Rommi 3:20 - Sümi Tiqhelimi Bible

²⁰ Tighenguno ayeza lo shikupulu keu vechewo timi khumu Alhou zülo achipiu kepi shuphelu chemoe; tike kumo no ningu ye ayeza vechewo ningu xiné kümsülu chenie.

BAIBEL (BSI)

²⁰ Kughengu Ayezah vechewo timi pelo paye axine shivaepi ithipe cheni kethono, Ayezahlo shilo pi puakeu shilukeu lono timi khumu Alhou zulo achipi kalukeu shimlae.

Sumi Naga CL (Re-edited) Bible (BSI)

²⁰ Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.

Rommi 3:20 ပူးပေါင်းရင်းမြစ်များ

Apostolmi 13:39

Moses yeza lo nongu no achipikamla no achekeu, khukhumu pa pülü keu vechewo axiné jeli kümtsü lono khaqhikiphe ithulue.

Rommi 2:13

Kughengu Alhou nhekithe lo ye ayeza ini kemiqo no achipiu shilu cheni ke kumoe, ikemu ayeza gholu kemiqo no achipiu mikuchomi kepi shukiphe shitsü cheni.

Rommi 3:28

Kughengu ningu no ithi akeu no timi lakhi ye ayeza papelu keu lono kumo püzü aküpülü vechewo achipikalu cheni ke.

Rommi 4:13

Abraham eno pa nuli-kughukoqo ye ayeza vechewo pa ye ayeghiqha mheghi kiyighiu shi nani kepi Alhou no piqhipüa keu ighílu ke kumoe, ikemu aküpülü lono achipiumikucho shilu chekeu vechewo no ke.

Rommi 4:15

kughengu ayeza no Alhou loghu süghi cheni ke. Eno khilehi ayeza küha keno tilehi hekibide kühae.

Rommi 5:13

Mütsüqhei nike ghenguno ayeza tsümphi züu no axiné ye ayeghi lo ache, ikemu khilehi ayeza küha keno tilehi ye timi lakhi shoumu axiné kihikülai tsümoe.

Rommi 5:20

Hekibide kighishe penike ghenguno ayeza iloghi ke. Ikemu khile axiné kighishe keno tilehi küpükini alau shi kighishe ke,

Rommi 7:11

Kughengu axiné no azakütsü vechewo adokivi süghi keu hu no I pishiqhive ke, eno azakütsü vechewo I pìthíve ke.

Rommi 9:32

Kushiye tishimoni kea? Kughengu panongu no aküpülü vechewo phumo no akümlàqo vechewo shilu kepu toi phu ke. Panongu ye küpüsülu chekeu tu shou püsüpukulu ke.

1 Kor. 15:56

Akithíw ghüzakulupu sahu ye axiné ke, eno axiné küká ye ayeza ke.

Galatiami 2:16

Tishimu ningu no ithi akeu no timi lakhi ye ayeza pape keu vechewo achipikalu chemoe, ikemu Jisü Khristo shou pülü keu vechewo no ke. Ike ningu ghí ayeza pape keu vechewo kumo no Khristo shou pülü keu vechewo achipikalu penike ghenguno Khristo Jisü shou ningu küpülü qhicheni ke, kughengu ayeza papelu keu vechewo timi khumu achipikamla nani ke.

Galatiami 2:19

“Kughengu ni ye Alhou ghenguno xü anike ghenguno ayeza vechewo ni ye ayeza lo thivae.

Galatiami 5:4

Nongu khunoqo no ayeza vechewo achipikalu niye pükapütsa ani keno nongu ye Khristo lau no kütüta shivae; nongu ye küpükini lau no ikiqivae.

IBRIMI 7:19

(kughengu ayeza ye kiumu kupukülai shitsümo ke), eno lajupu akiviu lakhi kilethi tsüke, tipau vechewo ningu ye Alhou lau kupunú wu chenie.