Rommi 13:12 - Sümi Tiqhelimi Bible

¹² Putho wokhaveni chea; atsala ye ipechea. Tighenguno ningu àküzǘ lo kümlàqo qhikhave no aküvü ghünanu puluveni nolo.

BAIBEL (BSI)

¹² Putho wokhaveni cheae, atsala ipe cheae. Akuzulo mla ithachekeu ninguno qhiveni nolo eno akuvulo aghu shikepu nanu pepuni nolo.

Sumi Naga CL (Re-edited) Bible (BSI)

¹² Tsüküzü ye wove chea; tsüküvü ipecheae. Ikehu ningu aküzü lo kümlaqo peve no aküvü lo ghünanu pepuni nolo.

Rommi 13:12 ပူးပေါင်းရင်းမြစ်များ

Rommi 13:14

Tishini ke züqhulo, Ampeu Jisü Khristo pesü nongu ghünanu shi pepuluvelo, eno kíshi no ashi-aji ghapiqi tsüní keno tipaqo ghili kümsü akevilo.

1 Kor. 10:11

Thime hipaqo ye kiche-kipiye toi panongu lau shike eno pikichi keu shi ningu tiqheli ashekuho lo xü akemi ghenguno yèpe qhike.

1 Kor. 7:29

Athiküzümi eno achelimiqo, I no piakeu kiqi ye hike; ado aghuloki ye ikhonheivae. Ikehu hinguno hilau ye khunoqo no akibo shivea keno pano kibo lo likhi kümsü pesü xü kepu kumoe;

2 Kor. 10:4

Ningu no aghünanu khipaqo pesü aghüshi cheni keno tipaqo ye ayeghilomi ghünanu kumoe. Ikemu tipaqo ye Alhou lau no ighi keu küká eno aliwo kuptu hexave kulupu küká anike.

2 Kor. 6:7

Ningu ye amikucho shi kuchou kütsü cheni. Alhou küká ye nilo lo mülà ani. Aghüshini ke ghenguno ni-u ajeu achipiumikucho ghünanu pe cheni eno süshoni ke ghenguno ni-u piyiu achipiumikucho ghünanu pe cheni.

Ephesiami 4:22

Ikemu nonguw khaghi küxü ghola vehu lo nongu vilo nongu lhoaye aqau khikhi ti pishikiqhi kükümsü no shikuchubevea keno tipau ikhiqhivelo ipi shika ke;

Ephesiami 5:11

Àküzǘ lo athi pithímo keu kümlàqo lo chhosü kevilo, ikemu tishini ke züqhulo tipaqo aküvü lo pephe-piye lo.

Ephesiami 5:8

Kughengu ghuthu lakhi lo nongu ye àküzǘ lo acheke, ikemu itehi ye Ampeu lono nongu ye aküvü lomi shivae. Aküvü lo akemi toi xüche lo

IBRIMI 10:25

kümtsa kusho chekeu phevemoni, kughengu timi khami ye alhoaye shi ighi chemo ke, ikemu lakhi no lakhi shikumto kileni—eno tinguno alau nongu no ithulu akeu toi Ampeu Tsalá hu ye kupunú wochae.

IBRIMI 12:1

Tighenguno, ningu ye thopimi aqokitikhi hijejehi no ningu sümxa pe anike ghenguno, ningu lakha chekeu thimeqo eno mülalei kitimeve chekeu xinéqo kümtsü ikhipe peveni nolo. Eno ningu pelo pokuxu penike ghenguno amichi shipüa keu gholo tsükhoi shi no poni nolo,

James 1:21

Tighenguno, aphikümqhüpu süqesüli eno küsakügha kümlà ighono qhakuchho shi akeu kümtsü qhivelo eno Alhou tsa O lolo shosüpüa keu aqhokigheu shi ikhilulo, tino O xalu nani ke.

James 5:8

Nongu ghí kutuukulu shi no ithamo no puthugho lo, kughengu Ampeu ighi nikeu ye kupunúvae.

1 Peter 2:1

Tighenguno, nongu likhi nongu lolo axeküsü jeli ngò pishikiqhi jeli, kühakügha, anhekushu, eno pipütha keu jeli kümtsü qhivelo.

1 Peter 4:7

Thime kümtsü ashehove nikeu ye kupunúvae. Tighenguno kutokughoi lo eno tsükhütsüvai keu kükümsü xapu ngo lo tishianguno nongu ye akighini shilu peniye ke.

2 Peter 3:11

Thime kümtsü hipau ghola lono kütsakungove nani ke ghenguno, nongu ye kiutoi kemi timi shi aghí moayesa kea? Nongu no khekulhoshi Alhou tsalà ighi niye akeu khe ake dolo nongu ye akimthe eno Alhou sümsa keu küxü xü moayesa ke. Atsala tipau lo ye ami no atsütsǘ lo akeqo pitive no shipühave nani, eno thime jeliqo ye akülǘ no pitikümlave nani.

2 Peter 3:9

Timi khami no asheshi keu vethalu chekeu kiqi lono Ampeu ye pa no piqhive keu pape nike asheshive cheni küghashi kemu tishimoe. Tishini ke züqhulo pa ye nongu lau kutuukulu shi acheni, pa ye nongu khuu pelomu pühave penishimo ke, ikemu kümtsü pelo amlo pebideve penishi anike.

1 John 2:18

Kimiye chekemi anuliqo, hiye ashekhau tüqhüdo ke; eno Khristo lakichilemi chekeu nongu no chiluve keu toi, itehi ghí Khristo lakichilemi kutomo ighivae. Hitoi keu no ashekhau tüqhüdo kepi ningu no ithi nani ke.

Piyeküsü 1:3

Khuu no ighamuku tungkuptsa hipau phisüni keno tipano kümghae, eno khunoqo no hi chilu püzü kiu yèpüani keno tipau papeni keno tipaqo kümghae, kughengu ado ye kupunúvae.

Piyeküsü 22:10

Tisheno pa no I vilo pi, “Liküküzü kaku hipau lo tungkuptsa akeqo mekha kevilo, kughengu ado ye kupunúvae.