kümgha tsü kepu shi nani.”

Ephesiami 2:9

akümlà vechewo kumoe, tishianguno khuu pelomu qheza pemo niye ke.

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.

Titus 3:7

tishianguno, paw küpükini vechewo ningu pelo achipikaluve pe no lajupu akeu gholo no lhokta küxü mheghi ighílu kemi shilu peniye ke.

James 2:18

Ikemu timi khami ye ishi pi nani, “Nono aküpülü ani; I no akümlà ani.” Akümlàqo sümo no O küpülü I piyeju lo, eno I no I kümlàqo vechewo I küpülü O pìye nani.

James 2:20

O nikhanigha timio, no ye akümlà sümo keu küpülü ye avehu küha ipikeu thopitsa avehupu shi ani keshea?

James 2:24

Timi lakhi ye pa no kiu mülà keno tipau vechewo amikucho kepi kihi cheni thono aküpülü vechewo likhi no kumo kepi nongu no ithulu ani.