Rommi 16:12 - Sümi Tiqhelimi Bible

¹² Tryphena ngò Tryphosa, khuu totimi dolo Ampeu kümlà lo ichhe-ime mülà acheni keno petha tsülo. I no kimiye chekeu aküsàu Persis, totimi kütami khuu Ampeu ghenguno ichhe-ime mülà ache keno petha tsülo.

BAIBEL (BSI)

¹² Ampeu kumla kishimi Trofina ngo Trofosa pama lau petha tsu ani. Kimiyechekeu Persi lau petha tsu ani, paye Ampeu ghenguno aka aveshi mlacheke.

Sumi Naga CL (Re-edited) Bible (BSI)

¹² Ampeu kümlapu lo akemi, Tryphaena ngo Tryphosa pama lau petha tsülo. Kimiyekicheu Persis khuu aka-aveshi Ampeu kümlapu lo acheni keno petha tsülo.

Rommi 16:12 ပူးပေါင်းရင်းမြစ်များ

MATTHEW 5:47

Eno nongu no nolikhi now timi likhi sasü petha shi aye, nongu ye kütami nguno alau kiu shilu ani kea? Jewkumomiqo ghí tishi shichemo keshea?

MATTHEW 9:38

Tighenguno ghile Mpeu vilo, pa lu lo ajumiqo puhu tsü penike inikhulo.”

Rommi 16:11

I küsàmi Jewmi Herodion lau petha tsülo. Narcissus kibolomi khunoqo Ampeu’w timi keno petha tsülo.

Rommi 16:13

Rufus, Ampeu no kishelu keu, eno pazá, khuu I zá toi keno, pama petha tsülo.

1 Kor. 15:10

Ikemu Alhou’w küpükini vechewo I pelo apostolmi lakhi shilu pe ke, eno I lau paw küpükini tsü keu hu ye adou shivemoe. Moe, ni ye panongu kümtsü nguno alau aghime shi mülà acheke—tishiaghimu tiye I no kumoe, ikemu Alhou’w küpükini I gholo achekeu hu no ke.

1 Kor. 15:58

Tighenguno, I no kimiye chekemi athiküzümi eno achelimiqo, mutotoi puthugho lo. Kiu pelo nomu nongu süküghütha pe kevilo. Pülhapuju lo nongu likhi nongu dokivi kümtsü pesü Ampeu kümlapù lo tsülo, kughengu nongu no ithi akeu toi Ampeu ghenguno mülà keu lo khilemu adou shive chemoe.

1 Kor. 16:16

nongu kümtsü titoi kemi shilo eno khunoqo no akümlà lo kutubo cheni eno ichhe-ime mülà acheni keno tipaqo lau nongu likhi nongu ikhiphe pe tsülo.

Kolosiami 1:29

Hi ghenguno ni ye Khristo küká I lolo mülà akeu shou pükhübe no shishe ichhe-ime mülà acheni.

Kolosiami 4:12

Epaphras khuu Khristo Jisü qeu lakhi eno nongu gholo kuposhu ache keno pa ghí petha tsüpuwu ani. Pa ye pülhapuju nongu ghenguno pulopiniyi inikhu acheni, tiye nongu pelo thowkha kümtsü lo Alhou pulou shilu no ithamo püzü tekhoi eno mütsüqhei shi puthugholu peniye ke.

1 Thes. 1:3

Ningu ye ningu Lhou eno Apù zülo nongu küpülü vechewo akümlà ipeghi keu, kikimiye vechewo nongu kümlà kite keu, eno ningu Mpeu Jisü Khristo lono lajupu akeu no müzüsütsü keu vechewo nongu no kutuukulu shi akeu kümsülu acheni.

1 Tim. 4:10

Tighenguno ningu ye mülà acheni eno pükapütsa acheni, kughengu ningu ye xü akeu Lhou shou ninguw lajupu qhivea ke. Pa ye timi kümtsüw Xakuluu ke, eno akhotoshi pülü chekemiqow Xakuluu ke.