Rommi 16:7 - Sümi Tiqhelimi Bible

⁷ Andronicus ngò Junia pama lau petha tsülo. Pama ye I küsàmi Jewmi eno I gholo kümtsa akughu lo acheke. Pama ye apostolmiqo dolo akiqheu shi ikhilu chekemi, eno pama ye I züu no Khristo pülüluve ke.

BAIBEL (BSI)

⁷ Andronika ngo Junia pamaye akusami Judami, igholo kumtsa akughulo acheke, pama lau petha tsu ani. Pamaye Apostolmi no akivishi ithiakemi, eno pamaye izuuno Khristomi shiluvekemi.

Sumi Naga CL (Re-edited) Bible (BSI)

⁷ I thiküzümi eno I gholo akughumi shi achekeu Andronicus ngo Junia pama lau petha tsülo. Pama ye apostolmi no ithi akemi, eno I züuno Khristo laumi shive kemie.

Rommi 16:7 ပူးပေါင်းရင်းမြစ်များ

John 14:20

Tipau tsalà lo nongu no ni ye I pù lolo ani, eno nongu ye I lolo ani eno ni ye nongu lolo ani kepi vethalu nani.

John 15:2

Pa no I lolo athi pithímo keu lokaqo kümtsü micheve cheni, eno aloka athi pithí akeqo kümtsü pelo alau kutomo pithílu penike ghenguno pa no kixiphe chenie.

John 6:56

Khukhumu I shi chu eno I jì ye keu ye I gholo kimepe ani eno I no panongu lolo ani.

Rommi 16:10

Apelles, khuu Khristo pülü akeu lo theqhikulu shi puthugholu keno, petha tsülo. Aristobulus kibolomiqo lau petha tsülo.

Rommi 16:11

I küsàmi Jewmi Herodion lau petha tsülo. Narcissus kibolomi khunoqo Ampeu’w timi keno petha tsülo.

Rommi 16:21

I gholo mülà küqha chekeu Timothy no paw petha nongu tsüpuwu ani eno titoi I küsàmi Jewmi Lucius, Jason eno Sosipater ghí panonguw petha tsüpuwu ani.

Rommi 16:3

Khristo Jisü lono I gholo mülà küqha chekeu Priscilla ngò Aquila pama vilo iw petha tsülo.

Rommi 16:6

Petha Mary tsülo. Li ye nongu ghenguno ichhe-ime mülà cheke.

Rommi 16:8

Ampeu lono I no kimiye chekeu aküsàu Ampliatus petha tsülo.

Rommi 16:9

Khristo lono mülà küqha akeu Urbanus eno I no kimiye chekeu aküsàu Stachys petha tsülo.

Rommi 8:1

Tighenguno Khristo Jisü’w shiluve kemi shou ye küghathabemo nani,

Rommi 8:11

Eno Alhou Ghungu khuu Khristo akithí lono xüputhu keno pa no nongu lolo xü aghí aye pa no akithí lono Jisü xüputhuveke toi nongu lolo pa Ghungu xü akeu ghenguno nonguw thiveniküau phimpi lo ghí aküxüpu tsü nani.

Rommi 9:3

Shikulupu shi aghí ke aye I likhi niu no ni shiaye eno niw timi Israelmiqo ghenguno Alhou ngusü shive no Khristo lau no küghüxave nishi cheni.

1 Kor. 1:30

Alhou ghenguno nongu ye Jisü Khristo gholo anike, eno Khristo Jisü vechewo Alhou lau no ighi keu lokütsü ningu tsüke—tiye ninguw achipiumikucho, akimthe eno xachilekulu ke.

2 Kor. 11:23

Panongu ye Khristo qemiqo keshea? (Ni ye küghüzümi lakhi toi ishi piani.) Ni ye panongu nguno aqeu akiviu ke. Ni ye panongu nguno shishe mülà püani, akughuki lo ghuthu kutomo ilo püani, aloqhi I heqhi pe püani, eno ghuthu kutomo thive ke kumlho shipüani.

