Rommi 15:8 - Sümi Tiqhelimi Bible

⁸ Alhou no Apù-asüqo lau piqhipüa keu ye kuchou kepi pìye nike ghenguno Khristo ye Jewmiqo lau aqemi lakhi toi ighi kepi kümsülulo.

BAIBEL (BSI)

⁸ Kughengu ino nongu vilo piakeuno Khristo ye Judami qeu lakhi shive puzu Alhou ye pukhube lukeu kepi piyeni ke eno apu-asu lau piqhipuakeu hu shikumtoniyeke.

Sumi Naga CL (Re-edited) Bible (BSI)

⁸ I no nongu vilo piani ke Khristo ye Alhou mikucho piyeni ye Jewmi qeu shive, tishianguno püzüu apuasüqo lau pikiqhitsa tsükeu ye xüaphi kepi iqhikumto tsüniye ke,

Rommi 15:8 ပူးပေါင်းရင်းမြစ်များ

MATTHEW 15:24

Jisü no khochile, “Ni ye Israelmi ambe toi pühave kemiqo lau likhi I puwu ke.”

MATTHEW 20:28

kughengu Timi Nu ghí kütami pelo pa qe peniye ighike kumoe, ikemu kütami qe niye ighike, eno pa küxü pesü tsü no timi kutomo xaphelu niye ighike.”

John 1:11

Pa ye pa likhi paw timiqo gholo ighike, ikemu pa likhi paw timiqo no pa ikhilumoe.

John 10:16

Ni ye khaküthabo hilehi küha keu ambe kütauqo anie. Ni ye panongu ghí süghi moayesa ani. Panongu ghí I sütsa ini nani, eno tilehi ye ambe loji lakhi ngò ambe kheu lakhi anani.

Apostolmi 13:46

Tishi kelo Paul ngò Barnabas pama no akumto shi panongu khochile: “Ningu ye atüghishi Alhou tsa pesü nongu vilo pi moayesave ke. Ikemu nongu no milive eno nongu likhi nongu ye lhokta küxü ithulu küzü kumoe ipi ikhiluve ke, itehi ningu ye Jewkumomi lau wuni ae.

Rommi 11:22

Tighenguno Alhou ye kiutoi küpüqhiyi eno ayiküsa keno kümsülulo: pa ye veqhive kemi lau ayiküsa shi cheni, ikemu nongu no paw küpüqhiyi keu lo cheche aye nongu lau küpüqhiyi keu anani. Tishimo aye, nongu ghí miché peve nani.

Rommi 11:30

Ado lakhi lo nongu Jewkumomiqo ye Alhou gholumo no ache kemu itehi ye Jewmi ghokulu kumo ghenguno nongu no Alhou’w kimiyekini ithulu ketoi,

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Rommi 3:26

Pa no tishi keu vechewo achipiu shilu pe eno khunoqo no Jisü shou aküpülü ani keno panoqo pelo achipikalu peniye ke.

Rommi 3:3

Ike panongu khami no pükhübe müla kepu shive aye kishini kea? Panongu pükhübe kümla no Alhou’w pükhübekulu shipühaluve nani keshea?

Rommi 4:16

Tighenguno, Alhou’w pikiqhi ye aküpülü vechewo ighi cheni, tishianguno pikiqhi ye küpükini vechewo Abraham nuli-kughukoqo kümtsü lau mütsümishei shilu peniye ke—tiye ayeza papelu chekemiqo lau likhi kumo, ikemu Abraham küpülü toi aküpülü aghí kemiqo lau ghí ke. Abraham ye ningu kümtsü papù ke.

1 Kor. 1:12

Ike I no piakeu ye hike: Nongu dolo khami no, “Ni ye Paul papemi ke”; kütami no, “Ni ye Apollos papemi ke”; khami no, “Ni ye Peter papemi ke”; itaghi khami no, “Ni ye Khristo papemi ke,” ipi akhani ke.

1 Kor. 10:19

Tishiaye ni ye kiu piani kea? Achuqu pesü ajulho lhou lau aghakishi shi müláve keu lo kiuala akiqi ani keshea, momu ajulho lhou ye kiuala akhotou shiva keshea?

1 Kor. 10:29

Ni ye nongu kükümsü küpüna keu ghili kumo no kütami kükümsü küpüna keu ghili pi anike. Kushiye timi kütami kükümsü pelo iw ghoshixü shou küghathabe apeni kea?

1 Kor. 15:50

Athiküzümi eno achelimiqo, I no nongu lau asheshu ani, ashi eno ajì ye Alhou kükaphu ighi müla nani, momu tsümave nikeu ye tsümave müla nikeu ighí mülae.

2 Kor. 1:20

Kughengu Alhou no kutomo piqhipüaghi namu, tipaqo kümtsü Khristo vechewo “Iye” ipi anike. Ikehu ningu no pa vechewo Alhou juküvü shi ghi “Amen” ipi cheni.

Ephesiami 2:12

tipau ghuloki lo nongu ye Khristo lau no kütüta shipe acheke, Israel lo aghakütsami lono kopheve ke eno pikiqhiw puloshoqhiqo lau no tüsümi shi acheke, tiye hipau yeghiqha lo lajupu küha eno Alhou küha no ache ipi kümsülulo.