Rommi 13:4 - Sümi Tiqhelimi Bible

⁴ Kughengu ayekipe lo akemi ye Alhou qemi ke eno O kivipu ghenguno anike. Ikemu nono achipikumo shi aye msà alo, kughengu ayekipemiqo ye aghime O tsülu kepu küká anike. Panongu ye Alhou qemiqo ke, eno achipi shimo kemiqo shou Alhou loghukighide süghi peniye puwu püani ke.

BAIBEL (BSI)

⁴ Kughengu okivipu shitsupe nike ghenguno paye Alhou qeuke. Ikemu nono vimo aye, pa msakepu ani, paye adou loye azutakihi pesu ngomo nani. Paye Alhou qeu eno alhoksa kumlami shou Alhou loghu peithanikeue.

Sumi Naga CL (Re-edited) Bible (BSI)

⁴ kughengu pa ye o kivipu shitsüni ye Alhou ghinimi lakhi ke. Ikemu nono akumou shive aye msa kepu ani, kughengu pa ye adou loye azütakikihi pemo nani. Pa ye Alhou ghinimi kehu alhoksa kümlami shou Alhou loghu süghi cheni.

Rommi 13:4 ပူးပေါင်းရင်းမြစ်များ

Rommi 12:19

I no kimiye chekemi aküsàmiqo, amkhü lukevilo, ikemu Alhou loghukighide shou picheve tsülo, kughengu Kuchoyesü lo ishi yèpüani: “Amkhü ye I no lunani; I no lochile nani,” ipi Ampeu no pie.

Rommi 13:6

Hipau ghenguno nongu ye zame tsü cheni ke, kughengu ayekipemiqo ye Alhou qemiqo ke, eno panongu ye ado kümtsü pesü ayekipe ghenguno tsü cheni ke.

1 Thes. 4:6

Eno hipau vehu lo khumu athiküzümi momu achelimi lakhi shou alhoküsa shikepu kumo momu alikhi alá ghenguno adokivi lu kepu kumoe. Ningu no azüu no nongu vilo pive eno pikichive keu toi, hitoi keu xiné shikemi kümtsü Ampeu no ghimeqhi nani.

1 Peter 2:14

momu khunoqo achipikumo kümlà shi cheni keno ghime peniye eno khunoqo achipi shi cheni keno akishé tsüpe niye qhasükükau no anghqo nongu lau puwu keqo shi aghí namu panongu ghokulu shilo.