Rommi 11:25 - Sümi Tiqhelimi Bible

²⁵ Athiküzümi eno achelimiqo, ni ye nongu pelo Alhou’w tuqhou hipau ghili ithi penishi anie, tishianguno nongu pelo nongu likhi nongu pülüpivi apemo niye ke: tiye hike, Israelmi shou amlo hekike keu ikughi akeu ye Jewkumomiqo khije Alhou lau ighi kepu shi ani keno tipaqo ighikupu mphi kutólo likhi ke,

BAIBEL (BSI)

²⁵ Ithikuzumiqo Alhou wu tuqhou kukughu lakhi anike ino nongu pelo ithipenishi ani, nonguno nongu lokutsu alotsuh shipeuve nosake. Tiye hi kene; Israilmi shou amlo hekikekeu ikughi akeuye Judakumomi khije Alhou lau ighikepushi ani keno tipaqo ighikupu mphi kutolo likhike.

Sumi Naga CL (Re-edited) Bible (BSI)

²⁵ Athiküzümiqo, mthamini nongu lotsüu papeve nosa kehu ni ye nongu pelo küsü püakeu tuqhou hipau ithi mono apenishi amoe: itehi Israelmi mlo shikümka püakeu ye Jewkumomi kümtsü no ighi kuloqu lumoke dolo ghengu likhino ke.

Rommi 11:25 ပူးပေါင်းရင်းမြစ်များ

MATTHEW 13:11

Pa no khochile, “Kughengu kungugha kükaphuw tuqhou kighithi ye nongu tsüvae, ikemu panongu ye tsü püamoe.

Luke 21:24

Panongu ye akihizüta no ghiqhi nani eno akughumi shi sasü ayeghiqha kümtsü lo wu nani. Jewkumomiqo do aghuloki shikupumo ke kutólo Jerusalem ye Jewkumomiqo no neda pesü anani.

John 10:16

Ni ye khaküthabo hilehi küha keu ambe kütauqo anie. Ni ye panongu ghí süghi moayesa ani. Panongu ghí I sütsa ini nani, eno tilehi ye ambe loji lakhi ngò ambe kheu lakhi anani.

Rommi 1:13

Athiküzümi eno achelimiqo, ni ye nongu pelo hi mtha no ape nishi amoe, tiye I no Jewkumomi kütamiqo gholo shikeu toi nongu gholo ghí ni ye aghungu kümlà pekholu niye ghuthu kutomo nongu lau ighi niye kughuju ke ikemu itehi kutólo I pelo tishilu pe nikeu lono lakhape püani.

Rommi 11:12

Ikemu tsalá panonguw hekibide no ayeghiqha ghenguno kinikülü shi aghí aye eno panongu pühave keu no Jewkumomiqo ghenguno kinikülü shi aghí aye, panongu kihisüluve keu vechewo kinikülü khijehi süghilu nani kea!

Rommi 11:24

Kughengu nongu Jewkumomiqo ye alho lono aghasa lo olive sübo lakhi kemu miché pewo alho lo lhoaye hexave ghi pighi achekeu olive sübo lo shokimepuku püakeu toi ke. Israel ye alho lono pighi achekeu olive sübo toi ke, eno Alhou ghengu ye hi pighi achekeu olive sübo lo icheiqive keu loka pesü pa likhi pa bò lo kimekitheve nikeu no mülalei ke.

Rommi 12:16

Lakhi no lakhi sasü kuloniküghüvüi shi xülo. Aqheküza shi kevilo, ikemu chuninei xüche kemiqo sasü kuloji nikeu lo puloniqhiyi shilo. Khilemu nono thowkha ithi akeu shi kevilo.

