Rommi 12:1 - Sümi Tiqhelimi Bible

¹ Tighenguno athiküzümi eno achelimiqo, Alhou’w kimiyekini vechewo I no nongu qhüiniju ani: nongu phimpi pesü aküxü no mülá keu kümlagho shi akimthe eno Alhou pulou lono ikhiphe pe tsülo. Alhou mülá nikeu lo hino kuchou eno achipiu ke.

BAIBEL (BSI)

¹ Ikehu ithikuzumiqo, Alhou wu qhuivulayi keu kutomo ningu lau akeu vechewono ino nongu vilo hi qhuiniju ani: Nongu phi-mpi pesu Alhou lau akuxuno mllakeugho shi-ghi qhitsulo, pa kumlapulo akimtheshi peitha penike eno pano ikhilu kuzupushi tsulo. Hino kuchou shi nonguno mlla kepue.

Sumi Naga CL (Re-edited) Bible (BSI)

¹ Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

Rommi 12:1 ပူးပေါင်းရင်းမြစ်များ

Luke 7:47

Tighenguno I no O vilo pìní, li no kikimiye kijè pephe-piye ketoi li xiné kutomo akeu qhive tsüa. Ikemu khuno lau akipimí kitila likhi qhivetsü akeno kikimiye kitila likhi ke.”

Rommi 12:2

Hipau yeghilomi ghola ha kevilo, ikemu nongu kükümsü shikithelu keu vechewo nongu lolo pekililu lo. Tishilu aye Alhou pulou ye kiu keno nongu no tipaqo kimchilu eno ithikütüta shilu nani. Alhou pulou ye akivipu, ikhilu küzüpu eno kupukülai ke.

Rommi 15:16

ni ye Jewkumomiqo lau Khristo Jisü qeu lakhi ke. Pa no Alhou tsakiviu pe asheshu pe nikeu chine kümlà I pichhe tsüke, tishianguno Jewkumomiqo pelo Aghungu Kimthe no shikimtheve no Alhou no ikhikulupu kümlagho shilu peniye ke.

Rommi 15:30

Athiküzümi eno achelimiqo, ningu Mpeu Jisü Khristo eno Aghunguw kikimiye vechewo I no nongu lau hi qhüiniju ani: I gholo kutubo ghi Alhou vilo I ghenguno tamo no inikhu tsü alo.

Rommi 2:4

Momu nongu ye Alhou’w küpüqhiyi keu hu kupukuno shi akeu ye nongu pelo amlo pebidelu pe nikeu ghenguno kepi vethamla no nongu ye paw küpüqhiyi keu, küsüqhikulu eno kheakulu thaigha cheni keshea?

Rommi 6:13

Nongu phi-au lakhimu pesü küsaküghaw küghaküsü shi ghi axiné lau ikhiphe tsü kevilo, ikemu tishini ke züqhulo akithí lono aküxü shive kemiqo toi O likhi O küxü pesü Alhou lau ikhiphe pe tsülo; eno O phi-au eno O mlo kükümsü kümtsü pesü achipiumikucho küghaküsü lakhi toi ikhiphe pe pa tsülo.

Rommi 6:16

Kughou nongu no nongu likhi nongu pesü khiuala lau aghokulu shi aqüaxemi shi ikhiphe pe tsüveni keno, nongu ye nongu no agholu chekeuw aqüaxemiqo kepi mtha keshea? Tiye nongu no axiné khikhi akithí lo sawu cheni keno tipau qüaxe shi aghina, momu aghokulu khikhi achipiumikucho lo sawu cheni keno tipau qüaxe shi aghí namu ke.

Rommi 6:19

Timi lhoaye lo tomo-chhimo keu achekeu nongu gholo akeu ghenguno ni ye tsalakipe küxüw kiche-kipiye peitha ani. Nongu no nongu likhi nongu pesü mithekumo ngò küsakügha qüaxe shi ikhiphe pe tsü cheke toi, itehi ye nongu likhi nongu pesü achipiumikucho qüaxemi shi ikhiphe pe tsülo eno tishi keu vechewo akimthe küxü lo xülo.

Rommi 9:23

Pa no hitoi shikeu ye pa juküvü kiní pesü pa no kimiyeqhiyi chekemiqo lau alau vüqai pephe-piye niye ke. Panongu ye pa juküvü ithulu penike ghenguno pa no azüu no kutò pe qhive kemiqo ke.

1 Kor. 1:10

Athiküzümi eno achelimiqo, I no ningu Mpeu Jisü Khristo je lono nongu kümtsü pelo nongu no pikeu lo lakhi no lakhi gholo puloküqha tsü eno nongu dolo kijethave keu shimo no amlo eno akükümsü lo kupukülai shi küqhalu penike qhüiniju ani.

2 Kor. 10:1

Khristo kümtsha küghüvü vechewo ni Paul khuu nongu gholo agi kinheqhi no kusholu kelo kujo-kighiyi cheni kemu kughou putosüveni keno amlo kumto shi chekeu hu no nongu qhüiniju ani.

