Rommi 13:1 - Sümi Tiqhelimi Bible

¹ Yepeka kükagha qholo timi kümtsü no aghokulu shi moayesa, kughengu Alhou no huthuphe tsü keu kumo aye ayekipe kütau ye küha ke. Itodolo ayè pe akeu yepeka ye Alhou no huthuphe tsüke.

BAIBEL (BSI)

¹ Timi kumtsuno yepeka yehkipe qholo aghokulu shipelo. Kughengu Alhou launo kumoaye khuno yepeka mu ngosu mlae, eno itodolo aghikeu yehkipe huye Alhou no qhipe puanike.

Sumi Naga CL (Re-edited) Bible (BSI)

¹ Timi kümtsü no yepemi qhoqhülo. Kughengu Alhou launo kumo aye khunomu kükagha kühae, eno itehi akeqo ye kümtsü Alhou no süsüe.

Rommi 13:1 ပူးပေါင်းရင်းမြစ်များ

MATTHEW 6:13

Eno ningu pelo ghukuju lo ilove pe kevilo ikemu küsakügha lau no ni xaphe tsülo. Kughengu akükaphu, aküka eno ajekipi ye alhokupuju lo ow ke. Amen.’

John 19:11

Jisü no khochile, “Tsalá Alhou no aküka O tsümo ke aye no ye I shou aküka kühani cheke. Tighenguno timi khuu no I küghape O tsüvea keno pa ye axiné kijè kipimí shivae.”

Apostolmi 2:41

Pa kükütsü sütsa ikhilu kemiqo ye baptiz shiluve, eno tipau tsalà lo timi 3,000 qhalo panongu gholo kihiküsü shiluve.

Rommi 12:21

Küsakügha pelo O theqhive pe kevilo, ikemu akivi pesü küsakügha theqhilulo.

Rommi 13:2

Tighenguno, timi khuu no yepeka hebideni keno tiye Alhou no süküsü shipüa keu hebide anike, eno khuno no tishini keno pano likhi pano shou küghakütha süghi nani.

Ephesiami 5:21

Khristo gihu akeu ghenguno lakhi no lakhi qhoqhü lo.

1 Tim. 2:2

Tihutoi kükami eno kükagha lo akemi kümtsü ghenguno inikhu tsülo, tishianguno ningu pelo Alhou ithi keu eno akimthe lono iqünhei eno aloino ghi xülu penike.

Titus 3:1

Timiqo pelo kükami eno ayekipemiqo qhoqhü eno kiu no akivi keno tipau ghokulu shini keu kutò pe apenike ghutú alo,

Jude 1:8

Tipau tho lono, alhou kümthami hipaqo ye panongu samoqo kumto pükhü pesü panongu likhi panongu phimpi shikuchube, kükagha milive eno kungugha lo küamiqo shou pipütha puku cheni.

Piyeküsü 17:14

Panongu no Ambeti sasü aghüshi nani, ikemu Ambeti no panongu shou toluve nani kughengu Ambeti ye ampeuqo shou Ampeu eno kükamiqo shou Akükau ke, eno pa gholo pa no kulùve kemi, kisheluve kemi eno pükhübekulumi pa pape chekemiqo anani ke.”

Piyeküsü 19:16

Paw ubephi eno paw alukobo lo aje hitoi yèpüa: Kükamiqo shou akükau eno ampemiqo shou ampeu.