Rommi 16:25

Itehi ye I no pikülha chekeu tsakiviu lono piche keu toi, Alhou khuu no nongu pelo tolu pe keno ajuküvü kümtsü pe pa tsülo. Jisü Khristo ghili kükütsü sütsa hipau no nongu Jewkumomiqo ghenguno Alhou’w tuqhou küsüpüa chekeu pephe-piye anike, hiye tiqheli kushuwa kutólo küsüpe püa chekeu lakhi ke.

Rommi 9:18

Tighenguno, Alhou no kimiyeqhiyi nishi chekemi shou kimiyeqhiyi keu acheni, eno pa no amlo shikümkave nishi chekemi mlo shikümkave tsü cheni.

1 Kor. 10:1

Athiküzümi eno achelimiqo, ni ye nongu pelo ningu pù-asüqo ye kíshive keno ithi penishi ani. Panongu ye kümtsü khüngküsü qholo cheche eno tisheno panongu kümtsü azüghi kathasü wulu ke.

1 Kor. 12:1

Athiküzümi eno achelimiqo, itehi ye nongu pelo Aghungu Kimthe ghò ghili akivishi ithive penishi ani.

1 Kor. 2:7

Moe, ningu ye Alhou lokütsü pesü asheshu cheni ke, tiye Alhou’w tuqhou küsüpüa keu eno Alhou no azüu no ningu jekipipu ghenguno kimishì pe püakeu ke.

1 Kor. 4:1

Tishiaye, nongu ye hitoi ningu ikhilu kepue: tiye Khristo qemiqo toi eno Alhou no paw tuqhou pephe-piyeve keu pichebeve kemiqo toi ikhilu kepu ke.

Ephesiami 1:9

eno pa lokivipu ghola kiqi lono pa no ningu lau Alhou pulou tuqhou khikhi Khristo lono kimiji püa keno tipau ningu lau pephe-piye ke.

Ephesiami 3:9

eno Alhou khuu no thime kümtsü lhosü keno pa gholo wove keu tiqheliqo lo küsüpüa keu tuqhou hipau kümtsü lau mütsümishei ithikulupu shilu peniye bemakho I tsüke.

Ephesiami 4:18

Panongu kükümsü ye àküzǘ lo ani eno Alhou no tsü keu küxü lono kütüta shivae, tiye panongu lolo ayekümtha akeu vechewo panongu mlo mükamüghaive tsü akeu ghenguno ke.

2 Peter 3:8

Kimiye chekemi shompamiqo, ikemu thime lakhi hipau kümsüma kevilo: Ampeu gholo atsala lakhi ye ampe 1,000 toi ke, eno ampe 1,000 ye atsala lakhi toi ke.

Piyeküsü 1:20

Nono I u ajeu ayepu tsünì akeu ithulu keu ngò ameshoyi no mülà keu akulu tsünì ghopeqhi püakeuw tuqhou ye hike: Ayepu tsünì ye akukuhou tsünìw kungumiqo ke, eno akulukibepu tsünì ye akukuhou tsünì ke.

Piyeküsü 10:7

Ikemu tipau tsalaqo lo kughou kungumi akütsüniu no pa fuko küigha niye kutove nike no, pa no pa qemi tungkupumiqo vilo piputo tsüke hutoi Alhou’w tuqhou ye shikupuve nani.”

Piyeküsü 11:15

Kungumi akütsüniu no pa fuko küigha kelo kungugha lono asütsa kuloghi ipeghino ishi pie: “Ayeghi lo akükaphu hu ye ningu Mpeu eno paw Messiah kükaphu shivae, eno pa no alhokupuju lono alhokupuju ghenguno ayè pe nani.”

Piyeküsü 7:9

Hipathiu I no ju akelo timi khunomu kihikha müla kepu shi I gizülo timi kutomo ae. Tiye shiye, ashiaye, aju kütüta eno atsa kütüta piche kemi kümtsü no aküka lakhü zülo eno Ambeti zülo puthugho ae. Panongu ye miyetsüghoi keu chijeboboi-phi pepu ae eno panongu u lo amsabo loka pesü ngo ae.