Rommi 2:16 - Sümi Tiqhelimi Bible

¹⁶ Hiye I no atsakiviu pikülha chekeu lono pive ketoi kughou Alhou no Jisü Khristo vechewo timiqow tuqhou shou küghathabe nike no tipau tsalà lono shi nani.

BAIBEL (BSI)

¹⁶ Ino pikulha chekeu tsakiviu kiqiloye, kughou Alhou no Jisu Khristo vechewo timi mlolo tuqhou kukumsu kumtsu shou kughathanikeu tsalalo, hitoi shi nani.

Sumi Naga CL (Re-edited) Bible (BSI)

¹⁶ I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

Rommi 2:16 ပူးပေါင်းရင်းမြစ်များ

MATTHEW 16:27

Kughengu Timi Nu ye papù juküvü lono paw kungumiqo sasü ighi nani, eno tisheno pa no timi lüthü lakhi no kiu mülà püaghini keno tipau kiqi lono qesaxu tsü nani.

Luke 8:17

Kughengu küsüpe püakeu lakhimu pephe-piyemo keu shimo nani eno nhapüa keu lakhimu ithive pemo keu shimo nani.

John 12:48

Khuu no I miliveni eno I tsa ikhilumoni keno panongu ghenguno küghakütha ani; I no pive keu tsa hu no ashekha tsalà lo panoqo kiléqhive nani.

Apostolmi 10:42

Pa no ningu vilo atsakiviu timiqo lau kütsü lo ipi azah tsü eno küxümi ngò kithimi shou küghaküthau shipe niye Alhou no süküsü shikeu hu ye pa ke ipi ashepe shilo pike.

Apostolmi 17:31

Kughengu Alhou no timi lakhi süküsü shipepüa keu vechewo ayeghiqha shou amikucho lono küghatha nikeu tsalà lakhi püghüpe püanie. Hipau pülülu penike timi kümtsü lau tsü akeu shi ghi pa no akithí lono pa xüputhuveke.”

Rommi 16:25

Itehi ye I no pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü sütsa hipau no nongu Jewkumomiqo ghenguno Alhou’w tuqhou küsüpüa chekeu pephe-piye anike, hiye tiqheli kushuwa kutólo küsüpe püa chekeu lakhi ke.

Rommi 2:5

Ikemu nongu no kuthovi keu eno nongu mlo pebidemo keu ghenguno nongu ye Alhou loghu tsalà ghenguno nongu likhi nongu sala aghime pekike auvae, tiye Alhou no pa chipiumikucho küghakütha pephe-piye niye akeu tsalà ke.

Rommi 3:6

Mütsüqhei no tishimoe! Tsalá tishiaghi aye, Alhou ye kíshi ayeghiqha shou küghathabe luni kea?

1 Kor. 15:1

Athiküzümi eno achelimiqo, itehi ni ye nongu lau I no atsakiviu kütsü keu, khikhi nongu no ikhilu eno tipau shou puthugholuva keno, tipau nongu lau pikithe nishi ani.

1 Kor. 4:5

Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

2 Kor. 5:10

Ningu lüthü lakhi-khi no ayeghi phimpi hipau lo ache kelo akivi kümlà momu alhoküsa kümlà mülàpüa keu jume ithulu penike ghenguno ningu kümtsü Khristo küghakütha lakhü zülo ighi moayesa nani.

Galatiami 1:11

Athiküzümi eno achelimiqo, ni ye I no atsakiviu kütsü chekeu ye timi lau no ighimo kepi nongu pelo ithi penishi ani.

1 Tim. 1:11

Kuchou külü ye kükümgha Lhou juküvü vehu tsakiviu gholo pulolu chekeu ke. Eno tipau ye Alhou no I pichetsü keu kümlà ke.

2 Tim. 2:8

Jisü Khristo ye akithí lono xüputhuve eno David polokughukomi kepi kümsülulo. I no piche keu tsakiviu ye hike,

2 Tim. 4:1

Küxümi eno kithimi shou küghathabe niye akeu Lhou eno Khristo Jisü khuu ipeghi niye ani eno pa kükaphu ghenguno I no hipau O pichetsü ani:

2 Tim. 4:8

Itehi I ghenguno achipiumikucho kütsükuqho khikhi qhipüani keno achipiu Xaküthau Ampeu no tipau tsalà lono qesaxu I tsü nani. Eno I likhi kumo ikemu pa ikighi khekulhoshi akemiqo ghí kümtsü tsü nani.

IBRIMI 9:27

Timiqo ye ghuthu lakhi thive nikeu kughuchope qhive keu toi, eno tithiu ye küghakütha sholu niye akeu toi,

1 Peter 4:5

Ikemu panongu ye khuu no küxümi eno kithimi shou küghathabe nike kutò pe ani keno pa lau kihikülai tsü moayesa nani.

2 Peter 2:9

tsalá ishi aghí aye, Ampeu ye kíshi no peju keu lono alhou sükümsami xalu nani keno ithi ani eno kíshi no küghakütha tsalà lo amikucho kumomi ghimeqhi nani keno ithi ani.