Rommi 16:2 - Sümi Tiqhelimi Bible

² Nongu pelo Alhou’w timi sasü chekeu toi Ampeu je lono li sasü tsü penike I no nongu lau qhüiniju ani. Eno li no nongu lau no kiu akukuphu avehupu shini keno kuphutsü penike qhüiniju ani, kughengu li ye I likhi kumo no timi kutomo kuphu püani ke.

BAIBEL (BSI)

² Ike nonguno Alhou timi sasulu ketoi Ampeu lono li sasutsulo, eno lino nongu launo kiu avehupushi aghini keno li kuphutsulo, kughengu liye timi kutomo kuphuchekemi eno tihutoi ikuphu chenie.

Sumi Naga CL (Re-edited) Bible (BSI)

² küpülümi sasükile chekeu ghola lono nongu no Ampeu küdau no li sasü tsülo, eno kiu kiumu li no nongu launo avehupu shi aghikeu ye li kuphu tsülo, kughengu li ye aghütsüghi shi, ni ghi kihisü no, timi kutomo kuphu acheni.

Rommi 16:2 ပူးပေါင်းရင်းမြစ်များ

MATTHEW 25:40

“Akükau no khochile nani, ‘Kuchou no I no nongu vilo pìní, nongu no I thiküzümi eno I chelimi hipaqo gholo akitilau lau kiu shitsü keno tiye I lau mülà ke.’

Apostolmi 9:13

Ananias no khochile, “Ampeu, ni ye timi hipau eno pa no Jerusalem lo ow akimthe timiqo ghimeqhi keu ghiliqo kutomo chiluvae.

Apostolmi 9:15

Ikemu Ampeu no Ananias vilo pi, “Wulo! Timi hipau ye iw küghaküsü shi Jewkumomi, kükami eno Israel timiqo lau I je pesü asheshu penike I no kisheluvae.

Apostolmi 9:36

Joppa lo küpülümi lakhi Tabitha (Greek lo li je ye Dorcas) ipikeu ache; li ye alhokuthu lo akümlà kivi shi eno kumlhomiqo kuphu ache.

Apostolmi 9:39

Peter no panongu gholo wu, eno kughou pa no ighi keno pa sasü achebo kunguu jolha lo saiku. Chimemi kümtsü no pa sümxa pe puthugho ae, eno panongu no qa ghi Dorcas no panongu gholo ache kelo chijeboboi-phi eno tiphimini kütau ghò keqo pa pìye.

Apostolmi 9:41

Peter no pa u chhopuwo no li sünhe puthuve. Tishive no Peter no küpülümiqo eno akhotoshi chimemiqo ku püzü pa no li püxü pe panongu tsüe.

Rommi 15:7

Tishiaye Alhou juküvüpu shipe nike ghenguno Khristo no nongu ikhilu ketoi nongu ghí lakhi no lakhi ikhilulo.

Rommi 16:15

Philologus, Julia, Nereus eno pa chepu, ngò Olympas eno panongu gholo Ampeu’w timi akeqo kümtsü lau petha tsülo.

Rommi 16:23

Hilau, ni eno akukuhomi kümtsü lopiqitsü ghi sasǘ tsü akeu Gaius no paw petha nongu tsüpuwu ani. Erastus, khuu mishighüna lo mìshí kümlamìqow mijekütsüu keno, eno ningu thiküzüu Quartus pama no petha nongu tsü ani.

Rommi 16:6

Petha Mary tsülo. Li ye nongu ghenguno ichhe-ime mülà cheke.

Rommi 16:9

Khristo lono mülà küqha akeu Urbanus eno I no kimiye chekeu aküsàu Stachys petha tsülo.

Ephesiami 5:3

Ikemu nongu dolo kipito xüküpsa, momu mithekumo jeli kiu-kiumu, momu alakimine kitilamu aghí pe kepu kumoe, kughengu hipaqo ye Alhou’w akimthe timiqo ghenguno achipikumo ke.

FILIPIAMI 1:27

Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

FILIPIAMI 2:29

Tishiaye, Ampeu lono alokivi kijè shi no pa sasǘ lo, eno timi pa toi kemi gihu lo,

Kolosiami 4:10

I gholo akughumi shi akeu Aristarchus no petha nongu tsüpuwu ani, eno titoi Barnabas nó bolomi Mark ghí petha tsüpuwu ani. (Nongu vilo Mark ghili ashe-azü shi kichevetsü akehu tsalá pa no nongu lau ighi aye, pa sasǘ lo.)

1 Tim. 2:10

ikemu akümlà kivi hu no ananu shipe nishi ani, kughengu hino Alhou mülá niye shuphe chekemi totimiqo ghenguno achipi ke.

2 Tim. 1:18

Ampeu pelo tsalà tipau lo pa lau kimiyekini pìyelu peniu! Ephesus lo pa no alaghi ajeli kutomo lono I kuphu keu nono akivishi ithi anike.

Titus 2:3

Tihutoi, totimi kichimiqo vilo panongu küxü ghola lo gihu küzüpu shi xü nikeu, timi no pipüthamo nikeu momu aji shokümzümi shimo nikeu shikalo eno kiu no akivi keno tipau shikalo.

Philemon 1:12

Pa ye I mlo kuchuu ke. I no pa pesü O lau kighide puwo ani.

Philemon 1:17

Ike tsalá nono ni ye kütüna akemi lakhi kepi kümsü aghí aye, I sasǘ akeshi no ye pa sasülu tsülo.

2 John 1:10

Tsalá khuala no nongu lau ighino akükütsü hipau peighimo aye, panongu pelo nongu ki lo iloghi pe kevilo momu panongu sasǘ kevilo.