2 Kor. 4:1

Tighenguno, Alhou’w kimiyekini vechewo ningu ye pichebekümlà hipau anike ghenguno ningu ye amlo hauve chemoe.

2 Kor. 4:16

Tighenguno ningu ye amlo hauve chemoe. Ningu phimpi ye tsümave aya kemu ningu lolo ye tsalà kipetsü akithé shikitheve tsü ani.

2 Kor. 5:20

Tighenguno ningu ye Khristo’w lashikamiqo ke. Alhou no ningu vechewo pa ampi no nongu qhüiniju akeu kumlho ke. Ningu no Khristo züqhu shi nongu qhüiniju ani: Alhou lau külashiluve lo.

2 Kor. 6:1

Ningu kümtsa Alhou kümlà shi ani kehu ningu no nongu qhüiniju akeu ye Alhou’w küpükini ithulu keu adou shitsü kevilo.

Ephesiami 4:1

Tishiaye ni Paul, Ampeu ghenguno akughumi lakhi shi akeu no, nongu pelo nongu kulùve keu qhemi aküzüpushi xü penike nongu hakite ani.

Ephesiami 5:10

eno kiu no Ampeu pulou shilu cheni keno tipau phulo.

FILIPIAMI 1:20

I no khekulhoshi laju eno huqhe akeu ye ni ye khilemu kujovemo nani, ikemu pülhapuju shiche ketoi eno itehi ghí amlo kumto no chhitoi shi ani, tishianguno, xü kepu shina thikepu shi namu I phimpi lono Khristo süqhelu pe nani.

FILIPIAMI 2:17

Ikemu tsalá nongu kümlagho eno akümlà lono nongu küpülü vechewo ni ye atsaiji leqhipe mülá nikeu lakhi toi akipti-a lo ikhiphe pe tsüve kepu shi namu, ni ye alokivishi nani eno nongu kümtsü gholo alovi küqha nani.

FILIPIAMI 4:18

Ni ye I jume kuchopu ithuluvea eno lukümkhapu shi ani. Nongu no Epaphroditus lau no aghò I tsüpuwu keu hu ithulu no ni ye kupukuno shi anie. Tipaqo ye axokütsüngü kümlagho, Alhou mlokiqipu eno pa lau ikhikulupu aghakishi lakhi ke.

1 Thes. 4:1

Athiküzümi eno achelimiqo, kütau vehuqo shélo ye kíshi Alhou pulou lono xüni keno ningu no nongu shikavae. Kuchou lo nongu ye tishi xüani. Itehi ningu no Ampeu Jisü vechewo nongu qhüiniju akeu ye itaghi hitoi alau shi xüa penike nongu kite ani.

1 Thes. 4:10

Eno kuchou lo, nongu ye Macedonia qha kuchopu lo Alhou timi kümtsü kimiye acheni ke. Tishiaghi namu, athiküzümi eno achelimiqo, nongu pelo itaghi alau tishi apenike ningu no nongu hakite ani,

1 Thes. 5:12

Athiküzümi eno achelimiqo, ningu no nongu qhüiniju akeu ye, nongu dolo khunoqo no ighono ime mülà acheni, khunoqo no Ampeu je lono nongu tucho acheni eno khunoqo no nongu shika tsü acheni keno panoqo qhoqhü lo.

1 Tim. 2:3

Hiye aloke eno ni Xakulu Lhou pulou ke.

1 Tim. 5:4

Ikemu chimemi lakhi no anuli momu atilimiqo aghí aye, tipaqo pelo atüghishi panongu kibolomi tucho keu vechewo panongu chineye akümlà lono pephe nikeu shikalu moayesa ke eno tishi keu vechewo panongu pù-aza eno asǘ-apüza lochilelu anani, kughengu hiye Alhou pulou ke.

Philemon 1:10

ni ye O lau I nu Onesimus, khuu I no ayikichhe lo tsüghape ake lono I nu shilu keno, pa ghenguno qhüiniju ani.

Philemon 1:9

ni ye kikimiye vechewo O qhüiniju nikeu no I pulou shi ani. Tiye kütami kumo no Paul ke—kitemi lakhi eno itehi ye Khristo Jisü ghenguno akughu shi akeu—

IBRIMI 13:22

Athiküzümi eno achelimiqo, ni ye nongu pelo I no shikumtokütsü tsa piakeu lo kutuu penike kite ani, kughengu kuchou lo ni ye nongu lau ighono ikhonhei keu lono yèpüani ke.

1 Peter 2:20

Ikemu tsalá nongu no achipikumo kümlà ghenguno nongu heqhi keu lo kutuuluve aye tiye kíshi no nongu ghenguno alá shilu nani kea? Ikemu tsalá nongu no akivi shikeu ghenguno ghime keu lo kutuuluve aye, hiye Alhou zülo sheqhe küzüpu ke.

1 Peter 2:5

Nongu ghí aküxüpu tuquqo toi akimthe chine kümlamì lakhi shi no aghungu xülo aghakishi kümlagho pe Jisü Khristo vechewo Alhou no ikhilu küzüpu shi mülá peniye aghungu lo ki lakhi gholo no nongu shiqhepuku anike.