Rommi 3:27 - Sümi Tiqhelimi Bible

²⁷ Tishiaye tile qheza kepu kiu ani kea? Kiumu qheza akepu kühae. Kiu yeza ghenguno kea? Ayeza lo akümlà avehupu shi akeu no keshea? Moe, ayeza lo aküpülü avehupu shi akeu ghenguno ke.

BAIBEL (BSI)

²⁷ Tishi aye tile kiu qheza kepu ani kya? Kiumu kihi akepu kuhae! Kiu kiqi lono? Timino Ayezah papelukeu kiqi lono kesha? Moe, akupulu akeu kiqi lono ke.

Sumi Naga CL (Re-edited) Bible (BSI)

²⁷ Tishi aye, aqheküzapu ye khile ani kea? Ti ye kophevae. Kiu yezah lono? Ayezah pelu keu lono keo? Moe, aküpülü khuaye lonoe.

Rommi 3:27 ပူးပေါင်းရင်းမြစ်များ

Mark 16:16

Khunoqo no pülüluve püzü baptiz shiveni keno xaluve nani, ikemu khunoqo no pülübemoni keno kiléqhive nani.

John 3:36

Khukhumu Anu shou pülü keu ye lhokta küxü ani, ikemu khukhumu Anu milive keu ye aküxü ithumla nani, kughengu panongu shou Alhou loghukighide acheni ke.

Rommi 10:5

Moses no ayeza vechewo achipiumikucho shilu chekeu ghili hipau yè ke: “Timi khuu no ayeza lo akeu papeluni keno tipau vechewo xülu nani.”

Rommi 11:6

Ike Alhou no küpükini vechewo kishe cheghi aye, tiye akümlà vechewo no kumoe. Kughengu akümlà vechewo kishe cheghi aye, küpükini ye kuchou no küpükini kumovae.

Rommi 2:17

Nongu no nongu likhi nongu pesü Jewmi ipi ku cheni aye; eno nongu no ayeza shou pükhübe no Alhou sasü küthsükime akeu lo qheza cheni aye;

Rommi 2:23

Nongu ye ayeza pükhü pe qheza acheni püzü nongu ye ayeza hebide keu lono Alhou thaigha cheni keshea?

Rommi 3:19

Ningu no ithi akeu no ayeza lo kiu-kiu pi püaghi namu tiye ayeza qholo akemiqo vilo piani, tishianguno timi no jekukivi shi chekeu kümtsü ghaküyiqüve no ayeghiqha kümtsü Alhou lau kihikülai tsüpe niye ke.

Rommi 3:26

Pa no tishi keu vechewo achipiu shilu pe eno khunoqo no Jisü shou aküpülü ani keno panoqo pelo achipikalu peniye ke.

Rommi 4:2

Kuchou lo ye Abraham no akümlà vechewo achipikalu püaghi aye, pa ye qhezakulupu kiuala anie—tishimu Alhou zülo ye qhezakulupu kühae.

Rommi 7:21

Ike ayeza no hitoi mülà akeu I no phulue: I no akivi shinishi aghí namu küsakügha shini keu kisheluve aghíe.

Rommi 7:23

ikemu I lolo ayeza kütau ghí mülà akeu I no ithulu ani. Hipau no I lolo I kükümsü yeza sasü kichighi acheni eno hipau vechewo ni ye axiné yezaw akughumi lakhi shi acheni.

Rommi 7:25

Jisü Khristo ningu Mpeu vechewo I xalu keu Lhou shikimthi! Tishiaye, I kükümsü lo I likhi ni ye Alhou yeza qüaxemi lakhi kepi kümsülu ani, ikemu I xiné lhoaye lo ni ye axiné yeza qüaxemi lakhi ke.

Rommi 8:2

kughengu Khristo Jisü vechewo Aghungu yeza khikhi aküxü tsü cheni keno tipau vechewo axiné eno akithí yeza lono nongu kuqhophevae.

Rommi 9:11

Ikemu, anukishe punú mphi züu no momu akivi eno alhoküsa kiumu shimphi züu no, Alhou no kishepüa keu kiqi lono apenike ghenguno li vilo ishi pike:

Rommi 9:31

ikemu Israelmi khunoqo ayeza no achipiumikucho laghi ipi phu cheni keno panongu ye pano kimiji tolumphie ipini keshea?

Rommi 9:32

Kushiye tishimoni kea? Kughengu panongu no aküpülü vechewo phumo no akümlàqo vechewo shilu kepu toi phu ke. Panongu ye küpüsülu chekeu tu shou püsüpukulu ke.

1 Kor. 4:7

Kughengu khuu no kütami kümtsü nguno nongu küta shilu pe kea? Alhou no nongu tsümo keu nongu ye kiu ani kea? Eno nongu no kiu ani keno tiye Alhou no nongu tsü aye, nongu ye kushiye pa no nongu tsümo ketoi qheza ani kea?

Galatiami 2:16

Tishimu ningu no ithi akeu no timi lakhi ye ayeza pape keu vechewo achipikalu chemoe, ikemu Jisü Khristo shou pülü keu vechewo no ke. Ike ningu ghí ayeza pape keu vechewo kumo no Khristo shou pülü keu vechewo achipikalu penike ghenguno Khristo Jisü shou ningu küpülü qhicheni ke, kughengu ayeza papelu keu vechewo timi khumu achipikamla nani ke.

Galatiami 3:22

Ikemu Kuchoyesü no pikeu kiqi lo thowkha kümtsü axiné ghaküsü qholo ani, tishianguno Alhou no kiu piqhipüani keno Jisü Khristo shou pülüluve kemiqo kümtsü pelo khaqhikiphe pikiqhi ithulu peniye ke.