Rommi 3:22 - Sümi Tiqhelimi Bible

²² Alhou chipiumikucho hipau ye Jisü Khristo pülü kemi kümtsü lau aküpülü akeu vechewo tsüpüani ke. Tighenguno Jewmi ngò Jewkumomi dolo kiumu kütüqü keu küha,

BAIBEL (BSI)

²² pulukemi kumtsu ghenguno Jisu Khristo lau akupulu akeu vechewo Alhou no timi pelo pa lau achipikalupe keuke. Kughengu kiumu kutuqukeu kuhae:

Sumi Naga CL (Re-edited) Bible (BSI)

²² Jisü Khristo lau aküpülü akeu vecheo pülülu kemi kümtsü Alhou lau achipikalu peniye ke. Ikehu tile kiyeqü keu kühae:

Rommi 3:22 ပူးပေါင်းရင်းမြစ်များ

Luke 15:22

“Ikemu apù hu no pa qemiqo vilo pi, ‘Papashi chijeboboi-phi akiviu süghi no pa pu-u lo. Pa u lo anguthi pesü tsülo eno pa pukhu lo apukhukuqho qhopipe lo.

Apostolmi 11:12

Aghungu Kimthe no I vilo panongu gholo wuni keu künacho kevilo ipi. Joppami athiküzümi pano tsügho ghí I gholo wue, eno ningu Cornelius ki lo ilo.

Apostolmi 15:9

Alhou ye ningu eno panongu dolo kotha-kile keu shitsümoe, kughengu pa no aküpülü vechewo panoqo mlo shikimthe tsüke.

Apostolmi 3:16

Jisü je lo pülübe keu lono timi khuu nongu no ithulu eno ithi ani keno pa ye mutotoivae. Hiye Jisü je lono eno pa lau aküpülü akeu vechewo nongu no ithulu ake toi timi hipau ye kupukülai shipivivae.

Rommi 1:17

Kughengu atsakiviu lono Alhou chipiumikucho pephe-piyevae. Achipiumikucho tiye atüghi lono ashekha kutólo aküpülü vechewo ke, tiye hitoi yèpüa keu toi ke: “Amikuchomi ye aküpülü vechewo xülu nani.”

Rommi 10:12

Kughengu Jewmi ngò Jewkumomi dolo kiumu kütüqü keu kühae. Ampeu hipau ye kümtsü Mpeu ke eno pa ku kemi kümtsü kupukuno shi kümgha tsü cheni,

Rommi 10:4

Küpülümi kümtsü pelo achipikalu penike ghenguno Khristo no ayeza kishekhave tsüke.

Rommi 2:1

Tighenguno nongu khunoqo no kütami shou küghathabe cheni keno nongu ye ajekukivi kiumu kühae, kughengu nongu no kiu-kiu kiqi ghenguno kütami shou küghathabe aghí namu, tiye nongu likhi nongu kiléqhive ani, kughengu khuno no kütami shou küghathabe cheni keno pano ghí kütami toi küsakügha kümlà shi cheni ke.

Rommi 3:30

kughengu Alhou lakhi likhi ani, pa no aküpülü vechewo aphighüyiko ghave kemi pelo achipikalu pe nani, eno aphighüyiko ghamo kemi pelo ghí tipau tho lono aküpülü vechewo achipikalu pe nani.

Rommi 4:16

Tighenguno, Alhou’w pikiqhi ye aküpülü vechewo ighi cheni, tishianguno pikiqhi ye küpükini vechewo Abraham nuli-kughukoqo kümtsü lau mütsümishei shilu peniye ke—tiye ayeza papelu chekemiqo lau likhi kumo, ikemu Abraham küpülü toi aküpülü aghí kemiqo lau ghí ke. Abraham ye ningu kümtsü papù ke.

Rommi 8:1

Tighenguno Khristo Jisü’w shiluve kemi shou ye küghathabemo nani,

Rommi 9:30

Tishiaye ningu ye kiu pìní kea? Jewkumomi khunoqo no achipiumikucho phumo keno panongu ye aküpülü vechewo achipiumikucho ithuluvae;

1 Kor. 12:13

Kughengu ningu no Jewmi momu Jewkumomi shi aghina, aqüaxemi momu kuqhopheve kemi shi aghí namu aphimpi lakhi shive penike ghenguno ningu kümtsü Aghungu lakhi lono baptiz shike eno ningu kümtsü lau Aghungu lakhi tsüke.

1 Kor. 4:7

Kughengu khuu no kütami kümtsü nguno nongu küta shilu pe kea? Alhou no nongu tsümo keu nongu ye kiu ani kea? Eno nongu no kiu ani keno tiye Alhou no nongu tsü aye, nongu ye kushiye pa no nongu tsümo ketoi qheza ani kea?

Galatiami 2:16

Tishimu ningu no ithi akeu no timi lakhi ye ayeza pape keu vechewo achipikalu chemoe, ikemu Jisü Khristo shou pülü keu vechewo no ke. Ike ningu ghí ayeza pape keu vechewo kumo no Khristo shou pülü keu vechewo achipikalu penike ghenguno Khristo Jisü shou ningu küpülü qhicheni ke, kughengu ayeza papelu keu vechewo timi khumu achipikamla nani ke.

Galatiami 2:20

Ni ye Khristo gholo yedaküqhavae eno ni ye I ghò shi xü anike kumovae, ikemu Khristo no I lolo xü anie. Itehi I phimpi lo xü akeu küxü ye Alhou Nu khuu no I kimiye eno I ghenguno pa küxü tsüve keno pa shou aküpülü qhi no xüani.

Galatiami 3:22

Ikemu Kuchoyesü no pikeu kiqi lo thowkha kümtsü axiné ghaküsü qholo ani, tishianguno Alhou no kiu piqhipüani keno Jisü Khristo shou pülüluve kemiqo kümtsü pelo khaqhikiphe pikiqhi ithulu peniye ke.

Galatiami 3:28

Ikehu Jewmi ngò Jewkumomi, aqüaxemi ngò kuqhopheve kemi, kipitimi ngò totimi dolo kütüqü keu kühae, kughengu Khristo Jisü gholo kimepe akeu lono nongu kümtsü lakhi ke.

Ephesiami 3:12

Pa gholo xüküqha pe akeu ghenguno eno pa lau aküpülü akeu vechewo ningu ye ighümo no pülükibe shi Alhou lau wulu nani.

FILIPIAMI 3:9

eno pa gholo küqhaluve niye ke. Ayeza papelu keu vechewo I likhi I chipiumikucho shilu keu kumo kemu Khristo shou pülülu keu lono achipiumikucho akeu hu ke—achipiumikucho tiye aküpülü vechewo Alhou lau no ighi cheni.

Kolosiami 3:11

Alhoaye akitheu küxü hipau lo ye Jewmi momu Jewkumomi, aphighüyiko ghave kemi momu aphighüyiko ghamo kemi, ayekümthami, Scythiami, aqüaxemi momu kuqhopheve kemi kühae, ikemu Khristo no kümtsü nguno akhotou eno pa ye kümtsü lolo anike.

James 2:23

Eno Kuchoyesü lo ishi yèpüa keu shikupu ke, “Abraham no Alhou pülüluve, eno tipau no pa ye amikuchomi kepi kihitsüe,” eno pa ye Alhou’w ashou ipi ku ke.