Rommi 12:13 - Sümi Tiqhelimi Bible

¹³ Nongu no aghí keu pesü Ampeu’w timi khunoqo no avehupu shi ani keno panongu sasü küsaje lo. Inami sasükinimi shilo.

BAIBEL (BSI)

¹³ Nonguno aghikeu pesu kupulumi vehupu shi aghi keulo qhasutsulo; eno nonguye inami sasukinimi shilo.

Sumi Naga CL (Re-edited) Bible (BSI)

¹³ Küpülümi vehupu lo qhasü tsülo eno pütüta ki lo shoinami sasükinimi shilo.

Rommi 12:13 ပူးပေါင်းရင်းမြစ်များ

MATTHEW 25:35

Kughengu I no müzüthi akelo nono chu kepu hami I tsüke, I no tüghüthi akelo nono shokepu hami I tsüke, I no inami shiche kelo nono I sasǘ tsüke.

Apostolmi 10:4

Cornelius no akümsa lau no thüghüi pa ju. Pa no, “Kiu kea, Ampeu?” ipi iniju. Kungumi hu no khochile, “O kighini eno nono kümsá no kumlhomiqo kuphu chekeu ye Alhou gizülo kümsüma müla keu kümlagho shi ikughivae.

Apostolmi 4:35

apostolmiqo pukhuphi lo qhi, eno tiye avehupu shi akemiqo lau kijé tsü ake.

Rommi 12:8

tsalá shikumto nikeu shi aghí aye, shikumto moayesa; tsalá kütami kuphu kepu shi aghí aye, kupukuno shitsü moayesa; tsalá kütami saphe kepu shi aghí aye, tsaqütsalei saphe moayesa; tsalá kimiyekini pephe kepu shi aghí aye, amloqiqhiyi pephe moayesae.

1 Kor. 16:15

Nongu no ithi anike, Stephanas kibolomiqo ye Achaia lo küpülümi shitüghimiqo ke, eno panongu ye Ampeu’w timiqo kümlapù lo panongu likhi panongu ikhiphe pe tsüve ke. Athiküzümi eno achelimiqo, I no nongu qhüiniju akeu ye

2 Kor. 9:1

Ampeu’w timiqo lau tsükini kümlà hipau shi moayesa keu vehu lo ni ye nongu lau yè akepu kühae.

2 Kor. 9:12

Nongu no akümlà hipau shi akeu ye Ampeu’w timiqo no avehupu shi akeu lo likhi tsüpuwu anike kumoe, ikemu panongu pelo ajeli kutomo lono Alhou lau alokivishi shikimthi tsü keu qochili ipeghilu pe anike.

Galatiami 6:10

Tishiaye, ningu adokivi ithulu keu lo, timi kümtsü lau akivi kümlà shi aní nolo, eno akhotoshi khunoqo aküpülü lono abolomi shiluvea keno panoqo lau mülà aní nolo.

1 Tim. 3:2

Akukuho lo sakiphemi lakhi ye akipimí küha kemi shi moayesa, pa nipu lau amikucho shi moayesa, aghibiu shi moayesa, alikhi aghasülu kemi, gihu küzüpumi, inami sasükinimi, shikathi kemi shi moayesa,

1 Tim. 5:10

eno li kümlà kivi ghenguno ajekipi shikemi. Akümlà kiviqo ye anuliqo saputhu keu, sasükini shikeu, Ampeu’w timiqo pukhu qhutsü keu, aveküsa shi akemi kuphu keu eno akümlà kivi jeliqo kümtsü lo amlo tsü keu ke.

Titus 1:8

Ikemu, pa ye inami sasükinimi shi aghí moayesa, kiu no alo keno kimiye chekemi, alikhi aghasü kulumi, amikuchomi, akimthe eno aghokulumi shi aghí moayesae.

Titus 3:14

Niw timiqo ye kiu no akivi keno tipau shi aní keu lo pulopiniyi amoayesae, tishianguno avehupu shi akemiqo kuphulu eno ameküha keu küxü xümo nani ke.

Philemon 1:7

Ow kikimiye no alokiqi kijè I tsü eno I shikumto luvae, kughengu athiküzüu, nono Ampeu’w timiqo mlo ghüthipüxüve tsü ake.

IBRIMI 13:16

Eno akümlà kivi shini keu ngò kütami gholo küsaje nikeu kümsüma kevilo, kughengu Alhou ye hitoi keu kümlaghoqo ju pesü amloqi cheni ke.

IBRIMI 13:2

Nongu ki lo inami sasǘ nikeu kughucho kevilo, kughengu tishi keu vechewo timi khami ye mtha püzü kungumiqo sasü keu shilu püani ke.

IBRIMI 6:10

Alhou ye achipiu kumo shichemo ke; pa ye nongu kümlàqo eno nongu no paw timiqo kuphu keu eno tamo no kuphu akeu vechewo kikimiye pa pìyeve keu khilemu kümsümamo nani.

1 Peter 4:9

Nhenheshimo no lakhi no lakhi sasü kilé lo.

1 John 3:17

Tsalá khuala no ashi lo küakini aghí eno athiküzümi momu achelimi lakhi no avehupu shi akeu ithulu anamu panongu shou kimiye keu küha aye, kíshi no Alhou’w kikimiye timi tipau lolo aghílu nani kea?

3 John 1:5

Kimiye chekeu I küsàu, O ghenguno athiküzümi ngò achelimiqo ye inami shi aghimu nono panongu ghenguno kiu shi ani keno tipau lo pükhübekulu shike.