2 Kor. 12:2

I no Khristo lono timi lakhi ithi ani; ike tiye Ampe chighibidi züu ni ye kunguu kungugha aküthüu lo saikuve ke. Tiye aphimpi lono keo aphimpi qhive no iku keno ni ye mthae. Alhou no ithi ani.

2 Kor. 5:17

Tighenguno, timi khukhumu Khristo gholo xükimeluve aye pa ye lhoxü kithé shiluvae: Aqau ye wovae eno akitheu ighivae!

2 Kor. 5:21

Khristo ye axiné kühae, ikemu Alhou no pa pesü ningu ghenguno axinemi kughulhove tsüke, tishi keu lono ningu pelo pa gholo küqha pe akeu vechewo Alhou’w achipiumikucho küsajelu peniye ke.

Galatiami 1:22

Khristo lono Judea lo akukuhou akeqo ye lüthü shi ni mthae.

Galatiami 2:2

Ni ye piyeküsü lakhi ghenguno eno khunoqo akukuho lo sakiphemiqo shi akeno tipaqo sasü lomo shi küptsa niye wue. Tisheno I no Jewkumomiqo gholo kütsü chekeu atsakiviu pesü panongu lau lhepiye ke. Tiye I no kiu mülà ani eno kiu mülà ighivea keno tipaqo ye adou kumo kepi mütsümishei shive nishi yé ke.

Galatiami 2:6

Khunoqo no akukuho lo sakiphemi shi acheni keno—panongu no kiu shi cheni keno tiye I ghenguno kiumu kütüqü keu kühae; Alhou ye agi ju chemoe—sakiphemi shi akeu ju-aje pesü I kükütsü sütsa lo kiumu süküqha akepu kühae.

Galatiami 5:6

Kughengu Khristo Jisü gholo ye aphighüyiko ghave keu momu aphighüyiko ghamo keu nomu akhoto kumoe. Ikemu kikimiye vechewo aküpülü pephe-piye keu likhi kihi cheni ke.

Galatiami 6:15

Aphighüyiko ghave keu momu aphighüyiko ghamo keu nomu akhoto kumoe; kiu no akhoto kepi aye, lhoxü kithé shiluve keu no ke.

Ephesiami 2:10

Kughengu ningu ye Alhou no azüu no ningu ghenguno akümlà kivi kutò pe qhipüakeqo mülà peniye Khristo Jisü vechewo lhophe ke. Eno ningu ye Alhou’w au no mülà keqo ke.

Kolosiami 4:10

I gholo akughumi shi akeu Aristarchus no petha nongu tsüpuwu ani, eno titoi Barnabas nó bolomi Mark ghí petha tsüpuwu ani. (Nongu vilo Mark ghili ashe-azü shi kichevetsü akehu tsalá pa no nongu lau ighi aye, pa sasǘ lo.)

Philemon 1:23

Epaphras, Khristo Jisü lono I gholo kümtsa akughu shi akeu no petha nongu tsüpuwu ani.

1 John 4:13

Ningu no pa lolo xü eno pa no ningu lolo xü akeu ningu no hitoi ithi cheni: Pa no pa Ghungu pesü ningu tsüvae.

1 John 5:20

Ningu no itaghi ithi akeu ye Alhou Nu ye ighivea eno vethakulu pesü ningu tsüvae, tishianguno ningu ye khuu no kuchou keno ithilu peniye ke. Eno ningu ye pa Nu Jisü Khristo khuu kuchou keno pa gholo xü kimepe keu vechewo pa lolo ani. Pa ye kuchou Lhou eno lhokta küxü ke.

Piyeküsü 1:9

Ni John, nongu thiküzüu eno Jisü kükaphu lo aghime küsaje küqha akeu, kheakulu shi kutuukulu shipe niye Jisü no ningu kulù ketoi ni ye Alhou tsa eno Jisü shepe shikeu ghenguno Patmos züdoyeghi lo I küghape qhive ke.