Rommi 15:7 - Sümi Tiqhelimi Bible

⁷ Tishiaye Alhou juküvüpu shipe nike ghenguno Khristo no nongu ikhilu ketoi nongu ghí lakhi no lakhi ikhilulo.

BAIBEL (BSI)

⁷ Tighenguno Alhou jukuvupushi Khristo no nongu ikhiluketoi, nongu lakhino lakhi ikhilukilelo.

Sumi Naga CL (Re-edited) Bible (BSI)

⁷ Ikehu Alhou juküvüpu ghenguno Khristo no nongu ikhilu ketoi nongu lakhino lakhi ikhilu kilelo.

Rommi 15:7 ပူးပေါင်းရင်းမြစ်များ

MATTHEW 10:40

“Khuu no nongu sasüni keno I sasü ani, eno khuu no I sasü keno I puwu akeu sasü ani.

Mark 9:37

“Timi khuu no I je lono itimi hitoi keu sasüni keno ni sasü anie, eno khuu no ni sasüni keno pa ye I sasǘ anike kumoe ikemu I puwu akeu sasǘ anike.”

Luke 15:2

Ikemu Phariseemi eno ayeza kükütsümiqo no nhenheshi hitoi pi, “Timi hipau ye axinemiqo ikhilu eno panongu gholo chu-sho anie.”

Luke 9:48

Tisheno panongu vilo pi: “Khukhumu I je lono itimi hitoi keu sasüni keno ni sasü anie, eno khuno no ni ikhiluni keno I puwu akeu ikhilu ani. Kughengu nongu gholo khuu no akitilau keno pa no kümtsü nguno akijeu ke.”

John 13:34

“I no azakütsü kithé nongu tsü ani: Lakhi no lakhi kimiye lo. I no nongu kimiye ketoi, nongu ghí lakhi no lakhi kimiye moayesae.

John 6:37

I pù no I tsüke miqo kümtsü I lau ighi nani, eno ni ye I lau ighi kemiqo ye khilemu hapuwuvemo nani.

Rommi 15:9

Tilikhi kumo no Khristo ye Jewkumomiqo pelo Alhou’w kimiyekini ghenguno Alhou juküvü shipe niye ighike. Kughengu Kuchoyesü lo ishi yèpüani: “Tighenguno Jewkumomiqo gholo no I no O sheni; I no O je sheqhe ale pheni.”

Rommi 5:2

Jisü Khristo vechewo ningu pelo aküpülü lono ningu no itehi puthugho akeu küpükini lo ilolu pe ke. Ikehu ningu ye Alhou juküvü küsaje nikeu lajupu akeu lo alovini nolo.

Ephesiami 1:12

Tishi keu vechewo ningu khunoqo no atüghimi shi Khristo shou ninguw lajupu qhilu keno, ningu pelo ajuküvü eno akishé pa tsüpe niye ke.

Ephesiami 1:18

Ni ye nongu mlo nhethi pelo alopütsülu pe nikeu ghenguno inikhu acheni, tishianguno nongu pelo pa no nongu kulù püakeu lajupu akeu, paw akimthe timiqo gholo ajuküvü mheghi kinikülü shi akeu,

Kolosiami 3:13

Lakhi no lakhi lau küsüqhikulu shilo eno nongu khuala no kütami lau kumchhokumnu shikeu aghí aye lakhi no lakhi kipimí qhitsülo. Ampeu no nongu kipimí qhitsü ketoi nongu ghí lakhi no lakhi kipimí qhitsülo.