Rommi 2:29 - Sümi Tiqhelimi Bible

²⁹ Ikemu, timi khuu no alolo no Jewmi keno pa ye Jewmi ke; eno akiyé yeza lo yèpüa keu vechewo kumo no Alhou Ghungu vechewo amlo kililu keu hu no aphighüyiko-küghá kuchou ke. Titoi kemi lakhi ye timi kütami lau no kumo püzü Alhou lau no akishé ithulu cheni.

BAIBEL (BSI)

²⁹ Ikemu timi khuno alouno Judami keno kuchouno Judamike, eno aphighu yiko ghakeu kuchouye amlolo ke. Tiye Alhou Ghungu no mlatsukeu kethono yepuakeu yezah kiqi lono shikeuhu kumoe. Timi tipauye Alhou launo akishe ithulu cheni, eno timi launo kumoe.

Sumi Naga CL (Re-edited) Bible (BSI)

²⁹ Ikemu Jewmi kuchou ye alou noe, eno aphighüyiko kügha ye Aghungu vecheo amlo lo shikeu thono pimheye lono kumoe. Hitoi kemi ye timi launo kumono Alhou launo shekiqhe ithulu cheni.

Rommi 2:29 ပူးပေါင်းရင်းမြစ်များ

Luke 11:39

Tisheno Ampeu no pa vilo pi, “Pini keu lo nongu Phariseemiqo ye akhu ajikhu ashou ye shikimtheve cheni ikemu nongu lolo alakimine ngò küsakügha no chhitoi anie.

Luke 17:21

momu timi khunomu Alhou kükaphu ye, ‘Hilehi ani,’ momu ‘Tilehi ani,’ ipi pimo nani kughengu Alhou kükaphu ye nongu bocho lo anie.”

John 12:43

kughengu panongu ye Alhou no sheqhe keu nguno alau timi no sheqhe keu kimiye cheni ke.

John 4:23

Tishiaghimu ado lakhi cheni eno tiye ighivae, tiye kuchou no mülá chekemiqo no Aghungu eno kuchou lono Apù mülá nani, kughengu panongu ye Apù no phu chekeu kümlamíqo ke.

John 5:44

Nongu ye lakhi no lakhi lau sheqhe keu ikhilu cheni ikemu shekiqhe Alhou lau likhi no ighi chekeu ye phumo ke kíshi no pülüni kea?

Rommi 14:17

Kughengu Alhou kükaphu ye kuchu-kusho vehu kumoe, ikemu tiye achipiumikucho, aloino keu, eno Aghungu Kimthe vechewo alokivi ke.

Rommi 2:27

Nongu no akiyé yeza aghí eno aphighüyiko ghave aghí namu ayeza hekibidemi lakhi ke ghenguno Jewkumomi aphighüyiko ghamo namu ayeza gholu chekemi no nongu kiléqhive nani.

Rommi 3:1

Tishiaye, Jewmi lakhi shi akeu lo kiu alá ani, momu aphighüyiko-küghá lo ameküa kiu ani kea?

Rommi 7:6

Ikemu itehi ye ayeza lono ningu kuqhophevae, kughengu ningu ye tipau lo thivae eno tipau küká kütsügha lono ipeghivae. Itehi ningu ye aqau küxü lo yèpüa keu yeza gholu keu vechewo kumo no Aghungu lono aküxü kithé xü keu lono Alhou qeluni ake.

1 Kor. 4:5

Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

1 Kor. 7:19

Aphighüyiko ghave keu na ghamo keu namu akhoto kumoe. Alhou zakütsüqo papelu keu hu no akhotou ke.

2 Kor. 10:18

Kughengu timi lakhi no pa likhi pa sheqhe keu ye achipi kumoe, ikemu Alhou no sheqhe keu no achipi ke.

2 Kor. 3:6

Pa no puloshoqhi akitheu lo ningu pesü pichebekümlà shikulupumi shipeke—tiye yèsü lo yèpüa keu lono kumoe ikemu Aghungu lono ke; kughengu aqau puloshoqhi yèsü hu ye akithipu tsü cheni, ikemu akitheu puloshoqhi lo ye Aghungu no aküxüpu tsü cheni.

FILIPIAMI 3:3

Kughengu ningu ye kuchou no aphighüyiko ghave kemiqo ke, Aghungu lono Alhou qe chekemi, Khristo Jisü lono agijivilei chekemi, eno timi lhoaye shou pülükibe qhichemo kemiqo ke,

1 Thes. 2:4

Ikemu, ningu ye Alhou no pulove tsü no atsakiviu pesü pichetsü kemi toi pi acheni. Ningu ye timi pulou shi niye ke kumoe, ikemu Alhou khuu no ningu mlo peju acheni keno pa pulou shini ke pükapütsa anie.

1 Peter 3:4

Tishini ke züqhu nongu jukivi ye nongu lolo, idive chemo keu iqüighai keu ngò iqünhei keu ngulho, khikhi Alhou zülo ighono amekusho keno, tipau no nongu jukivi shi moayesa ke.